Yohana 16:3 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³ Nindiizi ĩkakuzitenda kunsooko sika alĩ amuĩzĩ uTata sunga uneene.

Yohana 16:3 ပူးပေါင်းရင်းမြစ်များ

Luka 10:22

Tũlũ yensi napeegilue nuTata waane; kutilĩ numulĩngile uMuana isiititũla uTata, kangĩ wensi kutilĩ numulĩngile uTata isiititũla uMuana kangĩ wensi uMuana nusiiile kukumukũnukulĩla.

Yohana 15:21

Ĩpa izi tũlũ ĩkakumutendela kunsooko ya liina liane, kuitĩ sika amuĩzĩ naaluntumile.

Yohana 15:23

Nukunsuukĩlaguaa ĩne, ukumusuukĩlaguaa nuTata waane.

Yohana 17:25

Tata mukola kulukuuluu, uunkĩmbigyulu sika ukumanile ue, ĩpa ĩne nukumanile ue, nĩndĩĩa amanile kĩna uue alutumile.

Yohana 17:3

Nuupanga wa kalĩ nakalĩ ingĩ ntuuu, akumane ue nwĩNzua nwing'ene nwa tai, nũYesu Kilisito nalumutumile.

Yohana 8:19

Paapo naamuĩĩla, Ushoo wĩĩlĩĩ mpĩĩ? ũYesu nushookeelia, “Sika mumanile ĩne sunga uTata sika mumumaile. Kanga ĩmumanile ĩne, alĩ mũjile kumumana nuTata waane.”

Yohana 8:55

Niniinie sika mumumanile, ĩpa ĩne numumanile. Kangambũge sika numumanile nikitũla mulongo zĩ uniinie; ĩpa numumanile, nulukaani luakue nulukendegelĩĩle.

Utendi 3:17

Ĩpaino anũna aane, manile ya kĩna alĩ mutendile izi kuusiitimana, kĩna iio ĩakulu aani naalĩ atendile.

1 Akolinto 2:8

ĩAkulu a unkũmbigyulu uu sika amalĩngile sunga nunumuĩ, kuitĩ kanga ĩalĩĩ amalĩngile sika alĩ ijile kumukononteela ũShekulu wa ukulu mumusalaba.

2 Atesaloniki 1:8

kunu ĩukakuakaasia ĩaasio nasika amuĩzĩ uNzua, nĩndĩo nasika azigombile iMpola naNziiza ĩza kĩShekulu wĩĩtu Yesu Kilisito.

1 Timoteo 1:13

ĩne ĩmuandio naalĩ numutukani, mukola kuagia antu, mugaali; ĩpa nankolelua kĩnishungu kunsooko alĩ ntendile yaasio kuusiitimana, numuusiitishuĩĩla.

1 Yohana 2:23

Tũlũ wensi nukumukaana uMuana mugila kaTata; uzo nukumukũmuulaa uMuana, unuasio utĩĩte nuTata gaa.

1 Yohana 3:1

Laaĩ uu uloogua kĩ naalukupĩĩle uTata, sunga kuĩtua aana a kĩNzua; Nindiishie iio kuĩlĩ. Kunsooko ĩĩ uunkũmbigyulu sika ukulĩngile, kunsooko sika umulĩngile uyo.

1 Yohana 4:8

uNuasio nasika utĩĩte uloogua sikumulĩngile uNzua; kunsooko uNzua ĩngĩ uloogua.

1 Yohana 5:20

Kumanile ya kĩna uMuana wa kĩNzua waazile nduyo wakupĩĩle uulĩngi, koona kumulĩnge uzo nwa tai, nindiishie kukoolĩ munsĩ yaakue nwa tai, ingĩ munsĩ ya Muana waakue ũYesu Kilisito. Uyu wayu Nzua nwa tai, nuupanga wa kalĩ nakalĩ.