Yohana 8:52 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁵² ĩAyahũdi naamuĩĩla, “Ĩpa kwalĩnga kĩna umunalĩsĩĩmuĩ ue. uIbũlahimu nukia nĩanakĩdagu, ninduue wiũga, Tũlũ wensi kanga wakendegeele ulukaani luane sika ukilũla kaukiu sunga ĩkalĩ nakalĩ.

Yohana 8:52 ပူးပေါင်းရင်းမြစ်များ

Matayo 11:18

Kuitĩ uYohana alũjile, sika alukulĩaa katia kwikopa; ĩantu naaũga, ‘Munalĩsĩĩmuĩ.’

Yohana 1:19

Uuwau ukuĩli wa kĩYohana pĩna ĩAyahũdi naatuma kumuakue kwipũna kũYelusalemũ apolia nĩAlawi amukolie, “Ue uue waani?”

Yohana 14:23

ũYesu nushookeelia numuĩĩla, “Wensi kanga wandoogue ukikendegeela ulukaani luane, nuTata waane ukakumuloogua, nindiishie kukiiiza kumuakue nukwitenda wikyalo kumuakue.

Yohana 15:20

Lũjukĩ ulukaani naalĩ numuĩĩlĩĩle, musese sika mukulu kwikĩla ũshekulu waakue. Malĩĩ alĩĩ anzagilie ĩne, ĩkakumuagia niniinie. Malĩĩ alĩĩ alukendegelĩĩle ulukaani luane, ĩkakulukendegeela nulukaani luani.

Yohana 17:6

“ĩLiina liako naligyelelagiaa kuantu naalumpĩĩle muna unkũmbigyulu. Alĩ aako, numpeela ĩne, nulukaani luako alukendegeelaa.

Yohana 7:20

iYũmbĩ nalĩshookeelia, “Ue umunalĩsĩĩmuĩ! Waani nwidũũma kukukuulaga?”

Yohana 8:22

Paapo ĩAyahũdi naaũga, “Mbii gua, ukakĩulagane; kuitĩ nwiũga, kĩna nunziĩ sika mwishũũma kwiiiza?”

Yohana 8:48

ĩAyahũdi naashookeelia naamuĩĩla, “Sika kwitambula iizane kĩna ue uMusamalia, kangĩ umunalĩsĩĩmuĩ?”

Yohana 8:51

Tai-taaii namuĩĩla, tũlũ wensi kanga wakendegeele ulukaani luane sika ukiona kaukiu sunga ĩkalĩ nakalĩ.”

Yohana 8:55

Niniinie sika mumumanile, ĩpa ĩne numumanile. Kangambũge sika numumanile nikitũla mulongo zĩ uniinie; ĩpa numumanile, nulukaani luakue nulukendegelĩĩle.

Yohana 9:24

Paapo naamuĩta kaubĩlĩ umuntu naalĩ mupokũ, naamuĩĩla, “Umukũmuukie uNzua, ishe kumanile kĩna umuntu uyu munamĩlanndu.”

Aebulania 11:13

ĩAasio tũlũ naakia muusuĩĩli, sika naaanũnkula ĩmalago, ĩpanaamaona kwipũna kulĩ nukukumalumbĩĩlĩkia, naikũmuula kĩna alĩ agenda kangĩ ana, mĩsĩnzo muna nsĩĩ.

Aebulania 2:9

ĩpa kwamuona ũYesu, uyo kwityũngo niino alĩ mutendue muniino kwikĩla ĩamalaĩka. Muene kunsooko ya ualaalĩki wa ukiu, wajialilue ĩngala ya ukulu nikyulio, koona kuukende wa kĩNzua waulũle uukiu kunsooko ya muntu wensi.