Yohana 3:2 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

² Uzo alũjile kwa kĩYesu utiku numuĩĩla, “Mumania numukulu, kumanile kĩna ue uue uMumania nupũnile kwa kĩNzua, kunsooko kutilĩ nusũũmile kwitenda iilĩngasĩĩlio ii nukuitendaa ue pĩna uNzua sika yĩensi nduyo.”

Yohana 3:2 ပူးပေါင်းရင်းမြစ်များ

Matayo 22:16

Naatuma kumuakue ĩamanigua aaao palumuĩ nĩantu a kĩHelode, naaũga, “Mumania, kumanile kĩna ue wĩmuntu wa tai, nĩnzĩla ya kĩNzua ukumĩmanagiaa mutai, kangĩ sikukusupaa kaukulu wa muntu wensi, kunsooko sikukulaaa kausiu wa antu.

Matayo 23:7

nukwiũgigua mumagulaanĩlo, nukwiĩĩtua nĩantu, ‘Mumania namukulu.’

Matayo 23:8

Ĩpa inie mulekiĩĩtua nĩantu mumania namukulu, kuitĩ uMumania waani ingĩ umuĩ, niniinie tũlũ ensi mukĩnũna.

Maliko 12:14

Naamuagaana, naamuĩĩla, “Mumania, kumanile kĩna ue uue wĩmuntu wa tai, sunga sikukukunkunalaa kumpola za muntu wensi, kunsooko sikukulaaa kamakelu ma antu, ĩpa mutai ukumĩmanagiaa ĩnzĩla ya kĩNzua. Iizane kukumupeela uKaisali ĩkoodi anga zũi.”

Yohana 1:38

ũYesu nupĩluka, nuaona naamutiatile, nuaĩĩla, “Mwidũũma yaani?” Naamuĩĩla, “Labi” (ndogolelio yaakue, Mumania namukulu) “wikyalile mpĩĩ?”

Yohana 10:38

Kanga ĩnukuĩtendaa, anga musitinshuĩĩla ĩne noo, muĩsuĩĩle ĩmĩlĩmo, koona mumane nukwilĩnga kĩna uTata umoolĩ mumuane nineene moolĩ mwa kĩTata.”

Yohana 12:37

Kanga alutendile ilĩngasĩĩlio iingĩ nakĩ ntongela yaao, sika naasuĩĩla mumuakue,

Yohana 14:10

Sika wishuĩĩlane kĩna ĩne moolĩ mwa kĩTata, nuTata umoolĩ mumuane. iNkaani nanukumuĩĩla ĩne sika nĩkĩtambulĩlagiaa ning'ene, ĩpa uTata nũkyalile munsĩ yaane ukĩtumaa ĩmĩlĩmo yaakue.

Yohana 15:24

Kanga alĩ nsiite kukĩtuma ĩmĩlĩmo kumiao nasika alĩ witumile nuĩngĩ, sika alĩ ijilitũla numulandu, ĩpa akuonaa nukukukusuukĩlua ĩne nuTata waane gaa.

Yohana 2:11

Uu wau muandio wa ilĩngasĩĩlio naalutendile ũYesu muKana ya Galĩlaya. Nwigyelelia uukulu waakue, nĩamanigua aakue naasuĩĩla mumuakue.

Yohana 20:16

ũYesu numuĩĩla, “Malia.” Uyo nupĩluka, numuĩĩla kuKĩebũlania, “Laboni!” Ndogolelio yaakue. (Mumania waane numukulu.)

Yohana 3:26

Naamuagaana uYohana naamuĩĩla, “Mumania numukulu, unuasio naalĩ mwĩensi ninduue kwityũmbĩ liYolidani naalumukuĩlĩle ue, laaa nduzo wibadĩĩzia, nĩ tũlũ ensi akumuagaana.”

Yohana 4:31

Uko kunuma ĩamanigua aakue naamulompa, naaũga, “Shekulu, lĩa.”

Yohana 5:36

“Ĩne gua ntĩĩte ukuĩli ukulu kwikila wa kĩYohana. Kuitĩ ĩmĩlĩmo naalĩ numupeegue nuTata nĩĩmalĩĩlie, ĩmĩlĩmo niasio nanukuĩtumaa ĩnkuĩlĩĩle kĩna uTata untumile.

Yohana 6:2

iYũmbi kyulu nalĩmutiatĩĩla, kunsooko alĩ aionaa iilĩngasĩĩlio naalĩ waatendĩĩle ĩaluĩle.

Yohana 7:31

Iingĩ mwiyũmbĩ naasuĩĩla mumuakue, naaũga, “Pĩna wijiliiiza uKilisito, ũjilitenda ilĩngasĩĩllio iingĩne kwikĩla naalutendile uyu?”

Yohana 9:16

Iio gua, ĩApalisayo ĩamuĩ naaũga, “uMuntu uyu sikupũnile kwa kĩNzua kunsooko sikukulukendegeela ulutondo lwa wikyali.” Naĩngĩ naaũga, “Wishũũma mbii umunamĩlandu kwitenda iilĩngasĩĩlio kĩna ii?” Nautũla ukamatuki mumiao.

Utendi 10:38

impola za kĩYesu wa kuNazaleti, kĩna uNzua alumupakile ĩmakũta kuMuau Muelu ningũlũ; nduyo nupilima uko ninduuko nukwitenda naiiza nukukuakamia tũlũ naalemeeligue nũShetani, kunsooko uNzua alĩ ĩpalamuĩ ninduyo.

Utendi 2:22

“Agoosia a Ĩsilaeli, tegeelĩ inkaani izi; ũYesu Munazaleti, muntu naalĩ mũgyeleligue kumiani nuNzua kuutendi kwa kĩuyo pakatĩ yaani, kĩna uniinie akola namumanile;

Apilipi 1:14

Kangĩ iingĩ pakatĩ ya anũna alĩgagia ukamatĩku mwa kĩShekulu kunsooko ya utũngua waane, sunga ĩkamatĩkĩlie dũũ kwitambula ulukaani lwa kiNzua kutilĩ kaooa.