1.Ioane 2:20 - Te B'aib'ara

²⁰ Kam a tia ni kabiraki iroun Teuare Moan te Raoiroi, ao kam atai b'aai ni kabane.

1.Ioane 2:20 ပူးပေါင်းရင်းမြစ်များ

Taian Areru 16:10

i bukina b'a Ko kaawakinai man m'aakan te mate. I a tia ni m'akuri i bukim ma te kakaonimaki, ao Ko aki kiitanai i abaia maate.

Taian Areru 23:5

Ko katauraoa te baka ae ab'ab'aki ibuku ike a na norai iai taan ribaai. Ko butim'aeai b'a kanga te iruwa ngai ao ko kaona au m'angko ni karokoa e taonako.

Taian Areru 45:7

Ko tangira te maiu ae e raoiroi, ao ko riba ae buakaka. Ao anne bukin ae E rineiko iai te Atua, ae Atuam; Ao E karaoiko b'a ko na kukurei riki nakoia uea nako.

Taian Areru 71:22

Atuau, Ko kakaonimaki nakoia am Aomata; Ma ngaia ae N na anene ma te b'ai ni katangitang n neboiko. N na katang anene n au b'ai ni katangitang nakoim, Ngkoe ae Atuaia Iteraera ae Tabu.

Taian Areru 92:10

Ko a tia ni kakorakoraai b'a kanga ai aroni korakoran te kaom'aane ae aki manana; Ko a tia ni kakab'aiaai ngke Ko kakukureiai.

Taeka n Rabakau 28:5

A aki ataa te babaaire ae eti aomata aika taani bure, ma a atai raoi aomata aika a karinea te UEA.

Itaia 43:3

Ngai te Uea, ae Atuam. I anga Aikubita, Itiobia, ao aonon Tieba b'a oneani mwiim.

Itaia 61:1

E niniai Tamnein te UEA ae te Atua ao e taniai! E a tia n rineai te UEA ao e kanakoai b'a N na tuangiia ake a karawaawataaki te rongorongo ae e raoiroi, ao ni kamaiuia aika a uruaki nanoia, ao ni katanoata nakoia taekan te kainaomataaki nakoia buure nako ao taenikai nako.

Ieremia 31:34

“A na aki manga reireina temanna i bon irouia aron te ongotaeka i Rou. I berita Ngai ae te UEA nako ia ni kabane b'a a na ongotaeka irou, ti te bo aomata nako ma taan tautaeka. N na kab'arai aia bure, N na m'aninga taekan aia m'akuri aika a buakaka aika a tia ni karaoi.”

Nakoaia Ibonga 7:35

Anne m'akoron te am'arake are e anganaki te UEA are e anganaki Aaron ma natina m'aane n te bong are a katabuaki iai b'a ibonga.

Mataio 13:11

Ao E kaekaia ni kangai, Kam a tia n anganaki baika raba aika b'ain Uean te Atua; ma ngaiia, a tuai n anganaki.

Mareko 1:24

“Tera am b'ai i roura, Iesu, ae te I-Natareta? Ko nako mai b'a Ko na uruira? I kinako b'a Teuare Moan te Raoiroi Ngkoe, are mairoun te Atua.”

Ruka 4:18

“E mena Tamnein te Uea i aou, i bukina b'a e a tia n rineai b'a N na tataekina te rongorongo ae raoiroi nakoia akana aki kaub'ai. E kanakoai b'a N na tuangiia ake a riki b'a taenikai kainaomataia, ao ake a mataki b'a a na manga noraba, ao ni kainaomataaki ni kabane ake a karawawataki iai,

Ruka 4:34

“A! Tera am b'ai i roura, Iesu ae te I-Natareta? Ko nako mai b'a Ko na uruira? I kinako b'a Teuare Raoiroi, are mairoun te Atua.”

Ioane 14:26

Ma te Tia Buobuoki, are te Tamnei are Raoiroi, are E na kanakomaia te Tama n arau, E na reireingkami b'aai ni kabane, ao E na kaururingkami taeka ni kabane ake I a tia n atong.

Ioane 16:13

Ma ngkana E roko te Tamnei are Tabu i bukin te koaua, ao E na kairingkami nakon te koaua ni kabanea: b'a E na aki taekina are oin nanona, ma E na taekina are E ongo, ao E na tuangngkami baika na roko.

M'akuri 10:38

Bon taekan aron te Atua ngke E rinea Iesu are te I-Natareta, ao E kaonna n te Tamnei are Raoiroi ma te m'aaka; are E nakonako ni kakaraoa ae e raoiroi, ma ni kamaiuia akana b'ainikirinaki iroun te riaboro, b'a E memena te Atua i rouna.

M'akuri 3:14

B'a kam kakeaa Teuare Raoiroi, are kabanea maiuna i bukin te Atua, ao kam tua b'a kam na anganaki te aomata ae te tia tiritiri,

1.I-Korinto 2:15

Ane E memena i rouna Tamnein te Atua, ao e kona neneri aroni b'aai nako b'a a bongana ke a aki; ma akea ae e kona n nenera arona;

Ebera 1:9

Ko tangira karaoan nanon te Atua, ao Ko riba riaoakin nanona. Ma ngaia ae E kabiriko te Atua, ae Atuam, ni b'an te kim'areirei b'a Ko aonga ni kim'areirei riki i aoia raom.”

Ebera 8:11

Ao a na aki manga i reirei: akea temanna ae na reireia kaain ana kawa, ke e na reireia tarina, ni kangai, ‘Kam na ata te Uea.’ B'a ane a na bane n ataai akana moa ni mangori ma akana moa ni kakannato.

1.Ioane 2:27

Ao ngkami, E a tia Kristo ni karuoa Tamneina are Raoiroi i aomi. Ngkai e teimatoa aromi anne i Rouna, a aki kai nanomi ngkana kam aki reireiaki iroun temanna. Ma ngkai kam reireiaki iroun Tamneina are Raoiroi ni b'aai ni bane, ao baike e reireingkami iai bon te koaua, tiaki te kewe. Teimatoa n ana reirei te Tamnei are Raoiroi, ao ni maeka n te nano ae ti teuana ma Kristo.

1.Ioane 4:13

Ti ataia b'a ti nim ma Ngaia ao Ngaia E nim ma ngaira, n aei, b'a kioina ngkae E a tia n anganira Tamneina.

Iuta 1:5

B'a e boni ngae ngke kam atai taekani baikai ni kabane, n te tai ae ti teuana, ma I kani kauringkami, b'a te Uea E kamaiuia te botannaomata ae Iteraera man te aba are Aikubita, ao rimwi E kamateia ake a aki onimaki.

Te Kaotioti 3:7

“Ao ko na koroboki nakon ana anera te ekaretia i Biraterebia ni kaangai: “E kaangai Teuare tabu, are kakaonimaki, are iai i rouna ana king Tawita, are ngkana E kauka te mataroa ao akea ae kona ni kainna, ao ngkana E kainna ao akea ae kona ni kaukia.

Te Kaotioti 4:8

Ao baike a maiu ake aman, kaka oneai baiia ni kibakiba, ao a buta aon rab'ataia ni katobibiaki ma aani baiia ni maata; ao a aki toki n anene ni ngaina ao ni bong, ni kaangai: “E tabu, E tabu, E tabu te Uea ae te Atua ae Moan te M'aka, ae bon iai ngkoa, ao iai ngkai, ao iai n rimwi n aki toki.”