Utendi 2:4 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴ Tũlũ naijulua nuMuau Muelu, naandia kwitambula kuntambo nazĩngĩ kĩna uMuau alĩ waatongelĩĩle kwilikitia.

Utendi 2:4 ပူးပေါင်းရင်းမြစ်များ

Matayo 10:19

Ĩpa pĩna ĩkakumutuala, mulekipinda-pinda mutambule yaani, kunsooko lĩĩlo tyũngo mukipeegua namukakuzitambula.

Maliko 16:17

Niilĩngasĩĩlio ii yĩkakĩtiata nĩaasio naasũĩlĩĩle, kuliina liane ikiĩnga ĩmasĩĩmuĩ; ikitambula ntambo mpia

Luka 1:15

Kunsooko uzo ukitũla mukulu ntongela ya kĩShekulu, sikukikopa umubinio katia kĩgaalio Ukakijulua nuMuau Muelu, Sunga kwipũna mundaa ya kĩnina.

Luka 1:41

uElizabeti pĩna nũigia ĩMĩlamu ya kĩMalia, ĩkaana nakapũũta mundaa yaakue, uElizabeti nwijulua nuMuau Muelu,

Luka 1:67

uZakalia ũshee, nũjulua nuMuau Muelu, nupũnia uunakĩdagu, nuũga,

Luka 12:12

kuitĩ uMuau ũMuelu ukakumumania pityũngo lĩĩlo nazĩmũjĩpĩĩle kwitambula.”

Luka 21:15

Kunsooko ĩne nĩkakumupeela ĩmĩlomo nĩmasala, ĩalugu aani nasika ikishũũma kukumadula nukukumupĩnga-pĩnga.

Luka 4:1

ũYesu nwijuile uMuau Muelu, nushooka kwipũna kũYolidani, nutualua numuau kumbuga

Yohana 14:26

Ĩpa uMualĩĩlia, uMuau Muelu, uTata nukakumutuma muliina liane, unuasio ukakumumania tũlũ zensi nukukumũjukĩlia tũlũ zensi naalĩ numuĩĩlĩĩle.

Yohana 20:22

Pĩna nutambula izi, nuasũũpĩla, nuaĩĩla, “Aanũnkulĩ uMuau Muelu.

Utendi 1:5

ya kĩna uYohana alukubadĩĩzagiaa kumazĩ, ĩpa inie mukibadĩĩzigua kuMuau Muelu muntondo zoziizi.

Utendi 1:8

Ĩpa mukiaanũnkula ingũlũ pĩna uMuau Muelu wamuuzĩĩla; niniinie mukitũla akuĩli aane mũYelusalemũ numuUyahũdi wensi numuSamalia, sunga kumpelo ya nsĩĩ.”

Utendi 10:46

Kuitĩ naigyũlia aitambula kutambo sia-sia nukukumukũmazukia uNzua. Paapo uPetelo nushookeelia nuũga,

Utendi 10:47

“Waani nusũũmile kwigilia ĩmaazĩ, ĩa alekibadĩĩigua naaza aanũnkulaa uMuau Muelu zĩ undiishie.”

Utendi 11:15

Pĩna alĩ nandiilie kwitambula, uMuau Muelu nuatimĩĩla kĩna yoi naalukutimĩlĩĩle ishie pamuandio.

Utendi 11:24

kunsooko alĩ muntu muuza nalĩ mũjulue nuMuau Muelu nuusuĩĩli. Iyũmbĩ kyulu naliongeeleka kwa kĩShekulu.

Utendi 13:52

ĩAmanigua naijulua nuulumbi nuMuau Muelu.

Utendi 13:9

Ĩpa uSauli, namuene Paulo, namũjulue nuMuau muelu, numutuupĩĩla,

Utendi 15:8

uNzua numanile inkolo, nuakuĩla nuapeela uMuau Muelu kĩna yoi naalukupĩĩle nindiishie,

Utendi 19:6

pĩna uPaulo nuaĩĩkĩla ĩmĩkono yaakue mumiao, uMuau Muelu nwĩĩza mumiao, naiitambula kuntambo ng'enda nukwipũnia unakĩdagu.

Utendi 2:11

ĩAkelete nĩAlabu; kukiigyũlia ĩa itambula kuntambo zĩĩtu uutendi naukulu wa kĩNzua!”

Utendi 2:3

Naziigyeleela nĩmĩ naalĩ zĩtemanukile zĩ nĩmĩ za mooto naalĩ zĩĩmile mumuntu wensi.

Utendi 4:31

Pĩna naakondia kwilompa, umuasio muna alĩ ĩlundĩlĩĩle naishũngũsigua, tũlũ naijulua nuMuau Muelu, naatambula ulukaani lwa kĩNzua kuukamatĩkũ.”

Utendi 4:8

Paapo uPetelo namũjulue nuMuau Muelu nuaĩĩla, “Inie akulu a antu nianampala a aĨsilaeli,

Utendi 6:3

Luulo gua anũna ĩĩtu, muasaagule antu mupũngatĩ pakatĩ yaani, ĩa lukũmo naluuza, naijulue nuMuau nĩmasala, kuaĩĩke mumulĩmo uu.

Utendi 6:5

uLukaani ulu nalualoeelia ĩanamulundo, naamusaagula uSitepano, muntu naalĩ wijuile uusuĩĩli nuMuau Muelu, nuPilipo, nuPolokolo, nuNikanoli, nuTimoni, nuPalimena, nuNikolao naalĩ mutiati wa wĩtekeli wa kĩYahũdi, nupũnile kuAntiokia.

Utendi 6:8

NuSitefano namwijulue nuukende ningũlũ, alukutendaa ĩmakula namakulu niilĩngasĩĩlio pakatĩ ya antu.

Utendi 7:55

ĩpa uyo numũjulue nuMuau Muelu nulangamĩla kwigyulu, nuuona ukulu wa kĩNzua, nũYesu wĩĩmĩkile pamukono wa kĩgoosia wa kĩNzua.

Utendi 8:17

Paapo naaĩkĩla ĩmĩkono yaao mumiao, ndĩo naamuanũnkula uMuau Muelu.

Utendi 9:17

uAnania nuenda nũingĩla munumba; numuĩĩkĩla ĩmĩkono, nuũga, “Munũna waane Sauli, Shekulu Yesu untumile, naazukũgyelelĩĩle kumuako munzĩla naazũjilĩlĩĩle, koona uone kangĩ, kangĩ wijulue nuMuau Muelu.”

Alumĩ 15:13

uNzua wa ulaaĩĩli waani wamũjulie inie uulumbi wensi nĩmaatiliga uulaaĩĩli waani wongeeligue kungũlũ za kĩMuau mũelu.

1 Akolinto 12:10

uumua kwitenda makula; umuua unakĩdagu; umuua kwilekanula ya nkolo; umuua muntaambo nang'enda; umuua kwilondoosia intambo.

1 Akolinto 13:1

Kanga ndikitie muntambo za antu nĩza amalaĩka, ĩpa ĩnumugila uuloogua, naazaa zĩ nkeng'enge nilĩla nĩnkĩnda nijuama.

1 Akolinto 13:8

uUloogua ugila kampelo; kanga wĩĩ ukoolĩ unakĩdagu wijilitũla nakanda; kanga zĩĩ zikoolĩ mtambo zijiliula; kanga wĩĩ ukoolĩ umuĩ wijilitũla nakanda.

1 Akolinto 14:18

Numusongĩĩlie uNzua ya kĩna nukulikitagiaa kuntambo nang'enda kwikĩla inie tũlũ,

1 Akolinto 14:5

Niineene nsiiile mupũnie tũlũ mutambule kuntambo nange'enda, ĩpa nwipũnia uunakĩdagu ingĩ mukulu kwikĩla uyo nwilikitia kuntambo nang'enda, isiititũla ĩwilondoosia, koona ikyanisa lĩkamĩnkĩĩligue.

Aepeso 3:19

Sunga mumane uuloogua wa kĩKilisito naukĩlile ulĩngi kunsooko ya wingĩ waakue, koona mũjulue nuwijuli wensi wa kĩNzua,

Aepeso 5:18

Kangĩ mulekigaala umubinio, kuitĩ muasio ukoolĩ usambo, ĩpa mũjulue nuMuau;

Aepeso 6:18

Lompĩ matũngo mensi mwa kĩMuau, ĩmwinena nukwipeepia. Kangĩ kunsooko ya nkaani izi, mũkyale nuukenge ĩmwĩkamatĩkilie dũũ nukukualompela ĩeelu ensi.

1 Petelo 1:12

Naalĩ akũnukuĩlue ya kĩna sika kunsooko yaao ĩeene, ĩpa kunsooko yĩĩtu naatumĩka mumpola zaasio naalĩ ntanantigue kunsiani nĩaasio naalĩ amutanantĩĩlie inie iMpola naNziiza kunzĩla ya kĩMuau Muelu naalĩ mutumue kwipũna kwigyulu. Sunga ĩamalaĩka asũũmue nsula kwishungĩĩla impola zaasio.

2 Petelo 1:21

Kuitĩ ukutilĩ kaunakĩdagu naupũnile kuulooa wa kĩuntu, ĩpa antu alĩ akutambula zazi ĩza kĩNzua pĩna alĩ atongeelue nuMuau Muelu.