Tito 3:9 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁹ Ĩpa ĩmakolio ma ulu, nimpola za wĩleli wa kalĩ, ninkungumi nuwĩleei mumpola za miiko ĩsuga-nsuge ndizo; kuitĩ magila kansaĩlo, ingĩ nakanda udũũ.

Tito 3:9 ပူးပေါင်းရင်းမြစ်များ

1 Akolinto 13:2

Kangĩ kanga ntũle nuunakĩdagu nuumane uunkũnkũ wensi nĩmasala mensi, kanga ntũle nuusuĩĩli zigi-zigi, nsũũme kwishamia sunga inkonko, malĩĩ numugila uuloogua, sikanĩkĩntu ĩne.

1 Akolinto 8:1

Kumpola za nama nampũnigue ipyolia kuanzegamĩla, kumanile kĩna “Ishie tũlũ kutĩĩte ulĩngi, uulĩngi ukuleeta lukeemo,” ĩpa uulogua ukuzengaa.

1 Timoteo 4:7

Ĩpa inshimu za ulu nasika za wĩtekeli nauuza, uzishiite. ĩkamatĩkie kukumutekela uNzua;

2 Timoteo 2:14

Uijukĩlie izi, ĩukisugula pa kĩShekulu, alekitũla ninkungumi za nkaani nangila kansaĩlo, ĩpa zukoonoonaa ĩategeeli.

2 Timoteo 2:16

Ĩnege ĩmakaani namagila kandogolelio, nasika ma awĩtekeli wa tai; kuitĩ ikilongoleka nangũlũ kukumuleka uNzua,

2 Timoteo 2:23

Ĩpa umasiite ĩmakolio ĩma ulu namagila kamasala, umane ya kĩna makutũga uwĩleei.

Tito 1:14

alekitegeela inshimu za kĩYahũdi, sunga ĩmalagĩĩlio maantu naasiitile ĩtai.

Yakobo 4:1

uUlugu ukupũna pĩĩ, nuwĩkui pakatĩ yaani ukupũnaa mpĩĩ? Sika muumo munsula zaanine nazĩkĩkuaa mupitũmpĩ piani pya muĩlĩ.