Yohana 1:4 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴ Mumuakue uupanga alĩ ukoolĩ, nduo upanga alĩ weelu wa antu;

Yohana 1:4 ပူးပေါင်းရင်းမြစ်များ

Matayo 4:16

ĩAntu naalĩ ikyalile mukiti. Aonaa weelu ukulu, Ndĩo naalĩ ikyalile munsĩĩ numumulũle wa ukiu Weelu waamĩlĩkĩlaa.”

Luka 2:32

uweelu wa kuamĩlĩkĩla ĩa ndugu nazĩngĩ, nuukulu kuantu aako ĩa Ĩsilaeli.”

Yohana 11:25

ũYesu numuĩĩla, “Ĩne neene wiiuki nuupanga; nusuĩlĩĩle mumuane, kanga wakie nakĩ, ukipangata.

Yohana 12:35

Iio ũYesu nuaĩĩla, “uWeelu kĩlĩ ukoolĩ kumiani tyũngo; mugende pĩna mutĩĩte uweelu, ĩkiitĩ kĩleke kumuguĩla. Nukugendalaa mukiiti sika wĩĩzĩ kĩna ulunziĩ.

Yohana 12:46

Ĩne nijile nĩĩ weelu muna unkũmbigyulu, koona tũlũ wensi nusũlĩĩle mumuane waleke kikyala mukiiti.

Yohana 14:6

ũYesu numuĩĩla, “Ĩne neene nzĩla nĩtai nuupanga; ukutilĩ nũjile kwa kĩTata isiititũla kunzĩla ya ĩne.

Yohana 3:19

Uu wau ulamuli, ya kĩna uweelu waazile muna unkũmbigyulu nĩantu naakĩloogua ĩkiiti kwikĩla uweelu, kunsooko uutendi waao alĩ ubĩĩ.

Yohana 5:21

Kuitĩ kĩna uTata ukũiukagiaa ĩakiu nukukuapangatia, iio-iioo nuMuana ukuapangatagiaa nualoilue.

Yohana 5:26

Iio gua, kĩna uTata utĩĩte upanga umuene, iio-iioo numupeela uMuana wĩĩ nuupanga umuene.

Yohana 8:12

Paapo kangĩ ũYesu nuaĩĩla nuũga, “Ĩne neene nĩweelu wa unkũmbigyulu; nwa kuntiata ĩne sika ukigendela mukiiti, ĩpa ukaa utĩĩte uweelu wa upanga.”

Yohana 9:5

Pĩna kĩlĩ nkoolĩ muna unkũmbigyulu, ĩne neene weelu wa unkũmbigyulu.”

Utendi 26:23

ya kĩna uKilisito yumũjĩpĩĩle waagigue, kangĩ uzo wĩĩ wa muandio kwiiiuka muakiu, watanantie impola za weelu kuantu aakue nukundugu nazĩngĩ.

1 Akolinto 15:45

Iio yandĩkue, “uMuntu wamuandio, uAdamu, nutũla nĩnkoolo; ya uumĩ.” uAdamu nwamumalĩĩlio nutũla nkolo ya kupangatia.

Aepeso 5:14

Iio gua uũgile, “Laĩla ue nugonile indoolo, Iiuka kwipũna muakiu, NuKilisito ukakukumĩlĩkĩla.”

Akolosai 3:4

uKilisito naupanga wĩĩtu, pĩna ukakigyela, paapo niniinie mukakigyela palumuĩ ninduyo muukulu.

1 Yohana 1:1

Naalĩ lukoolĩ kwipũna umuandio, naalĩ kulũigilie, naalĩ kuluoonie kumiiso mĩĩtu nukukululaaĩkia nukukuluapaatia kumĩkono yĩĩtu, kukulutanantagia luulo uLukaani lwa upanga.

1 Yohana 1:2

Nduo upanga alĩ wigyelile, nindiishie nakuuonekia; nakuukuĩla nukukuutanantia pakatĩ yaani, uupanga waasio wa kalĩ nakalĩ naalĩ wĩĩlĩ kwa kĩTata, nawigyelela kumuĩtu.

1 Yohana 5:11

Ninduu wau ukuĩli, ya kĩna uNzua alukupĩĩle uupanga wa kalĩ nakalĩ; nuupanga uu ukoolĩ muMuana waakue.

Ukũnukulua 22:1

Paapo nundagĩĩla umongo wa mazĩ ma upanga naukumĩlĩmĩntaa zĩ kĩlolelo, upũnile mwityengu lya kĩtemi lya kĩNzua, nĩlya Muana-nkolo,

Ukũnukulua 22:16

“Ĩne neene Yesu namutumaa umalaĩka waane kukumukuĩla inie impola izi mumakanisa. Ĩne neene tina nuwĩleli wa kĩDaudi; ĩnsonda nya daau nyukumĩlĩmĩntaa.”