Yohana 7:19 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁹ Naalumupĩĩle inie uUlagĩĩlio sika Musane? Sunga ukutilĩ kumiani nukuukendegelaa uUlagĩĩlio. Nĩkĩ mwinduuma kwimbulaga.”

Yohana 7:19 ပူးပေါင်းရင်းမြစ်များ

Matayo 12:14

Paapo ĩApalisayo naapũna naamukomelia ĩkialo amuulage kunzĩla kĩ.

Matayo 21:38

Ĩpa ĩalĩmi pĩna naamuona umuana waakue, naĩĩ kĩtambuĩla eene kueene, ‘Uzu wazu musaali, kuĩnĩ kumuulage, kuusole uusali waakue.’

Maliko 11:18

ĩApolia naakulu nĩalangi naaziigia impola, naadũũma ĩnzila ya kumuulaga kuitĩ alĩ amoopookaa, kunsooko iyũmbĩ tũlũ alĩ lyakũmagiaa kuumania waakue.

Maliko 3:4

Nuaĩĩla: Mũikone palutondo lwa wikyali kwitenda naiiza, katia kwitenda naibĩĩ; kwigyũna ĩnkolo ya muntu, katia kwiulaga? Naatuulia.

Maliko 3:6

Ĩkamuĩ naalongola ĩApalisayo, naakomia ĩkialo palumuĩ nĩantu a kĩHelode amuulage kunzĩla kĩ.

Yohana 1:17

Kuitĩ uUlagĩĩlio nauleetua kumukono wa kĩMusa; uukende nĩtai alĩ zijile mwa kĩYesu Kilisito.

Yohana 10:39

Paapo naadũũma kukumuguĩla kangĩ; nulega mumĩkono yaao.

Yohana 11:53

Kwipũna luulo lutondo naakomia ĩkialo amuulage.

Yohana 5:16

Luulo gua, ĩAyahũdi naamuagia ũYesu kunsooko alutendile izi palutondo lwa wikyali.

Yohana 5:18

Kunsooko ĩĩ, ĩAyahũdi naĩkakia kwidũũma kukumuulaga kunsooko sika alutimulĩĩle ulutondo lwa wikyali udũũ, ĩpa numuĩta uNzua Tata waakue, nukĩtenda lika lĩmuĩ nuNzua umuene.

Yohana 5:45

Mulekishĩĩga kĩna ĩne nĩkakumusokia kwa kĩNzua, ukoolĩ umusokia waani, ingĩ uMusa namumusanilie inie.

Yohana 7:1

Pembele ũYesu nũipilima muGalĩlaya; sika nusiia kwipilima muUyahũdi kunsooko ĩAyahũdi alĩ idũũma kukumuulaga.

Yohana 7:25

Luulo gua, ĩaniYelusalemũ ĩamuĩ naaũga, “Sika wayune naakumudũũmaa amuulage?

Utendi 7:38

Uuyo alĩ wĩĩlĩ mumulundo mumbugi-melemele palumuĩ numalaĩka naalĩ ĩkĩtambuĩlaa pankonko ya Sinai, kangĩ nĩatata ĩĩtu; uuyo alĩ waanũnkuĩle inkaani za upanga wakupeele nindiishie.

Agalatia 3:19

uUagĩĩlio alĩ wa nsooko kĩ gua? Alĩ uletue kunsooko ya utimu sunga waaze umulelua naalĩ mupeegue ĩlyago. Alĩ uĩĩkue kuwĩtumi wa amalaĩka kumukono wa mukamantania.

Agalatia 6:13

Kuitĩ sunga ĩene ĩakola naaalamigue sika aukendegelĩĩle uUlagĩĩlio; ĩpa asiiile inie mualamigue koona ĩkũmazukie mumpola za miĩlĩ yaani.