Utendi 22:1 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹ “Agoosia anũna aane nĩatata aane, nzigiĩ inkaani zaane za ukuĩli ntongela yaani ĩpaino.”

Utendi 22:1 ပူးပေါင်းရင်းမြစ်များ

Luka 12:11

Pĩna ĩkakumutuala inie kuntongela ya masũnagogi nukuatemi nukuakulu, muleke kĩkunkunalia kwishĩĩga inkaani zaani namukakuashookeelia, katia kwitambula;

Luka 21:14

Ĩpa gua, mukamie inkolo zaani, mulekipinda-pinda tangua kĩna mukishookeelia,

Utendi 13:26

“Agoosia anũna aane, aana a luuli lwa kĩIbũlahimu, niniinie pakatĩ yaani namumoopokile uNzua, ulukaani ulu lwa ugũnua lwaleetaguaa kumiĩtu.

Utendi 19:33

Naamupũnia uAlekizando, ĩAyahũdi naamuĩĩka ntongela ya antu. uAlekizando nwĩangaazĩlia umukono, nuusiia wĩnene ntongela ya antu.

Utendi 23:1

uPaulo nuatuupĩĩla ĩakulu ilindĩ, nuũga; “Agoosia anũna aane, ine kumoo namuelu nikyalile ntongela ya kĩNzua sunga nantende.”

Utendi 23:6

uPaulo pĩna nulĩnga kĩna ĩĩĩa Asadukayo ĩĩĩa Apalisayo, nwĩtunta ululi luakue ntongela ya akulu ilindĩ, “Agoosia anũna aane, ĩne neene Mupalisayo, muana wa Mupalisayo ĩne nilamulua mumpola za ulaaĩĩli nuwiiuki wa akiu.”

Utendi 24:10

ũJũmbe pĩna numuangaazĩlia umukono watambule, uPaulo nushookeelia, “Manile kĩna ue waalĩĩ mulamuli wa ndugu ĩĩmiaka mingĩ, nitambula mumpola zaane kuulumbi.

Utendi 25:16

Nanĩashookeelia kĩna sika ntendo ya kĩLumĩ kukumupũnia wensi naalĩ musokigue pĩna wikĩĩlĩ kalaagaanua nĩasokia usiu kuusiu, waligie ĩlioma lya kĩtambuĩla mumpola za usokia kumuakue.

Utendi 25:8

uPaulo nutambula, nuũga, “Ĩne sika ntimuĩle kalukaani kuUlagĩĩlio wa Ayahũdi sunga ku Numba ya kĩNzua, sunga kwa kĩKaisali.”

Utendi 26:24

Pĩna nutambula itĩ, uPesito nwĩtunta nuũga, “Paulo wasailile ue, uumani waako naukulu wakusalilie.”

Utendi 28:17

Pĩna nazikĩla ntondo zitatu, nuĩĩta ĩakulu a Ayahũdi ĩlundĩĩle. Pĩna naĩlunda, nuaĩĩla, “Agoosia anũna aane, kanga ĩsika alĩ nĩatimulĩĩle ĩantu ĩĩtu sunga intendo za atata ĩĩtu noo, nambĩĩkĩlua mumĩkono ya Alumĩ, nantũngua kwipũna kũYelusalemũ.

Utendi 7:2

uSitepano nuũga, “Agoosia anũna aane nĩatata aane, tegeelĩ. uNzua wa ukulu alumwigyelelĩĩle utata wĩĩtu uIbũlahimu pĩna alĩ kĩlĩ wĩĩlĩ kuMesopotamia, pĩna alĩ wikaalĩ kwishaamĩla kuHalani.

Alumĩ 2:15

Ĩo akulagĩĩlaa umulĩmo wa Ulagĩĩlio nawandĩkue munkolo zaao, numoo wao gaa ukuĩlĩĩle mumasĩĩgo maao ĩmeene kumeene makĩsokia katia makĩgidĩla,

1 Akolinto 9:3

iShookeelio liane kuaasio nainkolekeelia ntĩĩlĩ.

2 Akolinto 12:19

Kangĩ musĩĩgilene kĩna kukĩgidĩĩla kumiani? Ntongela ya kĩNzua kwitambula mwa kĩKilisito, nĩzaasio tũlũ aloogua, koona muzengue inie.

2 Akolinto 7:11

Kuitĩ laaĩ usungu uu munzĩla ya kĩNzua, ya kĩna ukuleetaa ukamatĩkũ kĩ munsĩ yaani, nuwĩkuĩli, nuusuukua, nuooa, nukũshũũmua ninshula nanziiza, nuukamũ, nuukaasigua. Muzaasio tũlũ zensi alĩ mwĩkamĩnkĩlĩĩlie inie uniinie, kĩna muagila kautimu mulukaani luasio.

Apilipi 1:17

ĩAasio naingĩ akumutanantia uKiliisto kuumankinĩla, sika kunkolo nanzelu, naasĩĩgile kwiongeelia injago za utũngua waane.

Apilipi 1:7

Itĩ yoi injĩpĩĩle kukumusĩĩgĩla inie tũlũ; kunsooko inie mukoolĩ munkolo yaane, mwĩakamantani palumuĩ nineene muukende, muutũngua waane, sunga pĩna nukuzikuĩla Mpola na Nziiza nukukuzikamĩnkĩĩlia.

2 Timoteo 4:16

Pĩna alĩ nĩkĩkuĩla nkua ya muandio, ukutilĩ naalĩ wĩĩmĩkile paluandĩ luane, ĩpa tũlũ ensi naandeka; alekikosigua kuutimu uu.

1 Petelo 3:15

ĩpa mueliĩ uKilisito Shekulu munkolo zaani. Mwĩzĩpĩĩlie upiupii kukumushookeelia kuupolo nuooa wensi numukolilie impola za ulaaĩĩli nawĩĩlĩ munsĩ yaani.