Yohana 17:2 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

² kĩna yoi naalumupĩĩle uusũũmi kuensi naakola muĩlĩ, itĩ tũlũ naalumupĩĩle waapeele uupanga wa kalĩ nakalĩ.

Yohana 17:2 ပူးပေါင်းရင်းမြစ်များ

Matayo 11:27

“Tũlũ yensi napĩĩlue nuTata waane; kutilĩ numulĩngile uMuana, isiititũla uTata; kangĩ kutilĩ numulĩngile uTata, isiititũla uMuana, nunuasio wensi uMuana nusiiile kukumukũnukũĩla.

Matayo 25:46

Ĩa ikilega ingĩle muukasigua wa kalĩ nakalĩ, ĩpa ĩakola kulukuuluu muupanga wa kalĩ nakalĩ.”

Matayo 28:18

ũYesu nuaagaana, nuĩ kuatambuĩla, nuũga, “Napeegaguaa uusũũmi tũlũ wensi kwigyulu numuna nsĩĩ.

Yohana 17:24

“Tata, ĩaasio nwampĩĩle ĩne, nsiiile ĩĩ palumuĩ nineene pĩna nĩĩlĩ, alaae uukulu waane nwampĩĩle ĩne, kunsooko alundoilue pĩna umukulĩla wa unkũmbigyulu alĩ wikaalĩ kalaĩĩkua

Yohana 17:6

“ĩLiina liako naligyelelagiaa kuantu naalumpĩĩle muna unkũmbigyulu. Alĩ aako, numpeela ĩne, nulukaani luako alukendegeelaa.

Yohana 17:9

Ĩne nukualompeela ĩa, sika nukuulompeela uunkũmbigyulu, ĩpa aao nalumpĩĩle, kunsooko ingĩ aako.

Yohana 3:35

uTata umuloilue uMuana, nduyo umupĩĩle tũlũ mumukono waakue.

Yohana 4:14

unuasio nukikopa ĩmaazĩ nanĩkakumupeela ĩne, sikukikolua kanoota sunga ĩkalĩ nakalĩ, ĩpa ĩmaazĩ nanĩkakumupeela mikitũla munsĩ yaakue nziĩlio ya maazĩ namakusamambaa sunga kuupanga wa kalĩ nakalĩ.”

Yohana 6:27

Muleke kĩtuma umulĩmo kunsooko ya ndia nyukoononekaa, tazu kunsooko ya ndia nyĩkikyalaa sunga upanga wa kalĩ nakalĩ, uMuana-muntu nukakumupeela; kuitĩ uyu wayu namuĩĩkĩlue ulumenko nuTata Nzua.”

Yohana 6:37

Ensi uTata nukumpeelaa ikiiiza kumuane; nduyo nũjile kumuane sika nĩkakumutaaga kunzi kainiino.

Yohana 6:39

Nuuloa waakue naaluntumile ingĩ ntuu, wensi naalumpĩĩle ndekilimĩĩlia kaumuĩ, ĩpa numũiukie palutondo lwa mpelo.

Alumĩ 6:23

Kuitĩ ĩkĩnamulĩmo kya mulandu ingĩ ukiu; ĩpa uupeegua wa kĩNzua ingĩ upanga wa kalĩ nakalĩ mwa kĩKilisito Yesu Shekulu wĩĩtu.

1 Akolinto 15:25

“Kuitĩ yĩmũjĩpĩĩle muene wateme sunga waaĩĩke ĩalugu tũlũ ensi nsĩlĩlĩ ya mĩgulu yaakue.”

Aepeso 1:20

Naali wĩtumĩĩle mwa kĩKilisito, pĩna alukumũiukia kwipũna muakiu, numuĩĩka pamukono waakue wa kĩgoosia kwigyulu,

Apilipi 2:10

koona kuliina lya kĩYesu lyũũ liensi lĩtũngamigue, ĩaasio naakoolĩ mwigyulu, nĩa muna nsĩĩ, nĩa kuulungu;

1 Timoteo 1:16

kunsooko ĩĩ nankolelua kĩnishungu, koona mumuane nanamuandio, ũYesu Kilisito wigyelelie uugigimĩlia waakue tũlũ, ntũle mpiani kuaasio naikishuĩĩla mumuakue aligie upanga wa kalĩ nakalĩ.

Aebulania 1:2

ĩpa kuntondo izi za mpelo utambuĩle nindiishie kuMuana, naalumuĩĩkile wĩĩ musaali wa intu yensi, kwa kĩuyu nuuumba uunkũmbigyulu.

1 Petelo 3:22

Nunduyo ukoolĩ kumukono wa kĩgoosia nwa kĩNzua, wendile kwigyulu, pĩina ĩamalaĩka nĩnaakola usũũmi, ningũlũ, naakumugombagiaa, aĩĩkilue nsĩlĩlĩ yaakue.

1 Yohana 1:2

Nduo upanga alĩ wigyelile, nindiishie nakuuonekia; nakuukuĩla nukukuutanantia pakatĩ yaani, uupanga waasio wa kalĩ nakalĩ naalĩ wĩĩlĩ kwa kĩTata, nawigyelela kumuĩtu.

1 Yohana 2:25

Nĩndĩĩlĩ lyolĩ lyago naalukulagĩĩle ishie, uupanga wakalĩ nakalĩ.

1 Yohana 5:20

Kumanile ya kĩna uMuana wa kĩNzua waazile nduyo wakupĩĩle uulĩngi, koona kumulĩnge uzo nwa tai, nindiishie kukoolĩ munsĩ yaakue nwa tai, ingĩ munsĩ ya Muana waakue ũYesu Kilisito. Uyu wayu Nzua nwa tai, nuupanga wa kalĩ nakalĩ.

Yuda 1:21

Ĩkendegeelĩ muuloogua wa kĩNzua; ĩmulindĩĩle ĩkĩnishungu kwa kĩShekulu wĩĩtu Yesu Kilisito sunga kuupanga wa kalĩ nakalĩ