Yohana 14:9 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁹ ũYesu numuĩĩla, “Ĩne nikyalikilie nakwĩensi niniinie, sikunĩngilene Pilipo? Numoonie ĩne wamuoonie nuTata. Wiũgaaii ue, kulagĩĩle uTata.

Yohana 14:9 ပူးပေါင်းရင်းမြစ်များ

Maliko 9:19

Nuashookeelia nuũga, “Kaaa, wĩleli nasika ukusuĩĩlaa! Sunga nzalĩ nĩĩ kumiani? Sunga nzalĩ nĩkakĩuumĩĩlia niniinie? Muleetĩ kumuane.”

Luka 12:56

Inie anamampĩlu, mumanile kwilĩnga uusiu wa nsĩĩ nigyulu; yatũla mbii gua kĩna sika muĩzĩ kwilĩnga ĩmatũngo aya?

Yohana 1:14

NuLukaani nutũla muĩlĩ, nwikyala kumuĩtu, nakuulaaa uukulu waakue, ukulu zĩ wa Muana wing'ene kwa kĩTata, wijuile uukende nĩtai. (

Yohana 10:30

Ĩne nuTata kwĩumuĩ.”

Yohana 12:45

Nundaaile ĩne amulaaile naaluntumile.

Yohana 14:20

Palutondo luasio mukimana uniniie kĩna ĩne moolĩ mwa kĩTata waane, niniinie mumoolĩ mumuane nineene moolĩ mumiani.

Yohana 14:7

Kanga ĩalĩĩ munĩngile ĩne alĩ mũjile kumulĩnga nuTata. Kwipũna ĩpaino mwamulĩngaa, kangĩ mwamuonaa.”

Yohana 8:19

Paapo naamuĩĩla, Ushoo wĩĩlĩĩ mpĩĩ? ũYesu nushookeelia, “Sika mumanile ĩne sunga uTata sika mumumaile. Kanga ĩmumanile ĩne, alĩ mũjile kumumana nuTata waane.”

1 Akolinto 15:12

Ĩpa gua, Malĩĩ uKilisito ĩmutanantigue kunsiani kĩna alĩ muiukigue kwipũna muakiu, nĩkĩ naĩngĩ kunsiani itambula kĩna kutilĩ kawiiuki wa akiu.

Apilipi 2:6

Uyo kũyuukĩ naalĩ utĩĩte ikyelu lya kĩNzua, kangĩ kwitũla lika lĩmuĩ nuNzua sika nualĩĩlia kĩna kĩintu kya kusiitĩĩla

Akolosai 1:15

Nduyo ingĩ mpiani ya kĩNzua nasika ikigyelaa, mulelua wa muandio wa iumbe tũlũ.

Aebulania 1:3

Uzo ingĩ weelu wa ukulu wa kĩNzua. kangĩ kĩna uNzua wĩĩlĩ, iio ninduyo wĩĩlĩ; nuikenka iintu tũlũ yensi kulukaani luakue lwa ngũlũ. Pĩna alutendile uweeligua wamĩilandu, alĩ wikyalansile pamukono wa kĩgoosia nwa ukulu kukiania,

1 Yohana 5:20

Kumanile ya kĩna uMuana wa kĩNzua waazile nduyo wakupĩĩle uulĩngi, koona kumulĩnge uzo nwa tai, nindiishie kukoolĩ munsĩ yaakue nwa tai, ingĩ munsĩ ya Muana waakue ũYesu Kilisito. Uyu wayu Nzua nwa tai, nuupanga wa kalĩ nakalĩ.