Tito 2:2 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

² ĩAnampala ĩĩ akola kĩgilia, akola kyulio, akola masala akapanga muusuĩĩli numuuloogua numuukamatĩkũ.

Tito 2:2 ပူးပေါင်းရင်းမြစ်များ

Maliko 5:15

Naamuagaana ũYesu, naamuona umunalĩsĩĩmuĩ wikyalansile, uyu wayu naalutĩĩte uLegioni, ujialile intiila, waazaa nĩmasala; naoopoka.

Luka 8:35

ĩAntu naapũna ende aone naalĩ zitendekile, naamuagaana ũYesu, naamuona umuntu naaza mupũnue nĩmasĩĩmuĩ wikyalansaa pamĩgulu ya kĩYesu ujialile intiila, waazaa nĩmasala, naoopoka.

Utendi 24:25

Pĩna nulondoosia impola za kulukuuluu nukukĩgilia nuulamuli naukiiza, uPeliki nũingĩĩlua nuooa, nuũga, “Longola ĩpaino, pĩna nikiligia ĩlioma nĩkakukuĩta.”

Alumĩ 12:3

Kuitĩ kuukende naalĩ numupeegue, namuĩĩla wensi kunsiani walekishĩĩga nankulu kwikĩla nayumũjĩpĩĩle kwishĩĩga; taazu wĩĩ nishĩĩgo naliendile muumo, kĩna uNzua alumoomolĩĩle wensi kwilika lya usuĩĩli.

1 Akolinto 15:34

Sukukĩkiĩ kulukuuluu, mulekitimula. Kuitĩ naĩngĩ sika amuĩzĩ uNzua. Nitambula izi numukolie inshoni.

1 Akolinto 9:25

Wensi nukĩtiganĩĩlaa ukĩgilagiaa mutũlũ zensi; Ĩaasio gua, koona aanũnkule ĩngala nyukoonekaa; ĩpa ishie nasika yukoononekaa.

2 Akolinto 5:13

Kuitĩ kanga ĩkuaziishala, ingĩ kunsooko ya kĩNzua; katia kanga kuĩ nĩmasala, ĩngĩ kunsooko yaani.

Agalatia 5:23

upolo, kukĩgilia; munkaani nazĩkĩna izi kutilĩ kaUlagĩĩlio.

Apilipi 4:8

Kumpelo anũna aane, zensi naza tai, zensi nazikyullio, zensi naza kulukuuluu, zensi nanzelu, zensi naza kuloeelia, zensi nazukukũmuukaa iiza, kanga wĩĩ ukoolĩ uuza wensi, kangaa luĩ lukoolĩ lukũmo naluuza luensi, zishĩĩgĩkie inkaani izi.

1 Atesaloniki 5:6

Luulo gua, kulekigona kĩna naĩngĩ, ĩpa kukengeale, kulekigaala.

1 Atesaloniki 5:8

Ĩpa kunsooko ishie kwa munsĩ, kulekigaala, kwĩjiale mukĩkũa usuĩĩli nuuloogua, nigyĩgu liĩtu lya kiuma lĩtũle ulaaĩĩli wa ugũnua.

1 Timoteo 1:10

nĩagololia, nĩnaĩkĩgololagiaa agoosia atilĩ, nĩnaakuiia ĩantu, nĩalongo, nĩnaakulapaa kuulongo, naa lwa lukoolĩ lukaani luensi naluĩngĩ nasika lukamantĩĩne nuumanigua nautĩĩte upanga,

1 Timoteo 1:14

Ĩpa itĩ uukende wa kĩShekulu wĩĩtu nawĩongeelekia palumuĩ nuusuĩĩli nuuloogua nawĩĩlĩ mwa kĩKilisito Yesu.

1 Timoteo 1:2

nakuandĩkĩla ue Timoteo, muanuane wa tai muusuĩĩli. uUkende wĩĩ kumuako, nĩkĩnishungu nĩmatiliga namapũnile kwa kĩNzua Tata nukwa kĩKilisito Yesu Shekulu wĩĩtu.

1 Timoteo 1:5

Ĩpa itĩ, ĩnsooko ya ulagĩĩligua wĩĩtu ingĩ uloogua naupũnile munkolo nanzelu, numoo namuelu, nuusuĩĩli naugila kaunamampĩlu.

1 Timoteo 3:11

Nĩasungu gaa ĩĩ a lukũmo naluuza, sika asingĩĩlania, nasika akugaalaa, asuĩĩli mumpola zensi.

1 Timoteo 3:2

Luulo gua, ijĩpĩĩle mulĩnguli wĩĩ utĩĩte lukũmo naluuza, mugoosia wa musungu umuĩ, kangĩ nasikukugaalaa, munamasala muntu wa kĩĩsa-kĩĩsa, musũgamĩĩlia agenda, numanile kwilanga;

1 Timoteo 3:4

Ijĩpĩĩle wakendegeele ĩnumba yaakue iiza, nukuamanagiaa ĩaana aakue ĩniinupie nukukuapeela ĩantu ikyulio;

1 Timoteo 3:8

Iio-iioo nĩaalĩĩlia iKyanisa ĩĩ akola lukũmo, nasika a masĩĩgo mabĩlĩ, nasika akukopekagiaa umubinio, sunga sika aawa mpiia za nsoni,

1 Timoteo 5:1

Uleke kumutakĩla umunampala, ĩpa umusugule zĩ tata; nĩasumbatĩ zĩ anũna,

Tito 1:13

Ukuĩli uu ingĩ wa tai. Kunsooko yoĩ uasokie kuutaki atũle a kapanga muusuĩĩli;

Tito 1:8

ĩpa wĩĩ musũgamĩĩlia agenda, muloogua wa uuza, nusũũmile kukĩtema, munakulukuuluu, muelu, mukola kĩsiitĩlia namabĩĩ;

Tito 2:7

ĩukĩlagĩĩla uuue muene mumpola tũlũ zĩ mpiani ya utendi nauuza, sunga muumanigua waako wĩlagĩĩle uukamĩnkĩĩlũ nuwijĩpĩli,

Pilimoni 1:9

ĩpa paluandĩ luua nakupeepia kunsooko ya uloogua waako kĩna yoi nanĩĩlĩ nanĩPaulo nanumunampala, ĩpaino numutũngua wa kĩYesu Kilisito gaa.

1 Petelo 1:13

Luulo gua, lĩganĩĩliĩ kĩĩsa masĩĩgo maani, kengealĩ, mulaaĩĩlĩkie kuukamĩnkĩĩlũ uukende namukileetelua muukũnukulua wa kĩYesu Kilisito.

1 Petelo 4:7

ĩMpelo ya intu tũlũ yasũgamĩĩlaa; luulo gua, ĩsukukĩ mukengeale kuulompi.

1 Petelo 5:8

Sukukĩ, kyalĩ nuukenge kunsooko ũShetani umulugu waani zĩ nsimba nilũma ipilimĩkĩĩlia, widũũma wensi wamumĩle.

2 Petelo 1:6

nuulĩngi umupeele kukĩtema uniinie, nukukĩtema yumupeele uugigimĩlia, nuugigimĩlia umupeele kukumukulia uNzua,