Utendi 18:3 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³ nukunsooko umulĩmo wao wa kutũma ĩmaheema alĩ umuĩ, nuĩ kikyalaa nĩndĩo nukukĩtuma umulĩmo ensi.

Utendi 18:3 ပူးပေါင်းရင်းမြစ်များ

1 Akolinto 4:12

kangĩ kwiaaga kukĩtuma ĩmĩlĩmo kumĩkono yĩĩtu undiishie muna kwitukĩlua nakukembetana, muna kwipaatigua nakugigimĩlia,

1 Akolinto 9:14

NũShekulu iio-iioo ulagĩlĩĩlie kĩna ĩaasio naakutanantagiaa iMpola na Nziiza ĩliĩsĩlie muumo ya muMpola naNziiza.

1 Akolinto 9:15

Ĩne gua, sika ntumĩĩle izi sunga nĩnalumuĩ. Kangĩ sikanandĩkile izi koona itũle iio kumuani; ingĩ taazu iiza nkie kwikĩlaũmuntu wensi watende uwĩkũmazukia waane wĩĩnakanda.

1 Akolinto 9:18

Kiani ĩkĩnamulĩmo kiane? Ingĩ kyokĩ, yakĩna pĩna nitanantia, mpũnilie iMpola naNziiza pĩnakutilĩ kilyĩpo, iio ndekitumĩla uusũũmi waane nanuutĩĩte muMpola naNziiza.

2 Akolinto 11:7

Alĩ ntimuĩlene kukĩniinupia, koona inie mukuligue, kunsooko alĩ numutanantĩĩlie iMpola na Nziiza za kĩNzua, kakĩnamulĩmo alĩ numugila?

2 Akolinto 11:9

Pĩna alĩ nkoolĩ kunsiani nukwisilĩlua, sika alĩ ntũlile muligo kumuntu wensi, kuitĩ ĩanũna naalĩ ijile kwipũnĩĩla kuMakedonia naampela naalĩ numusilĩlue. Munkaani tũlũ alĩ nĩgililie, kangĩ nĩkakĩgilia, ndekitũla muligo kumiani.

2 Akolinto 12:13

Kĩntu kĩ namuakeepeelue kwikĩla ĩmakanisa namĩngĩ, isiititũla sika ntũlile muligo kumiani? Ndeegelie uutimu uu!

1 Atesaloniki 2:9

Kuitĩ anũna ĩĩtu, mwijukile umulĩmo wĩĩtu namukakũ ninjago zĩĩtu, kuitĩ utiku nĩmunsĩ alĩ kukĩtumaa umulĩmo koona kulekitũla muligo kumuntu wensi kunsiani, pĩna kukumutanantĩlia inie iMpola na Nziiza za kĩNzua.

1 Atesaloniki 4:11

kangĩ mwĩkamatĩkie kwilũkũpa nukukuzikendegeela ĩzaani udũũ, nukukĩtuma umulĩmo kumĩkono yaani kĩna iio alĩ kumulagĩlĩĩlie;