Yakobo 5:9 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁹ Muleke kĩsũsũmĩla niinie kuniinie anũna aane, mulekilamulua. Laaĩ, uMulamuli wĩĩmĩkile pamĩlango.

Yakobo 5:9 ပူးပေါင်းရင်းမြစ်များ

Matayo 24:33

Iio gua niniinie, pĩna mwaona aya tũlũ mensi mikigyela, kulĩnge kĩna wĩ piipĩ pamĩlango.

Maliko 13:29

Iio gua niniinie pĩna mwaona aya makiigyela, mulĩnge kĩna wĩpiipĩ pamĩlango.

Maliko 6:19

Ĩpa uHelodia nuĩĩka igyũndo kumuakue, nusiia kukumuulaga, sika nusũũma,

1 Akolinto 10:11

Izi tũlũ alĩ aziligilie ĩaasio zĩĩ mpiani, nanandĩkue zukusugule ishie nakwapikĩlĩĩlue nĩmpelo ya unkũmbigyulu.

1 Akolinto 4:5

Iio gua, mulekilamula kalukaani pĩna likaalĩ ityũngo liakue, sunga waaze ũShekulu; nunduyo wijile kuziĩĩka muwelu nazĩpisile muwiilu, nukukumigyelelia ĩmasĩĩgo ma nkolo; paapo muntu wensi wijililigia ulukũmo luakue kwa kĩNzua.

2 Akolinto 9:7

Wensi wapũnie kĩna usĩĩgile munkolo yaakue, sika kuusungu katia kwioonatĩĩligua; kuitĩ uNzua ukumuloogaguaa umukola kupũnia kuulumbi.

Agalatia 5:14

Kuitĩ uUlagĩĩlio tũlũ utimĩĩligue mulukaani lumuĩ, ndulo ntuulu, “Umuloogue umunakaa waako kĩna ĩnkolo yaako.”

Agalatia 5:26

Kuleke kĩkeema nakanda, nukukĩgaalĩla nukukĩlũĩla uwĩĩlũ.

Yakobo 4:11

Muleke kĩteketa anũna aane. Numuteketile umunũna waakue katia kukumulamula umunũna waakue, ukuuteketaa uUlagĩĩlio nukukuulamula uUlagĩĩlio. Ĩpa malĩĩ ukuulamula uUlagĩĩlio, sikukutũlaa mutendi wa Ulagĩĩlio, ĩpa umulamuli.

Yakobo 4:12

uMupũnia Ulagĩĩlio numulamuli ingĩ umuĩ udũũ, nusũũmile kwigũna nukwiulaga. Uue waani nukumulamula umĩaako?

Yakobo 5:10

Anũna aane, impola za anakĩdagu naalĩ atambuĩle muliina lya kĩShekulu, atũle mpiani ya kuagigua ibĩĩ nukwigigimĩlia.

Yakobo 5:7

Luulo gua anũna aane, gigimĩliĩ sunga pĩna ujilishooka ũShekulu. Laaĩ, umulĩmi ulaaaĩlĩĩle uuogoli nauuza wa nsĩĩ, nugigimĩlia kunsooko yaakue sunga pĩna ĩligie ĩmbũla ya muandio nĩnya mpelo.

1 Petelo 4:5

Ndĩo ikipũnia iyalo kumuakue uyo nwĩlĩganĩlĩĩlie kukualamula naapanga nĩnaakiile.

1 Petelo 4:9

Mwĩ ĩsũgamĩĩlia nĩnĩe kuniinie ĩkutilĩ kawĩng'ũng'ũntia;

Ukũnukulua 3:20

Laaa, nĩĩmĩkile pamulango nikinintia; umuntu kanga wiigie ululi luane nukukigyula uluĩgĩ, nikiingĩla kumuakue, nikilĩa palumuĩ ninduyo, ninduyo palumuĩ nineene.