Yohana 9:16 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁶ Iio gua, ĩApalisayo ĩamuĩ naaũga, “uMuntu uyu sikupũnile kwa kĩNzua kunsooko sikukulukendegeela ulutondo lwa wikyali.” Naĩngĩ naaũga, “Wishũũma mbii umunamĩlandu kwitenda iilĩngasĩĩlio kĩna ii?” Nautũla ukamatuki mumiao.

Yohana 9:16 ပူးပေါင်းရင်းမြစ်များ

Matayo 12:10

Alukoolĩ muntu wa mukono mulema, naamukolia, naaũga, “Mũikone kwikamia palutondo lwa wikyali? Koona amusokie.”

Matayo 12:2

ĩApalisayo pĩna naaaona, naamuĩĩla, “Laaa kati, Ĩamanigua aako aitenda nasika ijĩpĩĩle palutondo lwa wikyali.”

Luka 13:14

Ĩpa umukulu wishũnagogi nutaka kunsooko ũYesu alumukamilie umuntu palutondo lwa wikyali, nushookeelia nuaĩĩla ĩanamulundo; “Zikoolĩ intondo mutandatu nazijĩpĩĩle kukĩtuma ĩmĩlĩmo, iio gua nzuĩ mukamigue muntondo zaasio, ĩpa sika palutondo lwa wikyali.”

Yohana 10:19

Nautũla ukamatuki muAyahũdi kunsooko ya nkaani izi.

Yohana 14:11

Nsuĩĩlĩ kĩna ĩne nkoolĩ mwa kĩTata nuTata ukoolĩ mumuane; naa sika iio, nsuĩĩlĩ kunsooko ya mĩlĩmo ĩmiene.

Yohana 15:24

Kanga alĩ nsiite kukĩtuma ĩmĩlĩmo kumiao nasika alĩ witumile nuĩngĩ, sika alĩ ijilitũla numulandu, ĩpa akuonaa nukukukusuukĩlua ĩne nuTata waane gaa.

Yohana 2:11

Uu wau muandio wa ilĩngasĩĩlio naalutendile ũYesu muKana ya Galĩlaya. Nwigyelelia uukulu waakue, nĩamanigua aakue naasuĩĩla mumuakue.

Yohana 3:2

Uzo alũjile kwa kĩYesu utiku numuĩĩla, “Mumania numukulu, kumanile kĩna ue uue uMumania nupũnile kwa kĩNzua, kunsooko kutilĩ nusũũmile kwitenda iilĩngasĩĩlio ii nukuitendaa ue pĩna uNzua sika yĩensi nduyo.”

Yohana 5:10

Iio gua ĩAyahũdi naamuĩĩla naalĩ mukamigue, “Nantende lutondo lwa wikyali, ingĩ mũiko kumuako kukĩtuĩka uulĩlĩ.”

Yohana 5:36

“Ĩne gua ntĩĩte ukuĩli ukulu kwikila wa kĩYohana. Kuitĩ ĩmĩlĩmo naalĩ numupeegue nuTata nĩĩmalĩĩlie, ĩmĩlĩmo niasio nanukuĩtumaa ĩnkuĩlĩĩle kĩna uTata untumile.

Yohana 6:52

Paapo ĩAyahũdi naĩĩ kĩkunguma eene kueene, naaũga, “Wishũũma mbii uyu kukukupeela umuĩlĩ waakue kuulĩe?”

Yohana 7:12

Na wĩĩ wĩng'ũng'ũntia wingĩ mumulundo kunsooko yaakue ĩĩĩa naaũga, “Muntu muuza,” ĩĩĩa naaũga, “Zũi, ĩpa ukualimĩĩlia ĩantu.”

Yohana 7:23

Muntu kanga waalamigue palutondo lwa wikyali, uUlagĩĩlio wa kĩMusa ulekioononua, nĩkĩ mwintakĩla kunsooko namukamagiaa umuntu palutondo lwa wikyali?

Yohana 7:43

Paapo nautũla ukamatuki mwiyũmbĩ kunsooko yaakue.

Yohana 9:24

Paapo naamuĩta kaubĩlĩ umuntu naalĩ mupokũ, naamuĩĩla, “Umukũmuukie uNzua, ishe kumanile kĩna umuntu uyu munamĩlanndu.”

Utendi 14:4

Ĩpa ĩantu a mukaa naĩkamatula, ĩĩĩa alĩ ĩĩlĩ kuluandĩ lwa Ayahũdi, ĩĩĩa kuluandĩ lwa atumua.