Yuda 1:4 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴ Kuitĩ akoolĩ antu naalĩ ĩingĩĩlie kukĩmpisi-mpisĩ, ĩaasio naalĩ andĩkĩlue kwipũna ĩkalĩ uulamulua uu, antu nasikaakumukulagiaa uNzua, naakuukaĩlaa uukende wa kĩNzua utũle usambo, naakumukaanaa uzo nũing'ene dũũ mukulu, nũShekulu, wĩĩtu Yesu Kilisito.

Yuda 1:4 ပူးပေါင်းရင်းမြစ်များ

Matayo 13:25

pĩna ĩantu naagona indoolo, nuuza umulugu waakue numinza ingugu pakatĩ ya upemba, nulongola.

Yohana 17:3

Nuupanga wa kalĩ nakalĩ ingĩ ntuuu, akumane ue nwĩNzua nwing'ene nwa tai, nũYesu Kilisito nalumutumile.

Utendi 11:23

Ninduyo pĩna nupika nuuona ukende wa kĩNzua, nulumba, nuakamia nkolo, ĩĩ ĩensi nũShekulu kwishĩĩgo lĩmuĩ,

Utendi 15:24

Kunsooko kuigagiaa ya kĩna ĩĩĩa naalĩ apũnile mumuĩtu akumuzũga inie kunkaani zaao, akumuleetela inkankani munkolo zaani, nindiishie sika alĩ kualagĩlĩĩlie;

Agalatia 2:4

Ĩpa alĩ akoolĩ aĩanũna a ulongo naalĩingĩligue kukĩmpisĩ-mpisĩ, ĩaasio naingĩla udũũ kukuulĩngula uukolelua wĩĩtu nakutĩĩte mwa kĩKilisito Yesu, koona akutuale muusese wa miiko.

Agalatia 5:13

Kuitĩ iinie anũna aane, alĩ muĩĩtue mutũle akolelua; ĩpa uukolelua waani ulekitũla nsooko ya kutiata kimwĩlĩ, ĩpa mwĩtumĩkĩle niinie kuniinie kunzĩla ya uloogua.

Aepeso 4:14

koona kulekitũla aana atakata, kangĩ ĩkwigumua kunu nukunu nukwikenkua kunzega zensi za mamania kuupembeelia wa antu, kuwĩsukukia naubĩĩ, ĩkwitiata ĩmiena ya ulimĩĩli.

1 Timoteo 5:8

Kanga wensi wasiite kuakendegeela ĩaakue, nangũlũ ĩaasio a munumba yaakue, waukaana uusuĩĩli, kangĩ ingĩ mubĩĩ kwikĩla uyo nasikusuĩlĩĩle.

2 Timoteo 2:12

Kanga kugigimĩlie, kukitema palumuĩ nduyo gaa; Kanga kumukaane uyo, uyo nduyo ukakukukaana ishie;

2 Timoteo 3:6

Kuitĩ muaasio akoolĩ naakĩingĩlagiaa munumba za antu, nukukuaguĩla ĩakĩĩma naanaulu naaneketũ naijulue nĩmĩlandu, naalũtĩĩligua ninshula ningĩ,

1 Petelo 2:16

Inie muakolelua, ĩpa mulekitumĩla uukolelua kwikũnĩkĩla uubĩĩ, ĩpa muĩ zĩ ĩĩtumi akĩNzua.

1 Petelo 2:8

Kangĩ, “Gyũe lya kĩkũmpia umugulu Nipyampa lya kuguusania.” Nĩndĩo akĩkũmpagiaa, kunsooko sika akulugombagiaa ulukaani, nĩndĩo naaĩĩkue aligie ĩzaasio.

1 Petelo 4:18

“Kanga umunakulukuuluu wagũnĩke kuukakũ, nasikukumukulagiaa uNzua, kangĩ munamĩlandu, ukakigyelela mpĩĩ?”

2 Petelo 2:10

naikulu nangũlũ ĩaasio naakutiataa ya kĩmuĩlĩ, naakugendela munsula za udobũ, nukwimela uusũũmi wa utemi. ĩAasio naagila kaooa kangĩ akakũ, sika akukĩkĩmaa pĩna akuatuka naatĩĩte uukulu.

2 Petelo 2:7

kangĩ numugũna uLoti, umunakulukuuluu, naaluoonie usungu kunsooko ya lugendo lwa oononeki lwa antu naabĩĩ; (

2 Petelo 3:7

Ĩpa igyulu lya nzuauu nĩnsĩĩ mbĩĩkue kĩuto kumooto kulukaani lulo-luuloo, mbĩĩkue sunga kulutondo lwa ulamulua nulwa koonoonua kumuao ĩantu nasika akumukulagiaa uNzua.

1 Yohana 2:22

Waani gua namuloongo isiititũla uuyo nukukaanaa ya kĩna ũYesu ingĩ Kilisito? Nuasio mugilia-Kilisito, nukumukaana uTata nuMuana.

Yuda 1:15

waalamule antu tũlũ nukukuakaasia tũlũ-tũũlũ nasika amoopokile uNzua, kunsooko ya utendi waao wensi wa ulimĩĩli naalĩ autendile pĩna sika amoopokile uNzua, nukunsooko ya nkaani nankakũ zensi ĩaasio ĩanamĩlandu nasika amoopokile uNzua atambuĩle kumuakue.”

Yuda 1:18

kĩna alĩ amuĩĩlĩĩle, “Matũngo ma mpelo ijilitũla akoolĩ antu akola kumela, ĩatiatile inshula zaao ĩeene naza kuleka kukumoopoka uNzua.”

Ukũnukulua 15:4

Waani nasikukoopokile, ee Shekulu, nukwikulia ĩliina liako? Kunsooko ue wing'ene dũũ wĩmuelu. Kuitĩ indugu tũlũ zikiiiza nukukukutekela ntongela yaako, Kunsooko uutendi waako wa kulukuuluu wakunukuĩlue.”