Yakobo 2:5 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁵ Ntegeelĩ, anũna aane aloogua, uNzua sika aluasaaguĩlene ĩatũka a unkũmbigyulu atũle agolĩ muusuĩĩli, kangĩ asaali a utemi naalualagĩĩle ĩaasio naamuloilue?

Yakobo 2:5 ပူးပေါင်းရင်းမြစ်များ

Matayo 11:5

ĩapokũ iona, ĩanaketele igenda, ĩanamatana ieeligua, ĩanakĩlĩmba iiigia, ĩakiu iiiukigua, nĩatũka itanantĩligua iMpola naNziiza.

Matayo 25:34

Paapo umutemi ukakuaĩĩla ĩaasio naĩĩlĩ pamukono waakue wa kĩgoosia, ‘Nzuĩ namwakembetilue nuTata waane, usaalĩ uutemi naalĩ muazĩpĩlĩligue kwipũna pautũndua wa unkũmbigyulu;

Matayo 5:3

“akembetue ĩatũka a nkolo; kuitĩ uutemi wa kwigyulu ingĩ waao.

Maliko 7:14

Pĩna nuliĩta iyũmbĩ nulĩĩĩla, nzigiĩ tũlũ ensi, mulĩnge.

Luka 12:21

Iio wĩĩlĩ umuntu nwĩuutĩĩlie ĩkĩuto umuene, nusiita kĩgolĩpia kwa kĩNzua.”

Luka 12:32

Mulekioopoka inie namwidyale niino, kuitĩ uTata waani waloilue kukumupeela inie uutemi.

Luka 16:22

Numutũka nukia, nusolua nĩamalaĩka kukĩkũa kya kĩIbũlahimu. uMugolĩ nduyo nukia, nuĩĩkua.

Luka 16:25

“uIbũlahimu nuũga, Muana waane, juka ya kĩna ue aluligilie maaza ĩmako muumĩ waako nuLazalo iio nuligia namabĩĩ. Ĩpaino nduyo wipumbuligua kunu, ninduue ualaalĩke.

Luka 22:29

Nineene namuĩĩkĩlia uutemi kĩna iio u Tata waane aalumbĩĩkĩĩlie ĩne,

Luka 6:20

Nunansula ĩmiiso maakue kuamanigua aakue, nuũga “Mualiukũ inie atũka kunsooko uutemi wa kĩNzua ingĩ waani.

Yohana 7:48

Waani gua muakulu katia muApalisayo naasuĩlĩĩle mumuakue?

Utendi 7:2

uSitepano nuũga, “Agoosia anũna aane nĩatata aane, tegeelĩ. uNzua wa ukulu alumwigyelelĩĩle utata wĩĩtu uIbũlahimu pĩna alĩ kĩlĩ wĩĩlĩ kuMesopotamia, pĩna alĩ wikaalĩ kwishaamĩla kuHalani.

Alumĩ 8:17

Malĩĩ kwĩaana gua, kuasaali, asaali a kĩNzua, kangĩ kuasaali palumuĩ nuKilisito, kanga kuagigue palumuĩ ninduyo, koona kukuligue palumuĩ ninduyo.

1 Akolinto 2:9

Ĩpa kĩna yandĩkue, “iIntu ĩliiso nasika alĩ lĩioonie sunga ukutuĩ sika alĩ wiigilie Sunga sika alĩ ingĩĩle munkolo ya muntu, iIntu uNzua naalĩ waazĩpĩlĩĩĩlie naamuloilue,”

2 Akolinto 4:15

Kuitĩ tũlũ ingĩ kunsooko yaani, koona uukende pĩna wiongeeligua kuaasio naiingĩ, ĩmasongelio mĩĩ mingĩ kuukuluu wa kĩNzua.

2 Akolinto 6:10

zĩ akola usungu ĩpa kulumbile intondo tũlũ; zĩ atũka ĩpa kukuagolĩpia iingĩ; zĩ naagila kakĩintu ĩpa tũlũ yensi kutĩĩte.

2 Akolinto 8:9

Kuitĩ mwalĩngile uukende wa kĩShekulu wĩĩtu Yesu Kilisito kanga ĩalĩĩ mugolĩ nakĩĩ, nutũla mutũka kunsooko yaani, koona mugolĩpigue kuutũka waakue.

Aepeso 1:18

Ĩmiiso maani ma nkolo meeligue, koona mumane kĩna wĩĩlĩ uulaaĩĩli wa wĩĩto waakue, sunga mumane kĩna wĩĩlĩ uugolĩ wa usaali waakue naukulu mueelu.

Aepeso 3:8

Ĩne nanumuniino kwikĩla unuasio naalĩ muniino wa eelu tũlũ, alĩ numupeegue uukende uu, kukuatanantĩlia ĩa ndugu nazĩngĩ iMpola na Nziiza za ugolĩ wa kĩKilisito nasika usũũmile kwilĩngĩka;

1 Atesaloniki 2:12

mugendele kĩna ijĩpĩĩle kumiani kwa kĩNzua nukumuĩta mũingĩle muutemi waakue nuukulu waakue.

2 Atesaloniki 1:5

Kĩĩkio kĩlagĩĩlo kya ulamulĩ wa kulukuuluu wa kĩNzua, koona mwijĩpĩligue kwiingĩla uutemi wa kĩNzua nukuwaasio ĩĩo nsooko mwiaagigua.

1 Timoteo 6:18

Atende namaaza, atũle agolĩ kuutendi nauuza, apũnie inshao zaao kuukende, akamantane nĩnaĩngĩ muusilĩlua waao.

2 Timoteo 4:18

ũShekulu ukindeegia kwipũna muubĩĩ wensi nukwingũna kuutemi waakue wa kwigyulu. Kumuakue wĩĩ ukulu ĩkalĩ nakalĩ. Amini.

2 Timoteo 4:8

Naishaagile numuĩĩkĩlĩgue ngala ya kulukuuluu, ĩniasio ũShekulu mulamuli nwa kulukuuluu nukimpeela paLutondo luasio; kangĩ sika uneene dũũ, ĩpa nĩaasio gaa naauloogilue uwigyeleli waakue.

Aebulania 11:26

Nusĩĩga kĩna kwitukĩlua kunsooko ya kĩKilisito ingĩ ugolĩ ukulu kwikĩla imbĩĩka za Mĩsili, kuitĩ nalaaĩkia uupeegua wa pembele.

Yakobo 1:12

Mulyuku umuntu nugigimĩlie muugemua, kunsooko pĩna udulile ukiaanũnkula ĩngala ya upanga, ũShekulu nualagĩĩle naamuloilue.

Yakobo 1:16

Mulekilimĩĩligua anũna aane aloogua.

Yakobo 1:19

Zaasio mumanile anũna aane aloogua. uMuntu wensi watũle mukaaũ wa kũigia, ĩpa sika mukaaũ wa kutambula, sika mukaaũ wa kutaka;

Yakobo 1:9

Ĩpa gua, umunũna namugila kaukulu, nwalumbe kunsooko wakumazukagigwaa nuukulu waakue.

1 Petelo 1:4

Kuligie uUsaali nasika ukoonoonekaa, naugila kibyado, nasika ukutyukaa, naalĩ ukendegeelue kwigyulu kunsooko yaani,

2 Petelo 1:11

Kuitĩ yaasio mukipeegua kwiingĩla nangũlũ muutemi wa kalĩ nakalĩ wa kĩShekulu nuMugũni wĩĩtu Yesu Kilisito.

Ukũnukulua 2:9

Manile injago zaako nuutũka waako, (ĩpa umugolĩ) manile niituki yaao naĩkĩtambula kĩna ingĩ Ayahũdi, ndĩo sika eene, ĩpa ingĩ shũnagogi lya kĩShetani.

Ukũnukulua 21:7

Nudulile ukakumasaala aya, nineene nikitũla Nzua waakue, ninduyo ukitũla muana waane.

Ukũnukulua 3:18

Nakupeela ĩkialo, ugule kumuane ĩzahabũ naalĩ nkulusue kumooto, koona wĩĩmugolĩ; nĩmajialo nameelu, koona umajiale, inshooni za kĩpuĩ kiako zileke kigyelela; numukota wa kĩpaka ĩmiiso maako koona uone.