Tito 3:5 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁵ sika kunsooko ya utendi wa kulukuuluu naalĩ kuutendile ishie, ĩpa kwilika lya kĩnishungu kiakue, kunzĩla ya oogi wa ulelua wa kabĩlĩ nukwitendua upia mwa kĩMuau Muelu,

Tito 3:5 ပူးပေါင်းရင်းမြစ်များ

Matayo 3:11

“Ĩne nukumubadĩĩzagiaa kumaazĩ kunsooko ya upeli; ĩpa uzo nũjile kunũma yaane, utĩĩte uusũũmi kwinkĩla ĩne, sika nijĩpĩĩle sunga kwikenka iilaatu yaakue; uzo ukakumubadĩĩzia kuMuau Muelu nukumooto.

Luka 1:50

Nĩkĩnishungu kiakue kĩkoolĩ wĩleli nawĩleli kuaasio naakumoopokaa.

Luka 1:54

Wamualĩĩlagiaa uĨsilaeli umwĩtumi waakue ĩwijukile kĩnishungu kiakue;

Luka 1:72

Koona waakolelue kĩnishungu ĩatata ĩĩtu, nukukijuka ilyago liakue nalielu,

Luka 1:78

Kunzĩla ya kĩnishungu kĩkulu kya kĩNzua wĩĩtu, umuasio uweelu wa kukiania wakuagaanile ishie

Alumĩ 11:14

koona nĩtende wĩĩlũ nakumugali umuĩ nineene, nukukuagũna umuĩ umuĩ mumiao.

Alumĩ 11:6

Ĩpa gua, kanga yĩĩ kuukende, sika itũla kuutendi kangĩ, katia ĩpaasio ukende sika ũtũla ukende.

Alumĩ 12:2

sunga mulekitiatĩĩla inkaani za unkũmbigyulu uu, ĩpa mukaĩlue kwitendua upia ishala liani, koona mulekanule kĩna wĩĩlĩ uulooa wa kĩNzua nauuza wa kumuloeelia, kangĩ nuukamĩnkĩĩlũ.

Alumĩ 3:20

Kunsooko ĩĩ, ukutilĩ umukola muĩlĩ nukialĩĩligua ĩkulukuuluu ntongela yaakue kuutendi wa Ulagĩĩlio. Kuitĩ kwilĩnga ĩmĩlandu yukuuzaa kunzĩla ya Ulagĩĩlio.

Alumĩ 3:28

Luulo gua kwaamba ulu, ya kĩna kuutendi wa ulagĩĩlio.

Alumĩ 4:5

Ĩpa nasika wĩtumile umulĩmo, ĩpa nusuĩlĩĩle mumuakue nukumualĩĩlia ĩkulukuuluu umunamĩlandu, uyo gua waalĩĩgiguaa ĩkulukuuluu kuusuĩĩli waakue.

Alumĩ 9:11

kuitĩ pĩna sika alĩ alalelua ĩaana aasio, sunga sika alĩ alatenda kalukaani naluuza katia nalubĩĩ, koona wĩĩmĩke usiio wa kĩNzua wa usaaguli, sika kunsooko ya utendi, ĩpa kunsooko ya wĩĩti waakue),

Alumĩ 9:16

Iio gua, sika kuulooa wa muntu katia kuwĩkakia waakue; ingĩ kukĩnishungu udũũ ĩkya kĩNzua.

Alumĩ 9:30

Kuũge mbii gua? Ya kĩna indugu nazĩngĩ nasika akudũũmaa ĩkulukuuluu alĩ aligilie ĩkulukuuluu, ingĩ ĩkulukuuluu nya nzĩla ya usuĩĩli.

1 Akolinto 6:11

Nĩĩĩa kunsiani alĩ ĩkĩna awa. Ĩpa namoogigua, ĩpa namueligua, ĩpa namualĩĩligua ĩkulukuuluu muliina lya kĩShekulu Yesu Kilisito, nuMuau wa kĩNzua wĩĩtu.

Agalatia 2:16

kumanile kĩna umuntu sikukualĩĩlagiguaa ĩkulukuuluu kuutendi wa Ulagĩĩlio ĩpa kunzĩla ya usuĩĩli mwa kĩYesu Kilisito, nindiishie nakusuĩĩla mwa kĩKilisito, Yesu koona kualĩĩligue ĩkulukuuluu kuusuĩĩli mwa kĩKilisito, sika kuutendi wa Ulagĩĩlio, kunsooko kutilĩ kamukola muĩlĩ nwakualĩĩligua ĩkulukuuluu kuutendi wa Ulagĩĩlio.

Aepeso 2:4

ĩpa itĩ uNzua, namukola ugolĩ wa kĩninshungu, kuuloogua waakue naukulu naalukuloogilue,

Aepeso 4:23

mutendue apia munkolo ishala liani;

Aepeso 5:26

koona walielie pĩna alulĩogilie kumaazĩ nukuLukaani.

Akolosai 3:10

namuujala uuntu naupia naukutendaguaa upia muulĩngi kwilika lya mpiani yaakue uuyo naaluumbile.

2 Timoteo 1:9

Uyo alukugũnile nukukuĩta kuwĩĩtua naweelu, sika kwilika lya utendi wĩĩtu, ĩpa kwilika lishiio liakue umuene nuukende waakue, nalĩ kuapeegue ishie mwa kĩKilisito Yesu kwipũna ĩkalĩ,

Tito 3:4

Ĩpa itĩ uuza wa Mugũni wĩĩtu uNzua nuuloogua waakue kuantu pĩna alĩ wigyelĩĩle, nukugũna;

Aebulania 10:22

kusũgamĩĩle nĩnkolo ya tai kuukamĩnkĩĩlũ wa usuĩĩli; ikuaminzangĩlue inkolo zĩĩtu kuleke umoo namubĩĩ, koogigue ĩmiĩlĩ kumaazĩ nameelu.

Aebulania 4:16

Luulo gua, nakulĩsũgamĩĩle ityegu lya ukende kuukamatĩkũ koona kuanũnkule ĩkĩnishungu nukwiona ukende wa kukualĩĩlia pityũngo lya usilĩlua.

Aebulania 6:6

ĩaasio kanga atũle aleki, sika ishũũmĩkile kukuatenda ĩĩ apia kangĩ sunga apele. Kunsooko akumukononteela mumusalaba uMuana wa kĩNzua ĩeene nkua ya kabĩlĩ, nukukumumela kualie.

1 Petelo 1:3

Wakũmazukigue uNzua Tata wa kĩShekulu wĩĩtu Yesu Kilisito! Kukĩnishungu kiakue kingĩ alukulelile ĩnkua ya kabĩlĩ kuulaaĩĩli naukola upanga, kunzĩla ya wiuki wa kĩYesu Kilisito kwipũna muakiu.

1 Petelo 2:10

Pakalĩ sika alĩ mwĩluuli, ĩpaino mwĩluuli lwa kĩNzua; ĩmuandio sika alĩ muakolelua kĩnishungu, ĩpaino mwakolelaguaa kĩnishungu.

1 Petelo 3:21

iMpiani ya mpola izi ingĩ ubadĩĩzo naukumugũnaa ĩpaino, sika kuuĩĩka kulĩ uudobũ wa muĩlĩ, ĩpa ishookeelio lya moo namuuza ntongela ya kĩNzua kunzĩla ya wiiuki wa kĩYesu Kilisito.