Yohana 4:3 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³ nulega kuUyahũdi nuenda kangĩ kũGalilaya.

Yohana 4:3 ပူးပေါင်းရင်းမြစ်များ

Matayo 10:23

Pĩna ĩkakumuĩnga mukaa ĩĩ talamĩlĩ yĩngĩ. Tai namuĩĩla. Sika mukakuzimala ikaa za ĩSilaeli sunga waaze uMuana-muntu.

Maliko 3:7

ũYesu nulega nĩamanigua aakue, nuenda kunanza. Yũmbĩ kyulu nalĩmutiata kwipũna kũGalilaya nukuUyahũdi,

Luka 17:11

Pĩna alĩ wĩĩlĩ munzĩla kwienda kũYelusalemũ, alukĩlĩĩle pakatĩ ya Samalia nĩGalĩlaya.

Yohana 1:43

Mudaau yaakue ũYesu nuloma kwienda kũGalilaya. Numuona uPilipo, numuĩĩla, “Ntiata.”

Yohana 10:40

Nuenda kangĩ kwityumbĩ liYolidani, paapo pĩna uYohana alukoolĩ ĩmbele nũbadĩĩzia; nwikyala kuuko.

Yohana 11:54

Paapo ũYesu nupela kwiumba tenge-tenge muAyahũdi; iio nulega kuasio nuenda luandĩ piipĩ nĩmbuga kukaa nyukuĩtaguaa Epũlaimu; nwikyala kuuko palumuĩ nĩamanigua aakue.

Yohana 2:11

Uu wau muandio wa ilĩngasĩĩlio naalutendile ũYesu muKana ya Galĩlaya. Nwigyelelia uukulu waakue, nĩamanigua aakue naasuĩĩla mumuakue.

Yohana 3:22

Pembele ũYesu nĩamanigua akue naenda kunsĩĩ ya Uyahũdi, nukyala pii kuuko palumuĩ nĩndĩo, nubadĩĩzia.

Yohana 3:32

Nuzioonie nukukuziigia, ziizo ukuzikuĩlaa; ĩpa kutilĩ nukugombaa uukuĩli waakue.

Yohana 4:47

Uyu pĩna nũigia kĩna ũYesu wijile kwipũna kuUyahũdi sunga kũGalilaya, numuagaanaa numulompa wende wamukamie umuana waakue naalĩ wĩpiipĩ kwikia.

Yohana 7:1

Pembele ũYesu nũipilima muGalĩlaya; sika nusiia kwipilima muUyahũdi kunsooko ĩAyahũdi alĩ idũũma kukumuulaga.