Yohana 15:8 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁸ Iio uTata waane ukukulagiguaa, pĩna mukupĩaa inkali naningĩ; niniinie mukitũla amanigua aane.

Yohana 15:8 ပူးပေါင်းရင်းမြစ်များ

Matayo 5:16

Iio-iioo uweelu waani weelie ntongela ya antu, aone uutendi waani nauuza, amukulie uTata waani nwa kwigyulu.”

Matayo 5:44

Ĩne gua, namuĩĩla; Alooguĩ ĩalugu aani, alompeelĩ naakumuagagiaa,

Matayo 9:8

ĩMaũmbĩ pĩna namaona naoopoka, naamukulia uNzua naalĩ waapĩĩle ĩantu usũũmi kĩna uu.

Luka 6:35

Ĩpa alooguĩ ĩanaulugu aani, atendelĩ naiiza, nukukualĩĩsia ĩmpaa mulekitũngĩla kakĩntu, nuupeegua waani ukitũla wingĩ, niniinie mukitũla aana aakue Nwa kukiania, kunsooko uyo ingĩ muuza kumuao naagila kausongelio, nĩalaku.

Yohana 13:35

Kuitĩ tũlũ ikilĩnga kĩna inie mwĩamanigua aane, kanga muĩ nuuloogua niinie kuniinie.”

Yohana 15:5

Ĩne neene muzabiibu, inie mwĩntambĩ. Nwikyalile munsĩ yaane nineene munsĩ yaakue, ukupĩĩkagiaa. Kanga ĩsika neene sika mwishũũma kwitenda kalukaani.

Yohana 8:31

ũYesu nuaĩĩla ĩAyahũdi naalĩ amusuĩlĩĩle, “Inie kanga mwikyale mulukaani luane, ĩtai mwĩamanigua aane;

1 Akolinto 10:31

Luulo gua, pĩna mwilĩa katia kwikopa katia kwitenda lukaani luensi, tendĩ tũlũ kuukulu wa kĩNzua.

1 Akolinto 6:20

kuitĩ alĩ muagulue kungele nkakũ. Mumukulie gua uNzua mumiĩlĩ yaani.

Apilipi 1:11

Mũjuligue inkalĩ za kulukuuluu kunzĩla ya kĩYesu Kilisito, kuukulu nulukũmo lwa kiNzua.

Tito 2:10

alekiiia, ĩpa alagĩĩle uusuĩĩli nauza tũlũ, awoogelie uumanigua wa kiNzua mugũni wĩĩtu mumpola tũlũ.

Tito 2:5

nukwitũla akola masala, atũle eelu, nukukuzikendegeela inumba zao, atũle aaza nukukĩniinupia paagoosia aao ĩeene, koona uLukaani lwa kĩNzua lulekitukĩlua.

1 Petelo 2:12

Muĩ nulugendo naluuza pakatĩ ya ndugu nazĩngĩ, itĩ kanga ĩakumutũngia kĩna mukutendaa mabĩĩ, pĩna alaaile uutendi waani nauuza, amukulie uNzua palutondo lwa kuuza kwilĩngulua.

1 Petelo 4:11

Wensi nwitambula, nwalikitie zĩ inkaani za kĩNzua; wensi nawaa kĩtuma, nwĩtumĩle mungũlũ namupeegue nuNzua, koona uNzua wakuligue mumpola tũlũ kunzĩla ya kĩYesu Kilisito. uUkulu nuusũũmi ingĩ kumuakue sunga ĩkalĩ nakalĩ yukutilĩ kampelo. Amini.