Yohana 15:7 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁷ Kanga mwikyale munsĩ yaane ninkaani zaane zikyale munsĩ yaani, lompĩ luensi namusiiile, mukitendelua.

Yohana 15:7 ပူးပေါင်းရင်းမြစ်များ

Matayo 7:7

“Lompĩ gua, mukipeegua; dũũmĩ gua, mukiona, ũgiĩ gua, mukakigyuĩlua.

Yohana 14:13

Luensi namukakululompa muliina liane nĩkakulutenda, uTata wakuligue muMuana.

Yohana 15:16

Inie sika alĩ munsaaguĩle ĩne, ĩpa neene alĩ numusaaguĩle inie, nanumuĩĩka muende mupĩe inkali, ninkali zaani zikyale; koona luensi kanga mumulompe uTata muliina liane wamupeele.

Yohana 16:23

Mulutondo luasio sika mukinkolia kalukaani. Tai-taaii namuĩĩla, luensi kanga mumulompe uTata muliina liane ukakumupeela.

Yohana 8:31

ũYesu nuaĩĩla ĩAyahũdi naalĩ amusuĩlĩĩle, “Inie kanga mwikyale mulukaani luane, ĩtai mwĩamanigua aane;

Yohana 8:37

Maniile kĩna mualĩĩ luuli lwa kĩIbũlahimu, ĩpa mwidũũma kumbulaga kunsooko ulukaani luane lugila kalioma munsĩ yaani.

Agalatia 4:2

ĩpa wĩnsĩlĩlĩ ya alindĩĩli nĩakendegeeli sunga intondo zikondeeleke naalĩ mbĩĩkue nũshee.

Agalatia 5:16

Mbũgile gua, gendelĩ mwa kĩMuau; yaasio sika mukitimĩĩlia kainiino inshula za kĩmuĩlĩ.

Akolosai 3:16

uLukaani lwa kĩKilisito lwikyale kuwingĩ mumiani mumasala tũlũ ĩmukĩmania nukukĩsugula kumalumbĩĩlio nĩmĩmbo nuwĩlumbĩĩlio wa kĩnkoolo, ĩmukumuĩmbĩla uNzua kuukende munkolo zaani.

1 Yohana 2:14

Numuandĩkĩĩle inie atata, kunsooko mumulĩngiile uyo naalukoolĩ kwipũna umuandio. Numuandĩkĩĩle inie asumbatĩ, kunsooko muakamũ, nulukaani lwa kĩNzua lwikyalile munsĩ yaani, kangĩ mumudulile uMubĩĩ.

1 Yohana 2:27

Ĩpa ĩmakũta naalĩ mumaligilie kumuakue makikyalaa munsĩ yaani, niniinie sika musiiile wensi wamumanie; ĩpa gua, kĩna iio ĩmakũta maasio makumumania impola tũlũ zensi, kangĩ maayo tai, sika ulongo, iio-iioo naalĩ mamumanilie inie; kyalĩ munsĩ yaakue.

1 Yohana 3:22

kangĩ luensi nakulompile, kukuluanũnkulaa kumuakue, kunsooko kukendegelĩĩle ĩmalagĩĩlio maakue nukwitenda nazĩmuloelĩĩlie pamiiso maakue.

1 Yohana 5:14

Uu wau uukamatiku nakuutĩĩte kumuakue; ya kĩna kanga kulompe lukaani kwilika lya ulooa waakue, ukukũigia.