Yohana 15:2 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

² uLutambĩ luensi munsĩ yaane nasika lukupĩaa inkali ukululeegagiaa; luensi nalukupĩaa ukulusogolelaa koona lupĩĩkie inkali ningĩ.

Yohana 15:2 ပူးပေါင်းရင်းမြစ်များ

Matayo 13:12

Kuitĩ wensi nutĩĩte ĩkĩntu ukiongeleligua ndee, kangĩ wensi namugila kakĩntu, sunga kĩĩkio nutĩĩte ukinamantulua.

Matayo 13:33

Nuaĩĩla mpiani nĩnzĩa, “uUtemi wa kwigyulu wĩpianile niigaĩ naalũisholile umusungu nũishalĩnkania munungu zitatu za mũyuuuli, sunga umũyuuli wensi naugaasigua.”

Matayo 15:13

Nushookeeliaa, nuũga, “Yensi nayĩliĩĩle nasika ipandĩlue nuTata waane nwa kwigyulu ikikuulua.

Matayo 21:19

Nuuona mukuu umuĩ panzĩla, nuwaagaana, sika nuona kakĩntu muasio ĩpa ĩmalũka udũũ; nuuĩĩla, “Zilekipĩa kankali kangĩ mumuako kainiino!” Ĩkamuĩ umukuu nauuma.

Matayo 25:29

Kuitĩ wensi nutĩĩte ukipeegua nukwiongeelekigua; namugila ukileegeligua, sunga nukĩtĩĩte.

Matayo 3:10

ĩMpoopo yaĩĩkaguaa pamatina mamakota. Luulo gua, ikyota liensi nasika Iyukupĩaa inkali nanziiza Iyukudumulaguaa nukwitaagua mumooto.”

Matayo 3:12

ĩKĩpeetelo kiakue kiĩlĩ mumukono waakue; ukakukĩpiagula sue ĩkĩuga kiakue; ukiĩĩka uupemba waakue mũshagĩ, ĩpa ĩmapuulĩlo ukakumasonsa mumooto nasika ukudibaa.”

Matayo 7:19

iKyota liensi nasika lyukupĩaa ĩnkali nanziiza lyukudumulaguaa nukwitaagua mumooto.

Maliko 4:20

Nindĩĩa naalĩ aminzue pamasalu namaaza, ingĩ naakulũigagiaa ulukaani nukukuluanũnkula, nukwipĩa impeke, umuua makumi matatu, umuua makumi mutandatu, umuua gyana.”

Luka 8:13

Nĩaasio mwipyampa ingĩ aao naakũigagiaa naaluanũnkula ulukaani kuulumbi; nĩndĩo agila kamĩli, naasuĩĩla kwityũngo niino, numwityũngo lya ugemua naĩkamatula.

Yohana 15:1

“Ĩne neene muzabiibu wa tai, nuTata waane ingĩ mulĩmi.

Yohana 15:16

Inie sika alĩ munsaaguĩle ĩne, ĩpa neene alĩ numusaaguĩle inie, nanumuĩĩka muende mupĩe inkali, ninkali zaani zikyale; koona luensi kanga mumulompe uTata muliina liane wamupeele.

Yohana 15:3

Ĩnie ĩpaino mwieelu kunsooko ya lukaani naalĩ numuĩĩlĩĩle.

Yohana 15:6

Wensi kanga wasiite kukikyala munsĩ yaane, ukutaagaguaa kunzi zĩ lutambĩ nukwiuuma; nintambĩ zukuilingĩĩlagua nukwitaagua mumooto, nazishonsua.

Yohana 15:8

Iio uTata waane ukukulagiguaa, pĩna mukupĩaa inkali naningĩ; niniinie mukitũla amanigua aane.

Yohana 17:12

Pĩna alĩ kwĩensi ĩne alĩ nĩakendegelĩĩle muliina liako; aao naalumpĩĩle alĩ nĩalindĩlĩĩle, ukutilĩ nunumuĩ mumuao naalulimĩlĩĩle ĩpa umuana wa ulimĩĩli, uwandĩkua utimĩĩligue.

Alumĩ 11:17

Ĩpa mbaa intambi nazĩngĩ zatemangilue, ninduue muzeituni wa muwĩĩ nusopekelua paluandĩ luao, nutũla mukamantani witina lya muzeituni nuugĩnũ waakue,

Alumĩ 11:22

Laaa gua, uuuza nuutaki wa kĩNzua; kuaasio naalĩ aguile, utaki; ĩpa kumuako uuuza wa kĩNzua; kanga wikyale muuuza waasio; na yaa sika iio, ue ninduue ukitemangua.

Alumĩ 8:28

Kumanile gua kĩna uNzua munkaani zensi ukĩtumaa umulĩmo kuuuza, kuaasio naamuloogilue uNzua, ingĩ aao naĩĩtue kuusiio waakue.

1 Akolinto 13:1

Kanga ndikitie muntambo za antu nĩza amalaĩka, ĩpa ĩnumugila uuloogua, naazaa zĩ nkeng'enge nilĩla nĩnkĩnda nijuama.

Tito 2:14

Uyu wayu nwĩpũnilie umuene kunsooko yĩĩtu, koona wakukomole kwipũna muuleki tũlũ, nukukĩeelelia umuene ĩantu atũle aakue, naatite wikamatĩkia kuutendi na uza.

Aebulania 12:15

Mwĩlaaĩkie sunga kaumuĩ walekiulia uukende wa kĩNzua; itina lya usungu lĩleke kigyelela nukukumuagia, nukunzĩla ĩĩ antu iingĩ adobigue munkolo.

1 Yohana 2:19

Alĩ apũnile mumiĩtu, ĩpa sika alĩ a mumuĩtu. Kuitĩ kanga ĩalĩĩ ijilitũla a mumiĩtu, alĩ ijiliĩĩma palumuĩ nindiishie. Ĩpa gua, alĩ apũnile koona igyelele kĩna sika tũlũ a kumiĩtu.

Ukũnukulua 3:19

Ĩpa nukuanaganĩlaa tũlũ nanĩaloilue, nukukualanga; luulo gua, utũle nukamatĩkũ, upele.