Yuda 1:21 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²¹ Ĩkendegeelĩ muuloogua wa kĩNzua; ĩmulindĩĩle ĩkĩnishungu kwa kĩShekulu wĩĩtu Yesu Kilisito sunga kuupanga wa kalĩ nakalĩ

Yuda 1:21 ပူးပေါင်းရင်းမြစ်များ

Yohana 1:17

Kuitĩ uUlagĩĩlio nauleetua kumukono wa kĩMusa; uukende nĩtai alĩ zijile mwa kĩYesu Kilisito.

Yohana 14:21

uNuasio nutĩĩte ĩmalagĩĩlio maane nukukumakendegeela, unuasio undoilue; nduzo nundoilue ukiloogua nuTata waane, nineene nĩkakumuloogua nukukigyelela kumuakue.”

Utendi 11:23

Ninduyo pĩna nupika nuuona ukende wa kĩNzua, nulumba, nuakamia nkolo, ĩĩ ĩensi nũShekulu kwishĩĩgo lĩmuĩ,

Alumĩ 5:21

Itĩ yoi kĩna umulandu nalĩ utemile muukiu, iio-iioo nuukende uteme kunzĩla ya kulukuuluu kuupanga wa kalĩ nakalĩ kunzĩla ya kĩYesu Kilisito Shekulu wĩĩtu.

Alumĩ 5:5

nuulaaĩĩli ugila kansoni, kunsooko uulogua wa kĩNzua wiitĩĩlue munkolo zĩĩtu kunzĩla ya kĩMuau Muelu naalĩ kuapeegue ishie.

Alumĩ 6:23

Kuitĩ ĩkĩnamulĩmo kya mulandu ingĩ ukiu; ĩpa uupeegua wa kĩNzua ingĩ upanga wa kalĩ nakalĩ mwa kĩKilisito Yesu Shekulu wĩĩtu.

Alumĩ 8:39

Kanga ya kukiania katia ya pansĩ, sunga kĩumbe kiensi nakiĩngĩ, kĩkutilĩ nakĩkishũũma kukukukamatula ishie nuuloogua wa kĩNzua nawĩĩlĩ mwa kĩKilisito Yesu Shekulu wĩĩtu.

2 Atesaloniki 3:5

ũShekulu wamutongeele munkolo zaani kuulogua wa kĩNzua nukuugigimĩĩlia wa kĩKilisito.

1 Timoteo 1:2

nakuandĩkĩla ue Timoteo, muanuane wa tai muusuĩĩli. uUkende wĩĩ kumuako, nĩkĩnishungu nĩmatiliga namapũnile kwa kĩNzua Tata nukwa kĩKilisito Yesu Shekulu wĩĩtu.

2 Timoteo 1:16

ũShekulu waakolelue kĩnishungu ĩaasio naa munumba ya kĩOnesifolo; kuitĩ nkua ningĩ alukumpolelagiaa nkolo, sunga sika alumakolĩĩlue kansoni ĩmatendele maane;

2 Timoteo 1:18

ũShekulu nwamupeele kwiona ĩkĩnishungu kwa kĩShekulu paLutondo luasio. Nĩkĩna alĩ wĩtumĩĩle kuEfeso, ue umanikilie.

2 Timoteo 1:2

nakuandĩkĩla ue Timoteo muanuane muloogua. uUkende wĩĩ kumuako, nĩkĩnishungu nĩmatiliga namapũnile kwa kĩNzua Tata nukwa kĩKilisito Yesu Shekulu wĩĩtu.

2 Timoteo 4:8

Naishaagile numuĩĩkĩlĩgue ngala ya kulukuuluu, ĩniasio ũShekulu mulamuli nwa kulukuuluu nukimpeela paLutondo luasio; kangĩ sika uneene dũũ, ĩpa nĩaasio gaa naauloogilue uwigyeleli waakue.

Aebulania 9:28

iio-iioo uKilisito pĩna alĩ mupũnigue pyolia kamuĩ dũũ, waĩkenke ĩmĩlandu ya iingĩ, nkua ya kabĩlĩ ukakigyelela, sika kumpola za mulandu ĩpa waagũne ĩaasio naamutũngĩĩle nkankanaa.

2 Petelo 3:12

pĩna mwilaaĩĩla sunga luĩze ulutondo luasio ulwa kĩNzua, nukukulukangasĩĩlia. Ĩpaasio paapo igyulu likitaulua nukwishonsua, niiumbe iyuukĩ ikijigĩligua nukwinekentuka!

1 Yohana 4:16

Nindiishie kuulĩngile nukukuusuĩĩla uuloogua nuutĩĩte uNzua kumiĩtu. uNzua ingĩ uloogua, nunuasio nukikyalaa muuloogua, ukikyalaa munsĩ ya kĩNzua, nuNzua ukikyalaa munsĩ yaakue.

1 Yohana 5:18

Kumanile ya kĩna wensi naalĩ mulelue nuNzua sikukutimulaa, ĩpa Uzo naalĩ mulelue nuNzua ukumukendegeelaa, sunga uMubĩĩ sikukumuambaa.

1 Yohana 5:21

Ana ane, ĩkendegeelĩ kuanzegamĩla.

Yuda 1:1

Yuda nanĩmwĩtumi wa kĩYesu Kilisito, munũna wa kĩYakobo, kuinie namuĩĩtue, namualoogue mwa kĩNzua Tata nukwikendegeelua mwa kĩYesu Kilisito.

Yuda 1:22

Akoleluĩ kĩnishungu naĩngĩ naatĩĩte inkankani,

Yuda 1:24

Uzo nusũũmile kukumulindĩĩla inie muleke kĩkũmpia, nukukumuĩmĩkia ntongela ya ukulu waakue ĩmuagila kamabado muulumbĩ wa kulumbĩĩlia,

Ukũnukulua 12:11

Ndĩo naamudula kumugali wa kĩMuana-nkolo, nukulukaani lwa ukuĩli wao; sunga sika naaulogua uuumĩ waao sunga kunkia.