Yohana 8:26 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁶ Ntĩĩte ningĩ za kutambula nukwilamula kumuani; ĩpa uzo naaluntumile ingĩ wa tai, nineene naalĩ nĩziigilie kumuakue, ziizo nukutambulaa muna unkũmbigyulu.”

Yohana 8:26 ပူးပေါင်းရင်းမြစ်များ

Yohana 15:15

Sika nukumuĩta kangĩ asese, kunsooko umusese sika wĩĩzĩ kĩna ukutendaa ũshekulu waakue. Ĩnie numuĩtile asuaĩaane, kunsooko tũlũ zensi nanĩziigilie kwa kĩTata nukumulĩngagiaa.

Yohana 16:12

“Kĩlĩ ntĩĩte ningĩ za kumuĩĩla, ĩpa sika mwishũũma kukuzigigimĩlia ĩpaino.

Yohana 17:8

Kunsooko inkaani naalumpĩĩle ĩne naapĩĩle; naazaanũnkula, naamana ĩtai kĩna mpũnile kumuako; naasuĩĩla kĩna uue aluntumile.

Yohana 18:20

ũYesu nushookeelia, “Ĩne alĩ ntambuĩle tengetenge muna unkũmbigyulu; ĩne intondo tũlũ nukumanagiaa mũshũnagogi numuNumba ya kĩNzua pĩna ĩkĩlundĩĩlĩĩlaa ĩAyahũdi tũlũ; sika ntambuĩle kalukaani kukĩmpisĩ-mpisĩ.

Yohana 3:11

Tai-taaii nakuĩĩla, nakulumanile kukulutambulaa; nakuluoonie kukulukuĩlaa, nuukuĩlĩ wĩĩtu sika mugombile.

Yohana 7:16

ũYesu nuashookeelia nuũga, “uUmania waane sika waane, ingĩ waakue naaluntumile.

Yohana 7:28

Luulo ũYesu nwĩtunta ululi muNumba ya kĩNzua, nũmania nuũga, “Ĩne munzĩzĩ, nĩkĩna mpũnile muĩzĩ; sunga sika nĩĩzĩĩle uneene, ĩpa naaluntumile ingĩ wa tai, niniinie sika mumuĩzĩ.

Yohana 8:25

Paapo naamuĩĩla, “Ue uue waani?” ũYesu nuaĩĩla, “Lwalu naaza namuĩĩla kwipũna umuanidio.

Yohana 8:27

Sika naalĩnga kĩna ukuaĩĩla za kĩTata.

Yohana 8:40

Ĩpaino mwidũũma kwimbulaga ĩne, nanumuntu nanukumuĩĩlaa ĩtai naalĩ nĩmiigilie kwa kĩNzua. uIbũlahimu sika alutendile itĩ.”

2 Akolinto 1:18

Ĩpa kĩna uNzua ingĩ wa usuĩĩli, ulukaani luĩtu kunsiani sika alĩ lutũlile eeze nĩzũi.