1.Betero 5:8 - Te B'aib'ara

⁸ Kam na kamarurungngkami, ao b'aina te tatauraoi. B'a e aiwaa ami kairiribai are te riaboro n ai aron te raian ae bekorara, n ukoukora konana b'a e na ongnga.

1.Betero 5:8 ပူးပေါင်းရင်းမြစ်များ

Etita 7:6

Ao e taku Nei Etita, Bon ara kairiribai, bon te tia karawaawataira, te m'aane ae e buakaka ae Aaman. Ao e taraa te uea, ma te ueanaine Aaman ma te maaku.

Iobi 2:2

ao E taku te UEA nako ina, “Ko a nako maiaa ngkai Tatan?” Ao e taku Tatan, “Kai akea b'a te nakonako n aki akaaka n te aonnaba aei.”

Taian Areru 104:21

A bekorara raian ataei n aia tai ni kaae konaia: A ukoukori kanaia ake E katauraoi te Atua i bukiia.

Taian Areru 109:6

A taku au kairiribai “Rinea te aomata ae moti buaka b'a e na motika taekan aiau n te kabowi,

Taeka n Rabakau 19:12

E bekorara kaanga te raian te uea ane e unun, ma e riki b'a kaanga te aoi i aon taian uteute, te uea ngkana e kukurei.

Taeka n Rabakau 20:2

Te tia tautaeka ae e un bon kaanga ai aron te raian ae e bekorara ae e na manga kauna temanna, ao kam a mate.

Taeka n Rabakau 28:15

Ti te bo ma te raian ae e bekorara ke te bea ae e karana kanana, te tia tautaeka ae e aki karaoa ae e aki riai nakon ane e maiu ni kainano.

Itaia 50:8

E mena i rarikiu te tia kaawakinai, bon akea ae e konaa n tei ikai ni bukinai n te kaairua teuana.

Ieremia 2:15

A bekorara ami kairiribai kaanga raian ao a urua te aba; a wene n urarake kaawa ma akea kaaia.

Ieremia 51:38

A bekorara kaain B'aburon ao a kakarongoa kaanga raian ataei.

Etekiera 19:7

E urui taian nono ao e kamaunai kaawa; e kakamakuia aomata nako ni bekorarana ae e korakora.

Etekiera 22:25

Ti te bo aia taani kairiiri ma taian raian aika a bekorara, ma n raebitiia konaia n aki akaaka. A kamateia aomata, ao i mwiina, a kimoai b'aai ni kabane aika a kakaawaki. A tiringiia buuia m'aane, ao a m'aiti aine ake a tiku n akea buuia.

Taniera 6:24

Ao e a manga anga ana taeka te uea b'a a na katikaki te koraki ake a kabuakaka Taniera, ao e karenakoia nako nanon te b'angab'anga are nneia raian, n ikotaki ma buuia ma natiia. A kaman raweaki rab'ataia man raebitiaki irouia raian i m'aain rokoia i aontano.

Otea 11:10

N na bekorara kaanga te raian, Ngai ae te UEA, a na oki natiu, ma te ruru mai maeao.

Otea 13:8

ao n na raebitingkami kaanga te bea aine ae e iraeaki natina, n na kakerui riimi b'a kaanga aongkoa Ngai te raian ke maan ake a aki manana ake tabeua.

Ioera 3:16

E na bekorara te UEA kaanga te raian mai nuukan Ierutarem e na karurua aonnaba ma karawa. Ma te UEA bon te nono, te tabo ni katantan i bukiia ana aomata aika Iteraera.

Amota 1:2

E taku Amota, “E bekorara te UEA man te maunga are Tion; E rurunga b'anaana mai Ierutarem. A rai tawaana nako, ao a b'ata uteuten te maunga are Karemera.”

Amota 3:4

E kona ni bekorara te raian n te buakonikai ngkana akea kanana? E kona ni bekorara te raian ataei man b'angana ngkana e tuai reke konana?

Amota 3:8

Ngkana e bekorara te raian ao ai antai ae e na kona n aki maaku? Ngkana e taetae te UEA ae te Atua ao ai antai ae e na totokoa taetaekinan ana taeka?

Tekaria 11:3

Ongora! A tang taan kaawakin tiibu. E a tia n uruanaki aia tabo n uteute aika a mimitong. Ongora! A bekorara taian raian. A na aki manga konaa ni manga nooraki buakonikain te M'arua are Ioretan.

Tekaria 3:1

I a manga anganaki te mii riki teuana. N te tai aei e teitei Iotua are te ibonga ae e rietaata i matan ana anera te UEA. Ao e mena naba ikekei Tatan, n iteran Iotua are te angaatai, n tauraoi ni bukibuki.

Mataio 13:39

ao te kairiribai are uniki titania bon te riaboro. Bongin te tai bon tokin aonnaba, ao taan tai bon anera.

Mataio 24:42

Ma ngaia ae kam na kamarurungngkami n tantani, b'a kam aki ata te bong are E na roko iai te Uea.

Mataio 25:41

Ao ane E na kangai nakoia ake i angamaingina, “Naako mai Rou! Ngkami akana reke kaimi iroun te Atua. Nakon te ai are aki mamate are katauraoaki i bukin te riaboro ma ana anera!

Mataio 4:1

E kairaki rake ngkanne Iesu iroun te Tamnei are Raoiroi nakon te rereua b'a E na kaririaki iroun te riaboro;

Mataio 4:11

E kitanaki ngkanne Iesu iroun te riaboro; ao noria, a roko anera ni buokia ni baike E kainanoi.

Mareko 4:15

Aomata tem'angina, a kabotauaki b'a kaanga koraa ake a b'aka ri rarikin te kawai: n te tai naba are a ongo iai ana taeka te Atua, ao e roko Tatan ao e anaia mai rouia.

Ruka 21:34

Ma kam na kawakiningkami b'a a na aki kamamaraaki nanomi n taekan ti te kan am'am'arake ma te mamanging ma iango n raraoma i bukini b'ain te maiu aei, b'a e kawa ni karina rokon te bong arei n te tai are kam aki kaantaningaia iai ni kam'aneingkami,

Ruka 21:36

Ma kam na tantani n taai nako ao tataro b'a e aonga n reke i roumi te marurung are kam na kona iai ni biri nako mani baika nang roko, ao te kona n tei i matan Natin te Aomata.

Ruka 22:31

“Timon, Timon! Noria, e a tia n anganaki Tatan te kariaiakaki b'a e na kairingkami nakon te kaririaki, ni kaokoroa te raoiroi man te buakaka, n ai aron te tia ununiki ae kaokoroa te uita mai buakoia titania.

Ioane 8:44

Natin tamami are te riaboro ngkami, ao nanomi ti te kani karaoa are e tangiria tamami. Te tia kamaamate ngaia ma rimoa, ao e aki b'ab'aina te koaua, b'a akea te koaua i nanona. Ngkana e kewe, ao e boni kaota anuana: b'a te tia kewe ngaia, ao boton te kewe.

2.I-Korinto 2:11

b'a e aonga n aki reke ana tai Tatan ni m'aaka i aora; b'a ti atai aron ana iango nako.

I-Ebeto 4:27

ao tai angan te riaboro ana tai.

I-Ebeto 6:11

Kam na karini b'aini buaka nako ake mairoun te Atua aika b'aini kamanoan rab'atami, b'a kam aonga ni kona n tei ni kaitarai aron te riaboro ni wanawana aika bureburea te aba.

1.Timoteo 2:15

Ma e na kamaiuaki ni bungian natina, ngkana e teimatoa i nanon te onimaki ma te tangira, ao ni b'aina te maiu ae itiaki ma n nanowanawana.

1.Timoteo 2:9

I tangiriia naba aine b'a a na kunnikainiia n te kunnikai ae riai ae a na aki taekinaki ni kamoamoaki iai; ao a na tai kunnikainiia ni kunnikai aika bo-buaka;

1.Timoteo 3:11

Ao ai aroia naba aine aika taani buobuoki a na aki b'aina te bakanrerei, a na tai winanti, a na tau baangiia, a na kakaonimaki nakoni b'aai ni kabane.

1.Timoteo 3:2

E riai iroun te mataniwi n te ekaretia b'a a na akea arona ae na kabuakakaki iai; e riai n ti temanna buna, e na taua baangina, e na b'aina te nanowanawana, e na rabakau te aroaro, e na akoia iruwa, ao e na rabakau n reireiia aomata;

2.Timoteo 4:17

Ma E tei te Uea i rarikiu ao E kakorakoraai b'a N na taekina te euangkerio ae b'anin b'a a na ongo aomata aika tiaki I-Iutaia; ao I kamaiuaki man te mate.

Tito 1:8

ma e na akoakoia iruwa, e na tangira te raoiroi, e na iango raoi, e na b'ab'aina te eti, e na katabua maiuna nakon te Atua, ao e na taona nanona mani baika e tangiri te rab'ata;

Tito 2:12

Te akoi anne are reireira b'a ti na rawa nakon te maiu are akea karinean te Atua iai ma te maiu n tangiri b'ain aon te aba, ao ti na b'aina te maiu n iango raoi, ae te maiu ae karaoa nanon te Atua ma n i raorao ma Ngaia n te aonnaba aei,

Tito 2:2

Ko na taetae n reireiia unimm'aane b'a a na tau baangiia, a na tau b'aai ma nanoia, a na iango raoi, a na nako raoi n aia onimaki, ma aia tangira, ao n aia taotaonaki n nano.

Tito 2:4

b'a a na reireiia ateiaine b'a a na tangiriia buia, ao b'a a na tangiriia naba natiia;

Tito 2:6

Ao ai arona naba b'a ko na kaungai nanoia rorobuaka b'a a na iango raoi.

Iakobo 4:7

Ma ngaia ae kam na irira nanon te Atua; ao kam na rarawa nakon te riaboro, ao ane e na biri nako mai roumi iai.

1.Betero 1:13

Ma ngaia ae kam na tatauraoi n ami iango nako; kam na kamarurungngkami, ao kam na teimatoa ni kaantaninga te akoi are na uotaki nakoimi ngkana E a manga oki Iesu Kristo.

1.Betero 4:7

E a kaan tokini b'aai ni kabane, ma ngaia ae kam na nanowanawana ma n tatauraoi n tataro.

Te Kaotioti 12:10

Ao I ongo te b'anaa ae korakora i karawa, b'a e kaangai, “E a roko ngkai ana kamaiu Atuara, ma m'aakana ma ueana, ma m'aakan ana Kristo: b'a e a tia n teweaki nako te tia bukiniia tarira, ni kabuakakaia i matan Atuara ni ngaina ao ni bong.

Te Kaotioti 12:12

Ma ngaia ae kam na kim'areirei, ngkami aika taiani karawa, ao ngkami aika kam maeka iai. E na reke kain te aba ma marawa! B'a e a tia n ruo nakoimi te riaboro ma unna ae korakora, ngkae e ataia b'a e a uarereke ana tai.”

Te Kaotioti 12:9

Ao e teweaki nako mai eta te rakon are korakora, are te naeta are ngkoangkoa, are arana te Riaboro ke Tatan, are m'am'anaia kaain aonnaba ni kabaneia: e teweaki nako aon te aba, ao a teweaki nako naba ana anera ma ngaia.

Te Kaotioti 20:10

Ao te riaboro are e m'am'anaia e a teweaki nako n te nama are te ai ma te burimton, ike e mena naba iai te man are tiritiri ma te burabeti ni kewe; ao a na kamarakaki ni ngaina ao ni bong n aki totoki.

Te Kaotioti 20:2

E taua te rakon, are te naeta nikawai, are te riaboro are Tatan; ao e kabaea n te taurekereke ao e tewea nako Abuto, ao e kaina mataroana ao e kanikinaea aona b'a e aonga n aki kaukaki. E na tiku ikekei i nanon teuana tengaa te ririki, b'a e aonga n aki manga m'am'anaia botannaomata nako. E na boni kainaomataki rimwi, ma e na aki maan ana tai n inaomata.

Tani Motiki-taeka 14:5

Ao ngke a roko Tamton ma ana karo n te nne ni kureebe i rarikin Timna, ao e roko te raian b'a e na tena Tamton.