Utendi 4:12 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹² Kangĩ kutilĩ kaugũnua kunuĩngĩ kaumuĩ, kuitĩ kutilĩ kaliina naliĩngĩ nsĩlĩlĩ igyulu naalĩ apeegue ĩantu nalyukũjipĩĩle ishie kwigũnua nĩndĩlo.”

Utendi 4:12 ပူးပေါင်းရင်းမြစ်များ

Matayo 1:21

Ukakĩtũnguĩla muana, ukakumuĩta ĩliina liakue Yesu, kuitĩ uyo muene ukakuagũna ĩantu kwipũna mumilandu yaao.”

Luka 24:47

Kangĩ ya kĩna indugu tũlũ zensi zikitanantĩligua kuliina liakue impola za upelli nuuleegeligua wa mĩlandu, kwiandĩĩlia kũYelusalemũ.

Yohana 14:6

ũYesu numuĩĩla, “Ĩne neene nzĩla nĩtai nuupanga; ukutilĩ nũjile kwa kĩTata isiititũla kunzĩla ya ĩne.

Yohana 3:36

Nusuĩlĩĩle mwa kĩMuana utĩĩte uupanga wa kalĩ nakalĩ; nasikumusuĩlĩĩle uMuana sikukiona uupanga, ĩpa uutaki wa kĩNzua ukuĩmaa mumuakue.

Utendi 13:26

“Agoosia anũna aane, aana a luuli lwa kĩIbũlahimu, niniinie pakatĩ yaani namumoopokile uNzua, ulukaani ulu lwa ugũnua lwaleetaguaa kumiĩtu.

Utendi 2:5

Alĩ akoolĩ kũYelusalemũ Ayahũdi naikyalile, antu akulia-Nzua a ndugu zensi nsĩlĩlĩ igyulu.

1 Akolinto 3:11

Kuitĩ umukũlĩla nuĩngĩ kutilĩ nusũũmile kukuuĩĩka, isiititũla uo nawakondile kwiĩĩkua, ingĩ ũYesu Kilisito.

Akolosai 1:23

Kanga mwikyale muusuĩlĩ, muzengue mumukũlĩla wa ngũlũ mulekileegeligua paulaaĩĩli wa Mpola na Nziiza naalĩ mũigilie, naalĩ ntanantigue kuiumbe tũlũ nayĩĩlĩ nsĩlĩlĩ igyulu Nineene Paulo nantũla mwĩtumi waakue.

Aebulania 12:25

Mwĩkendegeele muleke kumusiita uzo nukutambulaa. Kuitĩ iaasio naalĩ amusiitile uyo naalĩ waasuguĩle muna nsĩĩ, sika naasũũma kwitalama, nangũlũ gua ishie sika kukishũũma kwitalama kanga kumusiite uyo nukukusugulaa kwipũna kwigyulu.

Aebulania 2:3

aishie gua, kukitalama mbii kanga kulekikeela uugũnua naukulu kĩna uu? Naalĩ utambulue kumuandio nũShekulu, pembele naukamĩnkĩĩligua kumiĩtu kunzĩla ya aasio naalĩ iigilie;

Ukũnukulua 20:15

kanga wensi wasiite kigyela muandĩkua mukĩtabũ kya upanga, nutaagua munanza ya mooto.