Yohana 2:4 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴ ũYesu numuĩĩla, “Maau, Ya yaani ĩne ninduue? Ityũngo liane sika lyalaaza.”

Yohana 2:4 ပူးပေါင်းရင်းမြစ်များ

Matayo 15:28

Paapo ũYesu nushookeelia, numuĩĩla, “Maau, uusuĩĩli waako ukulu! Nayĩĩ iio kĩna usiiile.” Numunanso waakue nukamia kwipũna lĩĩlo tyũngo.

Matayo 8:29

Laaa, naakuuta naaũga, “Kwĩmbii ninduue, Muana wa kĩNzua.” Wapikaa kukukuagiane pĩna ityũngo sika lyalaaza?

Luka 2:49

Nuaĩĩla, “Nĩkĩ aza mwindũũma? Sika mumanilene kĩna injĩpĩĩle nĩĩ nĩĩlĩ munumba ya kĩTata waane?”

Yohana 12:23

ũYesu nuashookeelia nuũga, “iTyũngo liazaa uMuana-muntu wakuligue.

Yohana 13:1

uLutondo lukulu lwa Pasaka pĩna alĩ lwikaalĩ ũYesu numanile kĩna ityũngo liakue liazaaa lya kulega muna unkũmbigyulu uu wende kwa kĩTata, alĩ ualoilue ĩaakue muna unkũmbigyulu, nualoogua sunga kumpelo.

Yohana 2:3

Pĩna umubinio naukeepa, unina wa kĩYesu numuĩĩla, “Agila kamubinio.”

Yohana 20:13

ĩAasio naamuĩĩla, “Maau, wilĩĩla yaani?” Nuaĩĩla, “Amuleegagiaa ũShekulu waane, sika manile kĩna amuĩĩkile.”

Yohana 20:15

ũYesu numuĩĩla, “Maau, wilĩĩla yaani? Ukumudũũma waani?” Uzo, nũshĩĩga kĩna uyu mukendegeela kĩtanga, numuĩĩla, “Shekulu, malĩĩ wamusolaa uue, mbuĩla kĩna umuĩĩkile, nineene numusole.”

Yohana 7:30

Luulo gua naandũũma kukumuguĩla, ĩpa kutilĩ naalumutualĩlĩĩle umukono, kunsooko ityũngo liakue sika alĩ lyalaaza.

Yohana 7:6

Luulo ũYesu nuaĩĩla, “ityũngo liane likaalĩ kalapika, ĩpa ityũngo liani lĩkoolĩ intondo tũlũ.

Yohana 7:8

Nankĩlĩ uniinie muende kulutondo nalukulu; ĩne nikĩĩlĩ kalanankĩla kwienda kulutondo nalukulu luasio, kuitĩ ityũngo likaalĩ kalakonda.”

Yohana 8:20

iNkaani izi alutambuĩle nũmania muNumba ya kĩNzua, nwĩpaapo pauĩĩkĩlo wa sadaka. Kutilĩ naalumuguĩlile, kuitĩ ityũngo liakue sika alĩ lyalaaza.

2 Akolinto 5:16

Kuluuloo gua kwipũnĩĩla yoi, kutilĩ nakumanile mukĩmuĩlĩ. Kanga ĩalĩĩ kumulĩngile uKilisito mukĩmuĩlĩ, ĩpaino sika kumulĩngile kayoi kangĩ.