1.Ioane 2:28 - Te B'aib'ara

²⁸ Ma ngaia aei, ngkami aika ataei aika kam uarereke, kam na nim ma Ngaia; b'a ngkana E a manga oki Kristo, ao ti na aki maaku ma ni kaota ae ti rangi ni mamaa i Rouna i matana.

1.Ioane 2:28 ပူးပေါင်းရင်းမြစ်များ

Itaia 25:9

Ane a na kaangai aomata n te tai arei, “E a tia te UEA ni kamaiura! Ti na karaoa ara bootaki ni kukurei. Ti tataninga ma ni kakantaninga ao ngkai e a mena Atuara ikai.”

Itaia 45:17

Ma Ngai ae te UEA, N na bon teimatoa ni kaawakina Iteraera ma ni kararoa man te kamaamaaeaki.

Maraki 3:2

Ao ngkana e roko te bong aei, e na riki b'a kaanga te ura ae e korakora are e karana te tirewa ke kaanga te toobu ae e korakora i nanon te betin n uaati. Bon akea ae e na konaa n teirake ni kaaitaraa.

Maraki 4:5

I berita Ngai ae te UEA b'a N na kanakoa te burabeti are Eria i m'aain rokon te bong ae e rangi ni kakamaaku anne.

Mataio 16:27

B'a ane E na nakomai Natin te aomata ma ana anera i nanoni mimitongin Tamana; ao ane E na angania aomata ni kabaneia booni mwin aia m'akuri.

Mataio 16:28

E koaua ae I a tuangngkami b'a a na aki mate tabem'aang i buakoia aika tei ikai, ngkana a tuai n nora Natin te Aomata ngkana E nako mai ma ueana.”

Mareko 8:38

B'a ane mamaa i Rou ao n au taeka n te roro ae kakeaa te Atua, ae te roro ae buakaka aei, ao Natin te Aomata E na mamaa naba i rouna ngkana E roko ma mimitongin Tamana, ao raona anera ake a tabu.”

Ruka 17:30

ao ai arona naba n te bong are E kaotaki iai Natin te Aomata.

I-Rom 9:33

n ai aron are koreaki ni kaangai: “Noria, I kawenea i Tion te atibu ae a na reke waeia iai aomata, ao a na b'aka; ao ane onimakinna ao e na aki kamaamaeaki.”

1.I-Korinto 1:7

Ma ngaia are akea te b'ai n tituaraoi teuana ae akea i roumi, ngkai kam tiku ni kaantaninga kaotan ara UEA are Iesu Kristo.

1.I-Korinto 15:23

Ma iai bairean temanna ma temanna ngkana e a manga kamaiuaki mai buakoia maate: b'a Kristo moa, ao rimwi te koraki ake a onimakinna ngkana E roko;

I-Ebeto 3:12

Ngkai ti reitaki ma Kristo, ao ngkai ti onimakinna, ao ti ninikoria ni kawara te Atua ma te aki nanokokoraki.

I-Korote 3:4

Ngkana E kaotaki Kristo, are maiura, ao ane kam na kaotaki naba ma Ngaia n neboaki.

1.I-Tetaronike 2:19

B'a tera ara kaantaninga, ao ara kim'areirei, ao te baunuea ae ti na kamoamoaira iai? Tiaki boni ngkami i matan ara Uea are Iesu n rokona?

1.I-Tetaronike 3:13

b'a E na kateimatoai nanomi, b'a a aonga n itiaki ma n akea kabuakakakiia i matan Atuara ae Tamara, ngkana E roko ara Uea are Iesu ma ana aomata aika itiaki ni kabaneia.

1.I-Tetaronike 5:23

Ao Atuan te raoiroi E na karaoingkami b'a kam na riki n ai arona n aromi nako; ao a na kawakinaki tamneimi, ma maiumi, ma rab'atami, b'a a na aki konaki ni kabuakakaki i matan ara Uea are Iesu Kristo.

1.Timoteo 6:14

b'a ko na rangi n ongotaeka nakoni baike ko a tia n tuangaki, ma ni kakaonimaki nako iai ni karokoa rokon ara Uea are Iesu Kristo;

2.Timoteo 4:8

Ao iai ngkai te kaniwanga i bukini karaoan nanon te Atua are e kawakinaki i buku, are te kaniwanga n tokanikai are E na anganai te Uea ae te Tia Motiki-taeka ae b'ab'aina te eti; ao tiaki ti ngai n anganaki, ma a na anganaki naba aomata ni kabaneia aika tangira kaotina.

Tito 2:13

ngkai ti tataninga te bongi ni kab'aia are ti kaantaningaia b'a e na roko ngkana e kaoti mimitongin Atuara ae kakannato ma te Tia Kamaiu are Iesu Kristo.

Ebera 9:28

ao ai aron naba Kristo: b'a ti teuana te tai are E riki iai b'a te karea Ngaia ni kamaunai aia bure aomata aika bati. E na kaoti te kaua tai nakoia ake a kaantaningaia i bukini kamaiuaia, ma E na aki katabea n te bure.

1.Betero 1:7

b'a e aonga n riki kataan ami onimaki, ae kakawaki riki nakon te koora ae kai mauna are e boni kataaki naba n te ai b'a ua ra, b'a kamoamoami ma neboami ma karineami ngkana E a manga oki Iesu Kristo,

1.Betero 5:4

Ao ngkana E a manga oki te Tia Kawakin-tiibu are te Mataniwi, ao e na reke iroumi te bau are te neboaki are aki kona n rai.

1.Ioane 2:1

Au ataei aika uarereke, I koroi baikai nako imi, b'a kam aonga n aki bure. Ao ngkana e bure temanna, ao bon iai te Tia Tei i bukira are Iesu Kristo ae atataiaomata, are mena iroun te Tama:

1.Ioane 3:2

Ngkami aika kam tangiraki, bon natin te Atua ngaira ngkai; ao e tuai ni kaotaki b'a terana arora rimwi. Ti ataia, b'a ngkana E a manga oki Kristo, ao ti na katotonga arona, i bukina b'a ti na nora arona ni koaua.

1.Ioane 3:21

Ngkami aika kam tangiraki, ngkana a aki kabuakakaira nanora, ao ti aki maaku i matan te Atua;

1.Ioane 4:17

N te aro aei ao e kakororaoaki raoi iai te tangira i roura, b'a ti aonga n aki maaku n te bongi ni motikitaeka: b'a kioina ngkai ti te bo aroni Kristo ma arora i aon te aba aei.

1.Ioane 5:14

Ao aio kakoauaana i roura, b'a ngkana ti tataro ni butiia te b'ai teuana n ai aron nanona, ao E bon ongo i roura.

Te Kaotioti 1:7

Noria, E nangi nako mai Kristo ma naang; ao a na bane maata n noria, ao uake a ewaria a na noria naba; ao a na bane n tang aomata nako i aonnaba i bukin te baere e karaoaki nakoina. Eng, Amen.