Yohana 8:12 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹² Paapo kangĩ ũYesu nuaĩĩla nuũga, “Ĩne neene nĩweelu wa unkũmbigyulu; nwa kuntiata ĩne sika ukigendela mukiiti, ĩpa ukaa utĩĩte uweelu wa upanga.”

Yohana 8:12 ပူးပေါင်းရင်းမြစ်များ

Matayo 5:14

Inie mwĩweelu wa unkũmbigyulu. Kaa niĩĩlĩ munkonko sika ĩsũũmile kwipisigua.

Luka 2:32

uweelu wa kuamĩlĩkĩla ĩa ndugu nazĩngĩ, nuukulu kuantu aako ĩa Ĩsilaeli.”

Yohana 12:35

Iio ũYesu nuaĩĩla, “uWeelu kĩlĩ ukoolĩ kumiani tyũngo; mugende pĩna mutĩĩte uweelu, ĩkiitĩ kĩleke kumuguĩla. Nukugendalaa mukiiti sika wĩĩzĩ kĩna ulunziĩ.

Yohana 12:36

Pĩna mutĩĩte uweelu suĩĩlĩ muweelu, mutũle aana a weelu.” Pĩna nutambula izi ũYesu, nulega kwipũna kumiao nwĩpisa.

Yohana 12:46

Ĩne nijile nĩĩ weelu muna unkũmbigyulu, koona tũlũ wensi nusũlĩĩle mumuane waleke kikyala mukiiti.

Yohana 14:6

ũYesu numuĩĩla, “Ĩne neene nzĩla nĩtai nuupanga; ukutilĩ nũjile kwa kĩTata isiititũla kunzĩla ya ĩne.

Yohana 3:19

Uu wau ulamuli, ya kĩna uweelu waazile muna unkũmbigyulu nĩantu naakĩloogua ĩkiiti kwikĩla uweelu, kunsooko uutendi waao alĩ ubĩĩ.

Yohana 7:17

Wensi kanga waloogue kwitenda uulooa waakue, ukakuulĩnga uumanigua uu, kĩna upũnile kwa kĩNzua katia nĩkĩtambulĩlia ning'ene.

Yohana 9:5

Pĩna kĩlĩ nkoolĩ muna unkũmbigyulu, ĩne neene weelu wa unkũmbigyulu.”

Utendi 13:47

Kuitĩ yoi alĩ kualagĩĩligue nũShekulu, ‘Nakuĩĩkaa ue wĩĩ weelu wa ndugu nazĩngĩ, Utũle ugũnua waao sunga kumpelo ya nsĩĩ.’”

Utendi 26:23

ya kĩna uKilisito yumũjĩpĩĩle waagigue, kangĩ uzo wĩĩ wa muandio kwiiiuka muakiu, watanantie impola za weelu kuantu aakue nukundugu nazĩngĩ.

2 Petelo 2:17

Ĩa ingĩ njiĩlio nangila kamaazĩ; malũnde namakenkue nukĩlaũmbĩ; uwiilu wa kiiti ingĩ kĩuto naaĩĩkĩligue.

2 Petelo 2:4

Kuitĩ malĩĩ uNzua sika alĩ waalekile ĩamalaĩka naalĩ atimuĩle, ĩpa alĩ waagumĩĩle kuulungu, naatũngua nĩmatendele ma kiiti, alindĩĩlue muumo sunga uulamulua uuze;

1 Yohana 1:6

Kanga kuũge ya kĩna kukamantĩĩne ninduyo nukwigendela muwiilu kwalomboka, sunga sika kutendile naza tai.

Yuda 1:13

ĩAasio ingĩ maĩngo ma nanza nasika masũũmile kwigiligua, namipũnia inshoni zaao ĩmeene zĩ pyombolũ, ingĩ nsonda nazukulimĩĩlaa. ũwiilu wa kiiti kĩĩkio kĩuto kiao naaĩĩkĩligue ĩkalĩ nakalĩ.

Yuda 1:6

Nĩamalaĩka nasika alĩ akendegelĩĩle uukulu waao ĩeene, ĩpa naaleka wikyalĩ waao naalĩ waijĩpĩĩle, waaĩĩkile mũitũngo yakalĩ nakalĩ nsĩlĩlĩ ya kiiti sunga kulutondo nalukulu lwa ulamulua;

Ukũnukulua 21:24

Nindugu zikigendela muweelu waakue; nĩatemi a nsĩĩ akuleetaa uukulu waao mumuakue,