Yohana 1:18 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁸ Kutilĩ numuoonie uNzua ityũngo liensi; uMuana wing'ene nuĩlĩ mukĩkũa kya kĩTata, muene alumukũnukuĩle.

Yohana 1:18 ပူးပေါင်းရင်းမြစ်များ

Matayo 11:27

“Tũlũ yensi napĩĩlue nuTata waane; kutilĩ numulĩngile uMuana, isiititũla uTata; kangĩ kutilĩ numulĩngile uTata, isiititũla uMuana, nunuasio wensi uMuana nusiiile kukumukũnukũĩla.

Luka 10:22

Tũlũ yensi napeegilue nuTata waane; kutilĩ numulĩngile uMuana isiititũla uTata, kangĩ wensi kutilĩ numulĩngile uTata isiititũla uMuana kangĩ wensi uMuana nusiiile kukumukũnukulĩla.

Yohana 1:14

NuLukaani nutũla muĩlĩ, nwikyala kumuĩtu, nakuulaaa uukulu waakue, ukulu zĩ wa Muana wing'ene kwa kĩTata, wijuile uukende nĩtai. (

Yohana 12:41

uYesaya aluũgile izi pĩna aluoonie uukulu waakue, nutambula impola zaakue.

Yohana 13:23

Alukoolĩ umuĩ wa amanigua aakue naalumuegamĩĩle ũYesu mukĩkũa kiakue, uzo ũYesu naalumuloilue.

Yohana 14:9

ũYesu numuĩĩla, “Ĩne nikyalikilie nakwĩensi niniinie, sikunĩngilene Pilipo? Numoonie ĩne wamuoonie nuTata. Wiũgaaii ue, kulagĩĩle uTata.

Yohana 17:26

Naamanilie ĩliina liako, kangĩ nĩkakuamania; itĩ uuloogua naalundoilue ĩne wĩĩ munsĩ yaao, nineene nĩĩ munsĩ yaao.”

Yohana 17:6

“ĩLiina liako naligyelelagiaa kuantu naalumpĩĩle muna unkũmbigyulu. Alĩ aako, numpeela ĩne, nulukaani luako alukendegeelaa.

Yohana 3:11

Tai-taaii nakuĩĩla, nakulumanile kukulutambulaa; nakuluoonie kukulukuĩlaa, nuukuĩlĩ wĩĩtu sika mugombile.

Yohana 6:46

Ukutilĩ naalumuoomie uTata isiititũla umuene nupũnile kwa kĩNzua, wayu alumuoonie uTata.

2 Akolinto 4:4

Ingĩ mumuao unzua wa unkũmbigyulu uu naalupokũilie ĩmasĩĩgo maao nasika asuĩlĩĩle, alekimĩlĩkĩlua nuweelu wa Mpola na Nziiza za ukulu wa kĩKilisito nampiani ya kĩNzua.

Akolosai 1:15

Nduyo ingĩ mpiani ya kĩNzua nasika ikigyelaa, mulelua wa muandio wa iumbe tũlũ.

1 Timoteo 1:17

KuMuteni wa kalĩ nakalĩ, nasikukuonaa uoononeki, nasika wigyĩĩle, uNzua wing'ene dũũ, kumuakue liĩ kyulio nuukulu ĩkalĩ nakalĩ, kutilĩ kampelo.

1 Timoteo 6:16

Uyo wing'ene udũũ mumuakue kutilĩ kaukiu, nwikyalile muweelu nasika ukusũgamĩĩlaguaa, sunga kutilĩ kaumuĩ naalumuoonie, katia nusũũmile kukumuona. Uyo kumuakue liĩ kyulio nuukulu wa kalĩ nakalĩ. Amini.

1 Yohana 4:12

Ukutilĩ naalumuoonie uNzua kũtyũngo liensi. Kanga kwĩloogue, uNzua ukikyala munsĩ yĩĩtu nuuloogua waakue witimĩĩligua munsĩ yĩĩtu.

1 Yohana 4:20

Wensi kanga waũge; “Namuloogua uNzua,” ninduyo ĩumusuukĩĩlue umunũna waakue, uyu ingĩ mulongo; kuitĩ nasikumuloogilue umunũna waakue numuoonie, sika wishũũma gua, kukumuloogua uNzua nasikumuoonie.

1 Yohana 4:9

uUloogua wa kĩNzua alĩ wigyelĩĩle kunsĩĩtu paapo pĩna alumutumile uMuana waakue nwing'ene muna unkĩmbigyulu kuligie upanga kwa kĩuyu.

1 Yohana 5:20

Kumanile ya kĩna uMuana wa kĩNzua waazile nduyo wakupĩĩle uulĩngi, koona kumulĩnge uzo nwa tai, nindiishie kukoolĩ munsĩ yaakue nwa tai, ingĩ munsĩ ya Muana waakue ũYesu Kilisito. Uyu wayu Nzua nwa tai, nuupanga wa kalĩ nakalĩ.