Yohana 5:23 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²³ itĩ tũlũ ensi amukulie uMuana kĩna akumukulagiaa uTata. Uzo nasika ukumukulagiaa uMuana sika ukumukulagiaa nuTata naalumutumile.”

Yohana 5:23 ပူးပေါင်းရင်းမြစ်များ

Matayo 10:37

Numuloilue ũshee katia unina kwikĩla ĩne, sika winjĩpĩĩle; numuloilue umuana namugoosia katia namukĩĩma kwikĩla ĩne sika winjĩpĩĩle.

Matayo 11:27

“Tũlũ yensi napĩĩlue nuTata waane; kutilĩ numulĩngile uMuana, isiititũla uTata; kangĩ kutilĩ numulĩngile uTata, isiititũla uMuana, nunuasio wensi uMuana nusiiile kukumukũnukũĩla.

Matayo 12:21

Numuliina liakue indugu nazĩngĩ zikilaaĩĩla.”

Matayo 15:8

‘ĩAntu ĩa akunkulagiaa kumĩlomo yaao, ĩpa inkolo zaao zĩĩlĩ kulĩ nineene.

Matayo 28:19

Luulo gua, lendĩ muzitende indugu tũlũ zensi zitũle amanigua, ĩmukuabadĩĩzia muliina lya kĩTata, nĩlya Muana, nĩlya Muau Muelu;

Luka 10:16

Nukumũigagiaa inie ukunzigagiaa uneene; nukumusiitaa inie ukunsiitaa uneene; nunduyo nukunsiitaa ĩne ukumusiitaa uyo naaluntumile.”

Yohana 14:1

“ĩNkolo zaani zilekikankanala; musuĩĩle mwa kĩNzua, musuĩĩle numumuane.

Yohana 16:14

uNuasio ukinkulia ĩne, kunsooko ukishola ĩzaane nukakumutanantĩlia inie.

Yohana 17:10

Tũlũ zensi naalĩ zaane ingĩ zaako; nĩzaako ingĩ zaane; nineene nakulagiguaa munsĩ yaao.

Alumĩ 1:7

Namuandĩkĩla inie tũlũ namũkyalille mukaa yaLumĩ, namualĩĩ aloogua akĩNzua, namuĩĩtue mutũle eelu. uUkende wĩi kumiiani nĩmatiliga namapũnile kwa kĩNzua Tata wĩĩtu nukwa kĩShekulu Yesu Kilisito.

Alumĩ 15:12

Kangĩ uYesaya waũga, “Ĩkaa lĩkoolĩ itina lya kiYese Nupolokile kwitema indugu nazĩngĩ. Uzo indugu nazĩngĩ zĩkakumulaaĩĩla.”

Alumĩ 6:22

Ĩpaino pĩna mwakomolua kwipũnamumulandu nukwitũla asese a kĩNzua, mutĩĩte nsaĩlo yaani, ingĩ kwieeligua, nĩmpelo yaakue upanga wa kalĩ nakalĩ.

Alumĩ 8:9

Ĩpa kanga uMuau Muelu wa kĩNzua ĩwikyalile tai munsĩ yaani, inie sika muĩlĩ mukĩmuĩlĩ; muĩlĩ mwa kĩMuau. Wensi nasikumutĩĩte uMuau wa kĩKilisito, unuasio sika muntu waakue.

1 Akolinto 1:3

uUkende wĩĩ kumiani nĩmatiliga namapũnile kwa kĩNzua Tata wĩĩtu nukwa kĩShekulu Yesu Kilisito.

1 Akolinto 10:31

Luulo gua, pĩna mwilĩa katia kwikopa katia kwitenda lukaani luensi, tendĩ tũlũ kuukulu wa kĩNzua.

1 Akolinto 16:22

uMuntu nasikumuloilue ũShekulu nuĩ muzũmue. Shekulu wĩĩtu, poloka!

1 Akolinto 6:19

Sika mumanilene kĩna umuĩlĩ waani ingĩ Numba ya kiMuauMwelu nuili munsi yaani, naali mwapegue nu Nzua? Niniinie sika nsao yaani uniinie;

2 Akolinto 1:9

Eeze, ishie undiishie alĩ kuĩlĩ muulamulua wa kukia koona kuleke kĩsania, ĩpa kumusanie uNzua nukũiukagiaa ĩakiu;

2 Akolinto 5:14

Kuitĩ uuloogua wa kĩKilisito wakũtyapĩkia; kunsooko kĩna umuĩ wa kiile kunsooko ya tũlũ; iio gua tũlũ akiile.

2 Akolinto 5:19

yakĩna uNzua alĩ wĩĩlĩ mwa kĩKilisito nukuukamantania uunkũmbigyulu nĩnduzo, waleke kuaalĩĩlia uutimu waao; nduyo nuĩĩka mumuĩtu ulukaani lwa ukamantani.

Aepeso 6:24

uUkende wĩĩ palumuĩ nĩensi naamuloogilue ũShekulu wĩĩtu, Yesu Kilisito kuuloogua naugila kampelo.

2 Timoteo 1:12

Kunsooko ĩĩ niligia uwaagigua uu, sunga sika nikolua kansoni, kuitĩ numumanile uyo nanumusuĩlile kangĩ ntite ishanio ya kina uzo usumile kukumĩlindĩĩla ĩmbĩĩka yaane nanĩmĩĩĩkile kumuakue sunga kuLutondo luulo.

Aebulania 1:6

Nĩkangĩ, pĩna ukumuleeta umulelua nwa muandio muna unkũmbigyulu, uũgile, “Nĩamalaĩka tũlũ a kĩNzua amutekele.”

2 Petelo 1:1

Simoni Petelo, mwĩtumi, numutumua wa kĩYesu Kilisito, namuandĩkĩla inie naalĩ muligilie uusuĩĩli umuĩ nindiishie, nawa ngele nkakũ, mukulukuuluu ya kĩNzua wĩĩtu nuMugũni Yesu Kilisito.

2 Petelo 3:18

Ĩpa mukule muukende nukukumumana ũShekulu nuMugũni wĩĩtu Yesu Kilisito. Ukulu wĩĩ kumuakue ĩpaino sunga kulutondo lwa kalĩ nakalĩ. Amini.

1 Yohana 2:23

Tũlũ wensi nukumukaana uMuana mugila kaTata; uzo nukumukũmuulaa uMuana, unuasio utĩĩte nuTata gaa.

2 Yohana 1:9

Tũlũ wensi nukuupũũta uumanigua, waleke kikyala muumanigua wa kĩKilisito, mugila kaNzua. uNuasiio nwikyalile muumanigua wa kĩKilisito, uyu umutĩĩte uTata nuMuana gaa.