Yuda 1:20 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁰ Ĩpa inie aloogua, mwĩzenge muusuĩĩli waani naweelu nangũlũ; muloogua, mwa kĩMuau Muelu.

Yuda 1:20 ပူးပေါင်းရင်းမြစ်များ

Utendi 15:9

Kangĩ sika nukulekanula ishie nĩndĩo, ĩpa nwĩoogia inkolo zaao kuusuĩĩli.

Utendi 26:18

ualaĩlie ĩmiiso maao, agomolue kwipũna mukiiti, ingĩle muweelu; agomolue kwipũna muusũũmi wa kĩShetani, ingĩle kwa kĩNzua; aleegeligue ĩmĩlandu yaao, asaale palumuĩ nĩnaeeligue kuusuĩĩli nawĩĩlĩ mumuane.

Utendi 6:7

uLukaani lwa kĩNzua nalusapatĩla, niyalo lya amanigua naliongeeleka zigi-zigi mũYelusalemũ, nĩapolia iingĩ naaugombia uUsuĩĩli.

Utendi 9:31

Iio gua, muUyahũdi wensi nĩGalĩlaya nĩSamalia, ikyanisa naliĩ nĩmatiliga, nalĩzengua, nalĩongeela, naliilongoleka muooa wa kĩShekulu nipyumbulio lya kĩMuau Muelu.

Alumĩ 15:2

Wensi mumiĩtu wamulooeelie umunakaa waakue, waligie uuuza, wazengue.

Alumĩ 8:15

Kuitĩ sika muanũnkuĩle ĩnkolo ya usese mushookele kangĩ muooa, ĩpa alĩ muanũnkuĩle ĩnkolo ya waana, nukunkolo ĩĩ kwalĩla, “Aba! Tata!”

1 Akolinto 1:8

Ninduyo ukakumukamĩnkĩĩlia sunga ĩmpelo, mulekishokigua palutondo lwa kĩShekulu wĩĩtu Yesu Kilisito.

1 Akolinto 10:23

“Kutilĩ kamũiko kumuane mũintu tũlũ,” ĩpa iintu tũlũ sika ileetile kansaĩlo. “Kutilĩ kamũiko kumuane mũintu tũlũ,” ĩpa sika intu tũlũ nayukuzengaa.

1 Akolinto 14:15

Ikitũla mbii? Nikilompa kunkolo, kangĩ nikilompa nukwishala gaa; nikiĩmba kunkolo kangĩ nikiĩmba nukwishala gaa.

1 Akolinto 14:26

Ikitũla mbiii gua anũna aane? Pĩna mwĩilingĩlĩĩle palumuĩ, wensi nutĩĩte ĩliĩmbo katia umania, katia ukũnukulua, katia ntambo nang'enda, katia ulondoosia; zensi zitendeke kunsooko ya kukamĩnkĩĩlia.

Agalatia 4:6

Kunsooko mwĩaana, uNzua alumutumile uMuau wa kĩMuana waakue munkolo zaani nukulĩlaa, “Aba!” “Tata!”

Aepeso 4:12

koona ĩeelu akamĩnkĩĩligue, umulĩmo wa kĩtuma utendeke, umuĩlĩ wa kĩKilisito uzengue,

Aepeso 4:16

Kwipũna mumuakue umuĩlĩ wensi ĩũkinĩnkanigua nukwikamantanigua kuwaalĩĩlia wa katũmpĩ kensi kwilika lya mulĩmo wa katũmpĩ kensi kamuĩ kamuĩ, iio umuĩlĩ ukukulaa nukukĩzenga muuloogua.

Aepeso 4:29

Lukaani luensi nalubĩĩ lulekipũna mumĩlomo yaani, ĩpa naluuza lwa kuzĩpia pĩna ishiiiue, luapeele ukende ĩaasio naakulũigia.

Aepeso 6:18

Lompĩ matũngo mensi mwa kĩMuau, ĩmwinena nukwipeepia. Kangĩ kunsooko ya nkaani izi, mũkyale nuukenge ĩmwĩkamatĩkilie dũũ nukukualompela ĩeelu ensi.

Akolosai 2:7

musimatigue nikwijengua mumuakue, mwĩkamatĩkie muusuĩĩli kĩina alĩ muamanigue mwĩkakie kũshongelia.

1 Atesaloniki 5:11

Iio gua, mwĩkamatĩkie niinie kuniinie, nukukĩzenga muntu wensi numuua, iio kĩna mukutendaa.

1 Timoteo 1:4

sunga alekikendegeela inshimu nasika za tai, sunga impola za kalĩ nangila nuukinĩĩlo, nazukuleetaa inkungumi dũũ, sika uzengi wa kĩNzua nawĩĩlĩ muusuĩĩli.

2 Timoteo 1:5

Kangĩ nijukile impola za usuĩĩli waako naugila kaunamampĩlu, naalĩ ukoolĩ tangua mwa kĩmaama waako uLoisi, numwa kĩmaau waako uEuniki; manile tai ya kĩna ukoolĩ numumuako gaa.

Tito 1:1

Paulo, Mwĩtumi wa kĩNzua, kangĩ mutumua wa kĩYesu Kilisito, koona ĩasaagulua a kĩNzua amĩsuĩĩle nukukumĩlĩnga ĩtai nyukumanagiaa kukumukulia uNzua.

Yakobo 2:22

Waona kĩna uusuĩĩli alĩ witenda umulĩmo palumuĩ nuutendi waakue, nuusuĩĩli naukondeeleka kuutendi.

2 Petelo 1:1

Simoni Petelo, mwĩtumi, numutumua wa kĩYesu Kilisito, namuandĩkĩla inie naalĩ muligilie uusuĩĩli umuĩ nindiishie, nawa ngele nkakũ, mukulukuuluu ya kĩNzua wĩĩtu nuMugũni Yesu Kilisito.

1 Yohana 5:4

Kunsooko kiensi nakĩlelue nuNzua kyukuudulaa uunkũmbigyulu; uu wau uduli naukuudulaa uunkũmbigyulu, ingĩ uusuĩĩli wĩĩtu.

Yuda 1:3

Aloogua, pĩna alĩ nĩkakilie kuukamatĩkũ dũũ kukumuandĩkĩla iMpola za ugũnua wĩĩtu ishie tũlũ, alĩ naonaa kĩna injĩpĩĩle kukumuandĩkĩla numupeepie muusinkĩlie uusuĩĩli naali uupunilie uNzua ĩkamui kwieelu.

Ukũnukulua 13:10

Uyo kanga wasole ĩmatepo, ukisholua matepo. Wensi kanga waulage kuyũmba, yumũjĩpĩĩle kwiulagua kuyũmba. Ĩpa papa ugigimĩlia nuusuĩĩli wa eelu.