1.Ioane 2:29 - Te B'aib'ara

²⁹ Ngkana kam ataia b'a E kakaraoa nanon te Atua, ao kam ataiia naba akana kakaraoa nanon te Atua b'a a bane ni bungiaki mai Rouna.

1.Ioane 2:29 ပူးပေါင်းရင်းမြစ်များ

Ieremia 13:23

Kam aki konaa ni bitaki ni karaoa ae e raoiroi? A konaa aomata ni bita kuniia, ke e konaa ni kanakoi matamatan kunin te reb'ari? Ngkana e konaa, ao tao kam na konaa naba ni bitaki ao n reireiningkami karaoan ae e raoiroi.

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

Ioane 1:13

ake a bungiaki tiaki n aroia ataei ake a riki mairouia tamaia aika aomata; ma E karikiia te Atua b'a natina.

Ioane 7:18

B'a te aomata ane taetae n oin nanona, ao e kataia ni karekea kamoamoana bon i bukina. Ma te aomata ae tangira kamoamoakin Teuare kanakomaia, ao E kaotia b'a e taekina te koaua, ao tiaki te kairua.

M'akuri 10:35

E kukurei iroun ane iai i rouna karineana ae moan te bati, ao e kakaraoa ae e raoiroi, e aoria b'a kaain te botannaomata ra ngaia.

M'akuri 22:14

Ao e taku, “E a tia n rineiko Atuaia ara bakatibu b'a ko na ata nanona are na karaoaki, ma n nora Teuare Atataiaomata, ma n ongo te b'ana mai wina.

M'akuri 3:14

B'a kam kakeaa Teuare Raoiroi, are kabanea maiuna i bukin te Atua, ao kam tua b'a kam na anganaki te aomata ae te tia tiritiri,

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

Ebera 7:2

ao Aberaam e anganna kaka teuana te katebwina ni m'akoro mani m'aitin ana b'ai aika kakaokoro nako ake a reke i rouna. Moan nanon te ara ae Merekitereka bon “Uean te Raoiroi”; ao i bukina ngkai uean Tarem, ao iai naba nanona ae “Uean te Raoi”.

Ebera 7:26

Iesu ngkanne bon te Ibonga ae Kakannato ae tau i bukira; E kukurei te Atua i Rouna, akea kabuakakaana ma baarekana, E kam'awaki mai rarikiia taani bure, ao E karietataki riki i aon taiani karawa.

Iakobo 1:18

E karikira n oin nanona, n te taeka are te koaua, b'a ti na riki b'a kanga moani-b'ai i buakoia akana karikaki i rouna.

1.Betero 1:23

B'a n ana taeka te Atua, ae te taeka ae maiu ae teimatoa, ao ai aron ae kam a manga bungiaki, tiaki mairoun te karo ae mamate, ma mairoun te karo ae aki mamate.

1.Betero 1:3

E na karaoiroaki te Atua ae Taman ara Uea are Iesu Kristo, b'a man ana nanoanga ae bati ao ti a anganaki te maiu ae boou ma te kaantaninga ae nene ni manga-utin Iesu Kristo man te mate;

1.Betero 3:18

B'a e mate Kristo i bukini buure ti te taina ao akea riki, te aomata ae e raoiroi i bukiia aika buakaka, b'a E aonga ni kairingkami nakon te Atua. E boni kamateaki n te aro n rab'ata, ma E kamaiuaki n te aro n tamnei;

2.Betero 1:4

ake E anganira iai taeka n akoi ake a kakawaki ma ni moa ni kakannato, b'a kam aonga ni biri nako man te kaib'ab'aru ae kamamate ae i aon te aba, ao kam riki b'a taani buokanib'ai n te aro n Atua.

1.Ioane 2:1

Au ataei aika uarereke, I koroi baikai nako imi, b'a kam aonga n aki bure. Ao ngkana e bure temanna, ao bon iai te Tia Tei i bukira are Iesu Kristo ae atataiaomata, are mena iroun te Tama:

1.Ioane 3:5

Ao kam bon ataia b'a E karokoaki Teuarei b'a E na uoti nako buure; ao bon akea te bure i nanona.

1.Ioane 3:7

Ataei aika uarereke, e na tai m'am'anaingkami temanna: b'a ane b'ab'aina te atataiaomata, ao e bon atataiaomata;

1.Ioane 4:7

Ngkami aika kam tangiraki, ti na i tangitangiri: b'a mairoun te Atua te tangira; ao ane iai te tangira i rouna, ao e bungiaki mairoun te Atua, ao e ata te Atua.

1.Ioane 5:1

Aomata nako aika kakoaua b'a Iesu bon te Kristo a bungiaki mairoun te Atua; ao aomata nako aika tangira Teuare karikiia, ao a tangira naba Teuare a bungiaki mai Rouna.

1.Ioane 5:18

Ti ataia b'a ane bungiaki mairoun te Atua e aki bure; ma Teuare bungiaki mairoun te Atua E kawakinna, ao akea te kabuanib'ai ae na riki nako Ina mairoun teuare buakaka.

1.Ioane 5:4

B'a ane bungiaki mairoun te Atua ao e kona ni kataea ana kai te aba: ara onimaki boni ngaia ae anganira te tokanikai i aona.

3.Ioane 1:11

Ngkoe ae ko tangiraki, ko na tai kakairi n te m'akuri ae buakaka, ma ko na kakairi n te m'akuri ae e raoiroi. Ane karaoa ae e raoiroi ao boni mairoun te Atua; ane karaoa ae buakaka ao e tuai n nora te Atua.