Yohana 10:5 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁵ uMugenda sika zukumutiataa, ĩpa zukumutalamaa kunsooko sika zulumanile ululi lwa mugenda.”

Yohana 10:5 ပူးပေါင်းရင်းမြစ်များ

Maliko 4:24

Nuaĩĩla, “Laaĩ namulũigilie; ĩngele namukumĩgemelelaa, ĩĩo mukigemeleligua niniinie, kangi mukiongeeligua.

Luka 8:18

Ĩlaaĩkiĩ gua kĩna mwiiigia; kuitĩ umukola kĩntu ukiongeeligua nunuasio namugila ĩkĩntu, sunga kĩĩkio nusĩĩgile kĩna utĩĩte ukileegeligua.”

Yohana 10:16

Ninkolo nzia nĩzitĩĩte nasika za mumpongolo ĩĩ; nindizo injĩpĩĩle nĩzileete, nululi luane zĩkakulũigia, nalĩkitũla dyale lĩmuĩ numudĩĩmi umuĩ.

Yohana 10:4

Pĩna wazipũnia tũlũ ĩzaakue ukuzitongeelaa, ninkolo zukumutiataa kunsooko zimanile ululi luakue.

2 Timoteo 4:3

Kuitĩ ityũngo likiiza pĩna ikishiita uumanigua wa kapanga, ĩpa kunzĩla ya kutiata inshula zaao ĩeene ĩkakĩligĩlia amania iingĩ, kuitĩ atĩĩte akutuĩ naakĩdũũmĩlia nazĩaloelĩĩlie.

1 Yohana 2:19

Alĩ apũnile mumiĩtu, ĩpa sika alĩ a mumuĩtu. Kuitĩ kanga ĩalĩĩ ijilitũla a mumiĩtu, alĩ ijiliĩĩma palumuĩ nindiishie. Ĩpa gua, alĩ apũnile koona igyelele kĩna sika tũlũ a kumiĩtu.

1 Yohana 2:21

Sika alĩ numuandĩkĩĩle inie kunsooko sika mumanile ĩtai, ĩpa kunsooko mumĩmanile, kangĩ mumanile kĩna ukutilĩ kaulongo wensi naukũpunaa mutai.

Ukũnukulua 2:2

Manile uutendi waako numulĩmo waako namukakũ nuugigimĩlia waako, kĩna sikudũũmile kwikamantana nĩantu nabĩĩ, uagemile ĩaasio naĩkĩĩĩtaa atumua ndĩo sika eene, nuona kĩna alongo;