Yohana 5:20 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁰ Kunsooko uTata umuloogilue uMuana, ukumulagĩĩlaa tũlũ zensi nukuzitendaa umuene, nĩmĩlĩmo namĩkulu nangũlũ kwikĩla ĩĩ ukakumulagĩĩla, koona inie mukulĩlue.

Yohana 5:20 ပူးပေါင်းရင်းမြစ်များ

Matayo 11:27

“Tũlũ yensi napĩĩlue nuTata waane; kutilĩ numulĩngile uMuana, isiititũla uTata; kangĩ kutilĩ numulĩngile uTata, isiititũla uMuana, nunuasio wensi uMuana nusiiile kukumukũnukũĩla.

Matayo 17:5

Pĩna alĩ kĩlĩ witambula, ilyũnde lielu nalĩakũnĩkĩla; laaa, luli nalupũna mwilyũnde naluũga, “Uyu wayu Muana waane muloogua, nanumuloeeligue ninduyo; mũigiĩ umuene.”

Matayo 3:17

Luli kwipũna kwigyulu naluũga, “Uyu wayu Muana waane muloogua, nanumuloeeligue ninduyo.”

Matayo 4:8

ũShetani numutuala kangĩ kunkonko nandĩĩpũ zigizigi, numulagĩĩla uutemi tũlũ wensi wa unkũmbigyulu nuukulu waakue,

Luka 10:22

Tũlũ yensi napeegilue nuTata waane; kutilĩ numulĩngile uMuana isiititũla uTata, kangĩ wensi kutilĩ numulĩngile uTata isiititũla uMuana kangĩ wensi uMuana nusiiile kukumukũnukulĩla.

Yohana 1:18

Kutilĩ numuoonie uNzua ityũngo liensi; uMuana wing'ene nuĩlĩ mukĩkũa kya kĩTata, muene alumukũnukuĩle.

Yohana 10:32

ũYesu nushookeelia, “Numulagĩlĩĩle mĩlĩmo mingĩ namĩĩza nĩpũnile kwa kĩTata. Mumĩlĩmo ĩĩ, nuĩmbĩ namwintũlĩla ĩmagũe?”

Yohana 14:12

“Tai-taaii namuĩĩla, nusuĩlĩĩle mumuane, ĩmĩlĩmo nanĩkĩtuma ĩne nduzo ukakuĩtuma, kangĩ namĩkulu kwikĩla ĩĩ ukakĩtuma kunsooko nalongolaa kwa kĩTata.

Yohana 15:15

Sika nukumuĩta kangĩ asese, kunsooko umusese sika wĩĩzĩ kĩna ukutendaa ũshekulu waakue. Ĩnie numuĩtile asuaĩaane, kunsooko tũlũ zensi nanĩziigilie kwa kĩTata nukumulĩngagiaa.

Yohana 17:26

Naamanilie ĩliina liako, kangĩ nĩkakuamania; itĩ uuloogua naalundoilue ĩne wĩĩ munsĩ yaao, nineene nĩĩ munsĩ yaao.”

Yohana 3:35

uTata umuloilue uMuana, nduyo umupĩĩle tũlũ mumukono waakue.

Yohana 5:21

Kuitĩ kĩna uTata ukũiukagiaa ĩakiu nukukuapangatia, iio-iioo nuMuana ukuapangatagiaa nualoilue.

Yohana 5:25

Tai-taai namuĩĩla, iTyũngo lijile nunzuauu lĩkoolĩ, ĩakiu ĩkakulũigia ululi lwa Muana wa kĩNzua, nĩndĩo naĩkakulũigia ikitũla apanga.

Yohana 5:29

ndĩo ikipũna, naalĩ atendile iiza kuwiiuki wa upanga, naalĩ atendile namabĩĩ kuwiiuki wa ulamulua.”

2 Petelo 1:17

Kuitĩ alĩ mupeegue nuNzua Tata lukũmo nuukulu pĩna alĩ muleetelue ululi nalupũnile muukulu naukĩlĩkĩlĩĩle, “Uyu wayu Muana waane muloogua, nanumuloeeligue ninduyo.”