Yohana 2:11 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹¹ Uu wau muandio wa ilĩngasĩĩlio naalutendile ũYesu muKana ya Galĩlaya. Nwigyelelia uukulu waakue, nĩamanigua aakue naasuĩĩla mumuakue.

Yohana 2:11 ပူးပေါင်းရင်းမြစ်များ

Yohana 1:14

NuLukaani nutũla muĩlĩ, nwikyala kumuĩtu, nakuulaaa uukulu waakue, ukulu zĩ wa Muana wing'ene kwa kĩTata, wijuile uukende nĩtai. (

Yohana 1:17

Kuitĩ uUlagĩĩlio nauleetua kumukono wa kĩMusa; uukende nĩtai alĩ zijile mwa kĩYesu Kilisito.

Yohana 1:43

Mudaau yaakue ũYesu nuloma kwienda kũGalilaya. Numuona uPilipo, numuĩĩla, “Ntiata.”

Yohana 1:50

ũYesu nushookeelia numuĩĩla, “Kunsooko aza nakuĩĩlaa, Aza nukuoonie pamukuu, wasuĩĩlane? Ukiona nankulu kwikĩla izi.”

Yohana 10:41

Iingĩ naamuagaana, naaũga, “uYohana sikaalutendile kĩlĩngasĩĩlio kakĩmuĩ, ĩpa zensi naalutambuĩle uYohana mumpola za kĩuyu alĩ za tai.”

Yohana 11:15

Nineene nalumba kunsooko yaani kĩna alĩ nukutilĩ kuasio, koona musuĩĩle; ĩpa kuĩni gua kumuakue.”

Yohana 11:47

Iio, ĩapolia naakulu nĩApalisayo naaĩĩka ilindĩ, naaũga, “Kutendeeii? Kunsooko umuntu uyu witenda ilĩngasĩĩlio iingĩ.

Yohana 12:18

Kunsooko ĩĩo iyũmbĩ nalĩmuagaana, kuitĩ naiigia kĩna alutendile ĩkĩlĩngasĩĩlio ĩkĩ.

Yohana 12:37

Kanga alutendile ilĩngasĩĩlio iingĩ nakĩ ntongela yaao, sika naasuĩĩla mumuakue,

Yohana 12:41

uYesaya aluũgile izi pĩna aluoonie uukulu waakue, nutambula impola zaakue.

Yohana 14:13

Luensi namukakululompa muliina liane nĩkakulutenda, uTata wakuligue muMuana.

Yohana 16:27

Kunsooko uTata muene umuloilue inie, kuitĩ inie mwandoilue nukwishuĩĩla kĩna ĩne alĩ mpũnile kwa kĩTata.

Yohana 16:30

Ĩpaino kumanile kĩna umanile tũlũ-tũũlũũ, sika wishiia tũlũ wensi wakukolie; luulo kwasuĩĩla kĩna ue upũnile kwa kĩNzua.”

Yohana 2:1

Nulutondo lwa katatu alĩ ukoolĩ winga mukana ya Galĩlaya, nunina wa kĩYesu alĩ wĩĩlĩ kuuko.

Yohana 2:23

Pĩna alĩ wĩĩlĩ mũYelusalemũ palutondo nalukulu lwa Pasaka, iingĩ naasuĩĩla muliina liakue pĩna naaiona iilĩngasĩĩlio yaakue naalukuitenda.

Yohana 3:2

Uzo alũjile kwa kĩYesu utiku numuĩĩla, “Mumania numukulu, kumanile kĩna ue uue uMumania nupũnile kwa kĩNzua, kunsooko kutilĩ nusũũmile kwitenda iilĩngasĩĩlio ii nukuitendaa ue pĩna uNzua sika yĩensi nduyo.”

Yohana 4:3

nulega kuUyahũdi nuenda kangĩ kũGalilaya.

Yohana 4:46

Nuuza kangĩ kuKana ya Galĩlaya, paapo pĩna aluzipilie ĩmazĩ matũle mubinio. Alukoolĩ muntu wakĩtemi, umuana waakue alĩ muluĩle muKapelinaũmũ.

Yohana 4:54

Ĩkĩ kyokĩ kĩlĩngasĩĩlio kya kabĩlĩ ũYesu naalutendile pĩna alupũnile kuUyahũdi kwienda kũGalilaya.

Yohana 5:23

itĩ tũlũ ensi amukulie uMuana kĩna akumukulagiaa uTata. Uzo nasika ukumukulagiaa uMuana sika ukumukulagiaa nuTata naalumutumile.”

Yohana 6:14

Luulo gua, ĩantu pĩna naakĩona ĩkĩlĩngasĩĩliio naaũga, “Uyu wayu tai taaii umunakĩdagu nũjile muna unkũmbigyulu.”

Yohana 6:2

iYũmbi kyulu nalĩmutiatĩĩla, kunsooko alĩ aionaa iilĩngasĩĩlio naalĩ waatendĩĩle ĩaluĩle.

Yohana 6:26

ũYesu nushookeelia nuũga, “Tai-taaii namuĩĩla mwindũũma, sika kunsooko alĩ muoonie ilĩngasĩĩlio, ĩpa kunsooko alĩ mulĩĩle ĩmapũli namwikyuta.

Yohana 6:30

Naamuĩĩla, “Uwe witenda kĩlĩngasĩĩlio kĩ gua, kuone kukusuĩĩle? Ukĩtuma mulĩmo kĩ?

Yohana 7:31

Iingĩ mwiyũmbĩ naasuĩĩla mumuakue, naaũga, “Pĩna wijiliiiza uKilisito, ũjilitenda ilĩngasĩĩllio iingĩne kwikĩla naalutendile uyu?”

Yohana 9:16

Iio gua, ĩApalisayo ĩamuĩ naaũga, “uMuntu uyu sikupũnile kwa kĩNzua kunsooko sikukulukendegeela ulutondo lwa wikyali.” Naĩngĩ naaũga, “Wishũũma mbii umunamĩlandu kwitenda iilĩngasĩĩlio kĩna ii?” Nautũla ukamatuki mumiao.

2 Akolinto 3:18

Ĩpa nindiishie kuusiu nasika ukũnĩkĩlue, pĩna kuulaaile uukulu wa kĩShekulu zĩ mukĩlolelo, kwikaĩlĩka kuĩ nĩmpiani ĩĩo-ĩĩoo, kwipũna uukulu sunga kuukulu naupũnile kwa kĩShekulu, uyo nwa Muau.

2 Akolinto 4:17

Kuitĩ injago zĩĩtu nampeepeele ĩzityũngo niino zukukuligĩlagiaa uukulu naukĩlĩkĩlĩĩle, naugila kiyalo, uwa kalĩ nakalĩ,

2 Akolinto 4:6

Kuitĩ uNzua naaluũgile, “Weelu naweelie mukiiti; muene alĩ weelilie munkolo zĩĩtu wakupeele uweelu wa ulĩngi wa ukulu wa kĩNzua muusiu wa kĩYesu.”

1 Yohana 5:13

Numuandĩkĩĩle izi, inie namusuĩlĩile muliina lya Muana wa kĩNzua, koona mulĩnge kĩna mutĩĩte uupanga wa kalĩ nakalĩ