Utendi 21:3 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³ Pĩna nakuona ĩKiipulo nakumĩleka luandĩ lwa nkĩgĩ, nakulĩgendia ipyango sunga kũShamũ, nakupika kuTilo, kuitĩ kuasio ipyango alĩ liiikia ĩmĩligo yaakue.

Utendi 21:3 ပူးပေါင်းရင်းမြစ်များ

Matayo 11:21

“Ukĩa kumuako Kolazini! ukĩa kumuako Betisaida! Kuitĩ kanga ĩmakula naalĩ matendekile kumiani kanga ĩalĩ matendekile kuTilo nĩSidoni, alĩ ijilee apelile kalĩ, ĩĩkĩtũnga imbuela nukukĩsemuĩla ĩmaũ.

Matayo 4:24

Nulukũmo luakue nalukũmuuka mũSilia yensi, naamuleetela tũlũ naalĩ alemekigue nuuluĩle ninjago ningĩ, ĩanalĩsĩĩmuĩ, ĩaguankolo niakiigyandi, nuakamia.

Luka 10:13

“Ukĩa kumuako Kolazini, ukĩa kumuako Betisaida! Kuitĩ kanga ĩmakula naalĩ matendekile kumiani kanga ĩalĩ matendekile kuTilo nĩSidoni, alĩ ijilee apelille kalĩ, ĩkikyalansa kunu ĩĩkĩtũnga imbuela nukukĩsemuĩla ĩmaũ.

Luka 2:2

uWandĩkuua uu wau wa muandio pĩna uKilenio alutemile mũSilia.

Utendi 11:19

ĩAasio gua, naalĩ asapatĩĩle kunsooko ya luago naalĩ lũgyeliile kumpola za kĩSitepuano, naenda sunga kuPoiniki nĩKiipulo nĩ Antiokia, sika naatanantia ulukaani isiititũla kuAyahũdi udũũ.

Utendi 12:20

nuHelode alĩ waatakĩlĩĩle dũũ ĩantu a Tilo nĩSidoni; ndĩo pĩna naakondia kukĩpaa ĩmbua nuBalasito, mukendegeeli wa migyuĩlo ma mutemi, naamuendeela kwishĩĩgo lĩmuĩ, naidũũma ĩmatiliga, kunsooko ĩnsĩĩ yaao alĩ yukuligagiaa india kwipũna kunsĩĩ ya mutemi.

Utendi 13:4

Pĩna ĩaasio naatualua nuMuau Muelu, naenda kuSeleukia nukwipũna kuasio naatũnga umusĩnzo munanza sunga kuKiipulo.

Utendi 15:23

Naandĩka mbalua, amĩtuale kumĩkono yaao, itĩ, “Ishie anũna aani, atumua nĩanampala, kuanũna ĩĩtu naapũnile mundugu nazĩngĩ naĩĩlĩ kuAntiokia nukũShamũ nĩKilikia, kumulamukilie.

Utendi 15:39

Luulo gua, nauuuka wĩkungumi sunga naalekanuka. uBalinaba numusola uMaliko nupũũta ĩnanza nuenda kuKiipulo.

Utendi 15:41

Nukĩlĩla pakatĩ ya Shamũ nĩKilikia, nukukumakamĩnkĩĩlia ĩmakanisa.

Utendi 18:18

uPaulo nuĩmĩkia kuasio ntondo ningĩ, pembele naĩlaga nĩanũna, nupũũta ĩnanza wende kũSiria; uPilisila nuAkila naendania palumuĩ ninduyo. PaKenkelea numua ityũe liakue kunsooko aluĩkile ĩlyago.

Utendi 21:16

ĩĨĩa a amanigua a kuKaisalia nakwĩtiata niindidishie, naakutuala kunumba ya kĩMunasoni nwa kuKiipulo, mumanigua wa kalĩ, kwikyale kumuakue.

Utendi 21:2

Pĩna nakuona ipyango lya kukupũũtia ĩnanza sunga kuPoiniki nakunankĩla nakuandia umusĩnzo munanza.

Utendi 21:7

Pĩna nakukondia umusĩnzo munanza kwipũna kuTilo, nakupika kuTolemai; nakuaũgia ĩanũna nakuĩma kumiao lutondo lumuĩ.

Utendi 27:4

Kwipũna kuasio nakugendia ipyango, nakukĩlĩla nsĩlĩlĩ ya Kiipulo kwĩkĩĩkame nĩnzega kunsooko alĩ ipũna kuntongela.

Utendi 4:36

Alukoolĩ Mulawi mukolakaa wa Kiipulo ĩliina liakue Yosepũ naalukuĩtaguaa nĩatumua Balinaba, ĩndogolelio yaakue muana wipyumbulio.