Yohana 12:1 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹ Ntondo mutandatu pĩna alĩ ikĩĩlĩ ĩPasaka, ũYesu nuenda kuBetania pĩna alĩ wĩĩlĩ uLazalo naalumũiukilie kwipũna muakiu.

Yohana 12:1 ပူးပေါင်းရင်းမြစ်များ

Matayo 21:17

Nualeka, nupũna mũYelusalemũ, nuenda kuBetania, nugona kuuko.

Maliko 11:11

Nũingila mũYelusalemũ munumba ya kĩNzua; pĩna nulaaanga tũlũ yensi nandĩ zensi, kuitĩ alĩ yaazaa mpĩndĩ nupũna nuenda kuBetania palumuĩ nĩnaikyumi naabĩlĩ.

Luka 24:50

Nuatongeela sunga kuBetania, nunansula ĩmĩkomo yaakue nuakembeta.

Luka 7:37

Laaa, musungu umuĩ wa kaa niasio, naalĩ munamĩlandu, pĩna nuligia impola ya kĩna wikyalansile pandia munumba ya Mupalisayo, nuleeta kasali ka makũta,

Yohana 11:1

Alukoolĩ muluĩle, umuĩ, uLazalo wa kuBetania, kukĩsaalĩ kya kĩMalia nuMalita umunũna waakue.

Yohana 11:43

Pĩna nutambula izi nwĩtunta ululi, “Lazalo pũna, nzuu kunu.”

Yohana 11:44

Nupũna naalukiile, mutũngue ntiila ĩmĩgulu nĩmĩkono, nuusiu waakue utũngue katiila. ũYesu nuaĩĩla, “Mutũngulĩ, mulekĩ walongole.”

Yohana 11:55

nĩPasaka ya Ayahũdi alĩ yĩpiipĩ; iingĩ naanankĩla kwipũna nandĩ zensi kwienda kũYelusalemũ koonna ĩeelie pĩna ĩPasaka alĩ ikaalĩ.

Yohana 12:12

Mudaau yaakue iyũmbĩ kyulu lya antu naalĩ ijile kulutondo lukulu pĩna naiigia kĩna ũYesu wijile kũYelusalemũ,

Yohana 12:20

Alĩ akoolĩ Agiliki muaasio nalĩ anankĩĩle kwienda kukĩtekela kulutondo lukulu.

Yohana 12:9

ĩYũmbĩ kyulu lya Ayahũdi nalĩmana kĩna ukoolĩ kuasio; naaaza, sika kunsooko ya kĩYesu udũũ, ĩpa amuone nuLazalo naalumũiukilie kwipũna muakiu.