Yohana 15:12 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹² “iLyagĩĩlio liane ntĩĩli, mwiloogue kĩna alĩ numuloilue inie.

Yohana 15:12 ပူးပေါင်းရင်းမြစ်များ

Yohana 13:34

Namupeela lyagĩĩlio nĩpia, mwĩloogue. Kĩnaalĩ numuloilue inie, niniinie mwĩloogue iio-iioo.

Yohana 15:17

Izi nukumulagĩĩlia koona mwĩloogue.”

Alumĩ 12:10

Kuuloogua wa kĩnũna, mwĩloogue niinie kuniinie; kwikyulio, ĩmuatongelĩĩle ĩaani.

Aepeso 5:2

Mugendele muuloogua kĩna uKilisito naalumuloogilue inie, nwĩsuula kunsooko yĩĩtu, wĩĩ pyũnio nipyolia kwa kĩNzua, kwitũla munũnku namuuza.

1 Atesaloniki 3:12

ũShekulu nwamongeelie uuloogua sunga mũjuligue nduo niinie kuniinie nukuantu tũlũ gaa, kĩna iio nindiishie kumuani.

1 Atesaloniki 4:9

Kumpola za wĩloogua wa kĩnũna, sika ijĩpĩĩle numuandĩkĩle, kuitĩ inie uniinie muamanigue nuNzua kukĩloogua niinie kuniinie;

2 Atesaloniki 1:3

Yukũjĩpĩĩle kukumusongelia uNzua intondo tũlũ kunsooko yaani anũna ĩĩtu, kĩna wĩĩlĩ uulagĩĩligua wĩĩtu, kuitĩ uusuĩĩli waani wiongeeleka, nuwĩloogua wa muntu wensi nwa kunsiani kumuua ukijulikia.

1 Petelo 1:22

Pĩna namuzeelia inkolo zaani kukumĩgombia ĩtai, mwĩloogekigue nkankanaa mukĩnũna, ĩkutilĩ kaunamampĩlu; ĩkakiĩ gua kukĩloogua kunkolo nanzelu.

1 Petelo 3:8

uLukaani lwa mpelo ntuulu, muĩ nishĩĩgo lĩmuĩ, mwĩkolelue kĩnishungu nukukĩloogua zĩ anũna, namuakola kĩsuusu nuuniinupia.

1 Petelo 4:8

Kwikĩla tũlũ muĩ nuwĩkakia wingĩ muwĩloogua, kunsooko uuloogua ukukũnĩkĩlaa uwingĩ wa mĩlandu.

1 Yohana 3:23

Ĩlĩ lyolĩ lyagĩĩlio liakue, kusuĩĩle muliina lya Muana waakue ũYesu Kilisito, nukukĩloogua ndiishie kundiishie, kĩna alukulagĩlĩĩlie.

1 Yohana 4:21

iLyagĩĩlio ĩlĩ kuapeegue ninduyo, kĩna unuasio numuloogilue uNzua wamuloogue numunũna waakue gaa.

2 Yohana 1:5

Ĩpaino nukulompile maau, sika kĩna nukuandĩkĩĩle ilyagĩĩlio nĩpia, ĩpa lĩĩlo naalĩ kulĩtĩĩte kwipũna umuandio, kĩna kwĩloogue.