Yohana 6:2 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

² iYũmbi kyulu nalĩmutiatĩĩla, kunsooko alĩ aionaa iilĩngasĩĩlio naalĩ waatendĩĩle ĩaluĩle.

Yohana 6:2 ပူးပေါင်းရင်းမြစ်များ

Matayo 12:15

ũYesu pĩna nulĩnga izi, nulega kuasio. Iingĩ naamutiata, nuakamia tũlũ ensi,

Matayo 13:2

Maũmbĩ mingĩ namamulundĩkĩĩla; luulo nunankĩla mwipyango, nwikyalansa; umulundo wensi nawĩĩmĩka pityumbĩ.

Matayo 14:14

ũYesu pĩna nupika kũtyumbĩ nulĩona iyũmbĩ kyulu, nuakolelua kĩnishungu, nuakamia ĩaluĩle aao.

Matayo 8:1

Pĩna nutima munkonko, maũmbĩ mingĩ alĩ mamutiatile.

Maliko 1:45

Ĩpa nupũna, nuandia kwitanantia ningĩ nukwishapatilia ulukaani luasio, sunga ũYesu sika nusũũma kwiingĩla mukaa ĩwigyelĩĩle kualiĩ; ĩpa alĩ wĩĩlĩ kuweekusĩ, naamuagaana kwipũna nandĩ zensi.

Maliko 6:33

Antu naaaona alonguĩle, iingĩ naaamana, naamanka kuasio kwipũna ikaa tũlũ naapika mbele.

Yohana 11:47

Iio, ĩapolia naakulu nĩApalisayo naaĩĩka ilindĩ, naaũga, “Kutendeeii? Kunsooko umuntu uyu witenda ilĩngasĩĩlio iingĩ.

Yohana 12:18

Kunsooko ĩĩo iyũmbĩ nalĩmuagaana, kuitĩ naiigia kĩna alutendile ĩkĩlĩngasĩĩlio ĩkĩ.

Yohana 12:37

Kanga alutendile ilĩngasĩĩlio iingĩ nakĩ ntongela yaao, sika naasuĩĩla mumuakue,

Yohana 2:11

Uu wau muandio wa ilĩngasĩĩlio naalutendile ũYesu muKana ya Galĩlaya. Nwigyelelia uukulu waakue, nĩamanigua aakue naasuĩĩla mumuakue.

Yohana 2:23

Pĩna alĩ wĩĩlĩ mũYelusalemũ palutondo nalukulu lwa Pasaka, iingĩ naasuĩĩla muliina liakue pĩna naaiona iilĩngasĩĩlio yaakue naalukuitenda.

Yohana 20:30

Ikoolĩ ilĩngasĩĩlio nayĩngĩ iingĩ naalutendile ũYesu ntoongela ya amanigua nasika yandĩkue muna kĩtabũ ĩkĩ,

Yohana 3:2

Uzo alũjile kwa kĩYesu utiku numuĩĩla, “Mumania numukulu, kumanile kĩna ue uue uMumania nupũnile kwa kĩNzua, kunsooko kutilĩ nusũũmile kwitenda iilĩngasĩĩlio ii nukuitendaa ue pĩna uNzua sika yĩensi nduyo.”

Yohana 6:14

Luulo gua, ĩantu pĩna naakĩona ĩkĩlĩngasĩĩliio naaũga, “Uyu wayu tai taaii umunakĩdagu nũjile muna unkũmbigyulu.”

Yohana 6:22

Mudaau yaakue iyũmbĩ naalĩ liĩmĩkile pityumbĩ lya nanza nalĩona kĩna lyukutilĩ pyango naliĩngĩ paasio, isiiititũla lĩĩlo naalĩ lĩmuĩ, kangĩ kĩna ũYesu sika alĩ wingĩĩle mwipyango liasio palumuĩ nĩamanigua aakue, ĩpa ĩamanigua aakue alĩ endile ing'ene.

Yohana 6:26

ũYesu nushookeelia nuũga, “Tai-taaii namuĩĩla mwindũũma, sika kunsooko alĩ muoonie ilĩngasĩĩlio, ĩpa kunsooko alĩ mulĩĩle ĩmapũli namwikyuta.

Yohana 6:30

Naamuĩĩla, “Uwe witenda kĩlĩngasĩĩlio kĩ gua, kuone kukusuĩĩle? Ukĩtuma mulĩmo kĩ?