Yohana 6:57 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁵⁷ Kĩna uTata namupanga naaluntumile, nineene numupanga kunsooko ya kĩTata, iio-iioo nunuasio nukundĩaa ĩne ukitũla mupanga kunsooko yaane.

Yohana 6:57 ပူးပေါင်းရင်းမြစ်များ

Matayo 16:16

uSimoni Petelo numushookeelia, nuũga, “Ue uue Kilisito, Muana wa kĩNzua namupanga.”

Yohana 14:19

Kĩlĩ katũngo kaniino uunkũmbigyulu sika wimona kangĩ, ĩpa inie mwĩmona kunsooko ĩne numupamga, niniinie mukitũla muapanga.

Yohana 14:6

ũYesu numuĩĩla, “Ĩne neene nzĩla nĩtai nuupanga; ukutilĩ nũjile kwa kĩTata isiititũla kunzĩla ya ĩne.

Yohana 17:21

Tũlũ ensi atũle umuĩ kĩna ue Tata nukoolĩ mumuane nineene moolĩ mumuako, koona ĩa atũle umuĩ munsĩ yĩĩtu, uunkũmbigyulu usuĩĩle kĩna uue untumile.

Yohana 3:17

Kuitĩ uNzua sikumutumile uMuana muna unkũmbigyulu waulamule uunkũmbigyulu, ĩpa uunkũmbigyulu ugũnue ninduyo.

Yohana 5:26

Iio gua, kĩna uTata utĩĩte upanga umuene, iio-iioo numupeela uMuana wĩĩ nuupanga umuene.

Yohana 6:29

ũYesu nushookeelia nuaĩĩla, “Uu wau mulĩmo wa kĩNzua, musuĩĩle mumuakue naalĩ mutumue nduyo.”

Yohana 6:38

Kuitĩ sika alĩ ntimile kwipũna kwigyulu koona nĩtume uulooa waane, ĩpa uulooa waakue naaluntumile.

1 Akolinto 15:22

Kuitĩ kĩna mwa kĩAdamu tũlũ akukiaa, iio-iioo numwa kĩKilisito tũlũ ikipangatigua.

1 Akolinto 15:45

Iio yandĩkue, “uMuntu wamuandio, uAdamu, nutũla nĩnkoolo; ya uumĩ.” uAdamu nwamumalĩĩlio nutũla nkolo ya kupangatia.

2 Akolinto 13:4

Kuitĩ nukononteelwa mumusalaba muuneketũ, ĩpa ukoolĩ mupanga kungũlũ za kĩNzua, kuitĩ nindiishie kwaniekũ mumuakue, ĩpa kumiani kukitũla apanga palumuĩ ninduyo kungũlũ za kĩNzua.

Agalatia 2:20

Nakonontelĩĩlue mumusalaba palumuĩ nuKilisito, ĩpa itĩ numupanga; kangĩ sika neene nanumupanga, ĩpa uKilisito muene mupanga munsĩ yaane; nuupanga nanuutĩĩte ĩpaino mumuili, nuutĩĩte kuusuĩĩli muMuana wa kĩNzua naalundoilue nwĩsuula umuene kunsooko yaane.

1 Atesaloniki 1:9

Kuitĩ eene akola iganula ĩmpola zĩĩtu, kĩna alĩ mukukusũgamĩĩlia ishie, kangĩ kĩna alĩ mumugomokelĩĩle uNzua, namualeka ĩanzegamĩla, koona mwamutumĩla uNzua namupanga nwa tai;

Aebulania 9:14

sika ikulu nangũlũne ĩmĩgali ya kĩKilisito, naalĩ wĩpũnilie kwa kĩNzua kunzĩla ya kĩMuau wa kalĩ nakalĩ, watũle pyolia nigila kaulema, ukakumoogia ĩmioo yaani nuutendi wa ukiu kukumutumĩla uNzua namupanga?

1 Yohana 4:9

uUloogua wa kĩNzua alĩ wigyelĩĩle kunsĩĩtu paapo pĩna alumutumile uMuana waakue nwing'ene muna unkĩmbigyulu kuligie upanga kwa kĩuyu.