Utendi 5:5 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁵ uAnania pĩna nwigyũlia inkaani izi, nugua, nutiĩka ĩnkolo. Tũlũ naalĩ igyũlie izi naingĩĩlua nuooa wingĩ.

Utendi 5:5 ပူးပေါင်းရင်းမြစ်များ

Utendi 13:11

Laaa gua, umukono wa kĩShekulu wĩĩlĩ kumuako, nunduue ukipokũla, sika ukakĩmĩona ĩmpasu kwityũngo. ĩkamuĩ lunguĩ nuwiilu naumuagaana, nwiaapaatia-aapaatia nukukumudũũma umuntu wa kumuamba umukono wamutongeele.”

Utendi 2:43

Muntu wensi nũingĩĩlua nuooa; makula mingĩ niilĩngasĩĩlio naitendua nĩatumua.

Utendi 5:13

Muĩĩa naĩngĩ, ukutilĩ nunumuĩ naalugimilie kwikamantana nĩndĩo, ĩpa ĩantu alĩ aakulilie.

1 Akolinto 4:21

Musiiile yaani? Nĩĩze kunsiani nĩnkomene katia muulogua nĩnkolo ya upolo?

2 Akolinto 13:10

Yoĩ nsooko niandĩka izi pĩna nukutilĩ, koona pĩna naaza, ndekitumĩla uutaki kwilika lya usũũmi naalĩ numupeegue nũShekulu, nduyo wa kuzenga, sika wa kutaula.

2 Akolinto 13:2

Nakondile kukumuĩĩla ĩkalĩ pĩna alĩ nkoolĩ kumuani ĩnkua ya kabĩlĩ, nĩkangĩ nitambula nunzuauu gaa pĩna nukutilĩ kumuani, naalĩ atimuĩle ĩkalĩ nĩnaĩngĩ tũlũ, ĩpaasio pĩna nikiiiza kangĩ sika nĩkakuaonela kakĩsaa;

2 Akolinto 7:11

Kuitĩ laaĩ usungu uu munzĩla ya kĩNzua, ya kĩna ukuleetaa ukamatĩkũ kĩ munsĩ yaani, nuwĩkuĩli, nuusuukua, nuooa, nukũshũũmua ninshula nanziiza, nuukamũ, nuukaasigua. Muzaasio tũlũ zensi alĩ mwĩkamĩnkĩlĩĩlie inie uniinie, kĩna muagila kautimu mulukaani luasio.

Ukũnukulua 11:13

Numwityũngo liasio alĩ mumanga mukulu, nityũmpĩ likyumi lya kaa nalĩgua; ĩantu magana ma nzogũ mupũngatĩ naaulagua numumanga waasio, nĩnaalĩ asaagile naiingĩĩlua nuooa ukulu, naamukulia uNzua nwa mwigyulu.

Ukũnukulua 11:5

Numuntu kanga wasiie kukuaalaalia, mooto ukupũnaa mumĩlomo yaao nukukualĩa sue ĩalugu aao; numuntu kanga wasiie kukuaalaalia, iio-iioo yukumũjĩpĩlaa kwiulagua.