Utendi 26:16 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁶ Ĩpa uuka, wĩĩmĩke kumĩgulu yaako, kuitĩ nukũgyelelĩĩle kunsooko yoĩ, nukuĩĩke wĩĩ mwĩtumi numukuĩli kumpola naazumoonie ĩne, sunga kumpola ziizo nanĩkakigyelelia kumuako.

Utendi 26:16 ပူးပေါင်းရင်းမြစ်များ

1 Timoteo 1:12

Nineene namusongelia uKilisito Yesu Shekulu wĩĩtu naalumpĩĩle ingũlũ, kunsooko alumoonie kĩna numusuĩĩli, numbĩĩka muwĩtumi waakue;

Agalatia 1:12

Kuitĩ sika alĩ nĩzaanũnkuĩle kumuntu sunga sika alĩ numumanigue zaasio, ĩpa alĩ zijile kuukũnukuĩlua nũYesu Kilisito.

Alumĩ 15:16

ntũle mwĩtumi wa kĩYesu Kilisito pakatĩ ya ndugu nazĩngĩ, mumulĩmo namuelu kukuatanantĩlia iMpola na Nziiza za kĩNzua, koona indugu nazĩngĩ zitũle sadaka nankola ugombigua pĩna nzeligue nuMuau Muelu.

Akolosai 1:25

Iio nantũla mwĩtumi waakue kwilika lya ukendegeeli wa kĩNzua naalĩ numupeegue kunsooko yaani, nulutimĩĩlie ulukani lwa kĩNzua.

Akolosai 1:23

Kanga mwikyale muusuĩlĩ, muzengue mumukũlĩla wa ngũlũ mulekileegeligua paulaaĩĩli wa Mpola na Nziiza naalĩ mũigilie, naalĩ ntanantigue kuiumbe tũlũ nayĩĩlĩ nsĩlĩlĩ igyulu Nineene Paulo nantũla mwĩtumi waakue.

Agalatia 2:2

Nineene nanongola kunzĩla ya kukũnukuĩlua; nanĩalondoselia ĩasio ĩngene naatĩĩte ulukũmo, Impola na Nziza nanikuzitanantagiaa pakatĩ ya ndugu nazĩngĩ, ugendi waane ulekitũla nakanda, katia alĩ nge'ndile nakanda.

Utendi 23:11

uUtiku waasio ũShekulu nuĩmĩka piipĩ ninduyo nuũga, “Kamia nkolo Paulo, kuitĩ kĩna iio naalunkuĩlĩĩle mumpola zaane kũYelusalemũ, iio-iioo yukũjĩpĩĩle unkuĩle sunga kuLumĩ.”

2 Timoteo 4:5

Ue gua, sukuka munkaani zensi, gigimĩlia injago, ĩtume mulĩmo wa mutamantia, kondeelia uwĩtumi waako.

1 Timoteo 4:6

Ijukĩlie ĩanũna impola izi, nunduue ukitũla mwĩtumi namuuza nwa kĩKilisito Yesu, nukukĩlĩĩsia nukulukaani lwa usuĩĩli nuumanigua nauuza nuutiatile kĩĩsa.

1 Atesaloniki 3:2

Nakumutuma ũTimoteo umunũna wĩĩtu, mwĩtumi wa kĩNzua, munamulĩmo palumuĩ nindiishie muMpola naNziiza za kĩKilisito, wamukamĩnkĩĩlie inie muusuĩĩli waani nukukumukamia inkolo.

Akolosai 1:7

Kĩna iio alĩ muamanigue nuEpafula mwĩtumi muloogua palumuĩ nindiishie. ĩngĩ mwĩtumĩkĩli musuĩĩli wa kĩKilisito kunsooko yaani;

2 Akolinto 5:18

Ndio tũlũ ipũnile kwa kĩNzua, muene alukukamantĩĩnie ishie ninduzo muene kwa kĩKilisito, nukukukupeela ishie uwĩtumi wa ukamantani;

2 Akolinto 4:1

Iio kunsooko kuapeegue uwĩtumi uu kĩna kuakolelue kĩnishungu, sika kwitia kansula.

Alumĩ 1:5

Numumuakue umuene nakuanũnkula uukende nuutumua, koona kuzimanie indugu tũlũ zensi uugombigua wa usuĩĩli kunsooko ya liina liakue.

Utendi 22:10

Nambũga ntende yaani shekulu ũShekulu numbuĩla ĩĩmĩka wende kuDamesko; kuasio ukiĩĩlua impola tũlũ nandagiĩĩligue uzitende.

Utendi 21:19

Pĩna nakuaũgia, uPaulo nulondoosia impola zensi, lumuĩ lumuĩ, uNzua naalutendile pakatĩ ya ndugu nazĩngĩ kunzĩla ya wĩtumi waakue.

Utendi 20:24

ĩpa sika nsĩĩgile kĩna uumĩ waane ingĩ kĩntu kya nsaĩlo kumuane; lukoolĩ lukaani lumuĩ udũũ, malĩĩlie ulugendo luane, nuwĩtumi naalĩ nuwaanũnkuĩle kwa kĩShekulu Yesu, kukuzikuĩla iMpola na Nziiza za ukende wa kĩNzua.

Utendi 6:4

Ishie gua kukakĩkamatĩkia muulompi nukukulutanantia uLukaani.”

Utendi 1:25

walĩsole ĩlioma lya wĩtumi uu nuutumua uu nwaulekile ũYuda, wende kuluandĩ luakue umuene.”

Utendi 1:17

Kuitĩ alĩ mukamantanigue palumuĩ nindiishie, nuligia ityũmpĩ lya wĩtumi uu.

Luka 1:2

kĩna alĩ akuganulĩĩle kwipũna umuandio, ĩaasio naalĩ akuĩli aakola kuziona nĩĩtumi a Lukaani,

Utendi 26:15

Nineene nambũga, “Uue waani Shekulu.” ũShekulu nuũga, “Ĩne neene Yesu, nwinjagia ue.”

Aepeso 3:3

ya kĩna kuukũnukuĩlua namanigua uunkũnkũ, kĩna alĩ numuandĩkĩĩle inie kunkaani nkeei.