Tito 2:11 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹¹ Kuitĩ ukende wa kĩNzua kuugũnua wa antu tũlũ wigyelelaa;

Tito 2:11 ပူးပေါင်းရင်းမြစ်များ

Matayo 28:19

Luulo gua, lendĩ muzitende indugu tũlũ zensi zitũle amanigua, ĩmukuabadĩĩzia muliina lya kĩTata, nĩlya Muana, nĩlya Muau Muelu;

Maliko 16:15

Nuaĩĩla, longolĩ muunkũmbigyulu tũlũ, ĩmwitanantia ĩmpola nanziiza kukĩumbe tũlũ.

Luka 24:47

Kangĩ ya kĩna indugu tũlũ zensi zikitanantĩligua kuliina liakue impola za upelli nuuleegeligua wa mĩlandu, kwiandĩĩlia kũYelusalemũ.

Luka 3:6

nĩ antu tũlũ ensi ĩkakuuona uugũnua wa kĩNzua.”

Yohana 1:14

NuLukaani nutũla muĩlĩ, nwikyala kumuĩtu, nakuulaaa uukulu waakue, ukulu zĩ wa Muana wing'ene kwa kĩTata, wijuile uukende nĩtai. (

Yohana 1:9

Alĩ ukoolĩ uweelu nwa tai nukumuelelagiaa umuntu wensi, nũjile muna unkũmbigyulu.

Utendi 11:23

Ninduyo pĩna nupika nuuona ukende wa kĩNzua, nulumba, nuakamia nkolo, ĩĩ ĩensi nũShekulu kwishĩĩgo lĩmuĩ,

Utendi 13:43

Pĩna umulundo wishũnagogi nausapatĩla, ĩAyahũdi iingĩ nĩatiati naakumukulagiaa uNzua muwĩtekeli wa kĩYahũdi naaatiatĩĩla uPaulo nuBalinaba naalĩ akĩtambuĩla nĩndĩo, naaakamia inkolo ĩkamatĩkie muukende wa kĩNzua.

Utendi 13:47

Kuitĩ yoi alĩ kualagĩĩligue nũShekulu, ‘Nakuĩĩkaa ue wĩĩ weelu wa ndugu nazĩngĩ, Utũle ugũnua waao sunga kumpelo ya nsĩĩ.’”

Utendi 17:30

ĩMatũngo ma usiitimana, uNzua alĩ wĩtendile zĩ sikumaoonie; ĩpaino ualagĩlĩĩlie ĩantu ensi tũlũ kwensi apele.

Utendi 20:24

ĩpa sika nsĩĩgile kĩna uumĩ waane ingĩ kĩntu kya nsaĩlo kumuane; lukoolĩ lukaani lumuĩ udũũ, malĩĩlie ulugendo luane, nuwĩtumi naalĩ nuwaanũnkuĩle kwa kĩShekulu Yesu, kukuzikuĩla iMpola na Nziiza za ukende wa kĩNzua.

Alumĩ 10:18

Ĩpa nakolia, ĩo sika naiigiane? Eeze, iigilie; kuitĩ “uLuli luao nalusapatĩla muna nsĩĩ poo, Ninkaani zaao sunga impelo za unkũmbigyulu.”

Alumĩ 5:15

Ĩpa uupeegua wa ukende sika wilika nuutimu. Kuitĩ malĩĩ kuutimu wa muntu umuĩ, iingĩ naakia, naikulu nangũlũ uukende wa kĩNzua nuupeegua nawĩĩlĩ muukende wa muntu umuĩ, ũYesu Kilisito, ukĩlĩkĩlĩĩle kuantu iingĩ.

Alumĩ 5:2

Kwa kĩuyo kuusuĩĩli kwaligilie usũgamĩĩli kuukende uu nakuĩmĩkile munsĩ yaakue, nukwilumba muulaaĩĩli wa ukulu wa kĩNzua.

2 Akolinto 6:1

Nindiishie pĩna kukĩtuma umulĩmo palumuĩ nduyo kukumupeepia mulekiaanũnkula nakanda uukende wa kĩNzua,

Agalatia 2:21

Sika nuuleegilie uukende wa kĩNzua, kuitĩ kanga ĩkulukuuluu igyelele kunzĩla ya Ulagĩĩlio, paasio uKilisito alukiile nakanda.

Aepeso 2:5

sunga paapo pĩna alĩ kuakiu kunsooko ya utimu wĩĩtu, nukupangatia palumuĩ nuKilisito (muagũnue kuukende).

Aepeso 2:8

Kuitĩ muagũnue kuukende kunzĩla ya usuĩĩli; nuwaasio sika upũnile kumuani inie, ingĩ upeegua wa kĩNzua;

Akolosai 1:23

Kanga mwikyale muusuĩlĩ, muzengue mumukũlĩla wa ngũlũ mulekileegeligua paulaaĩĩli wa Mpola na Nziiza naalĩ mũigilie, naalĩ ntanantigue kuiumbe tũlũ nayĩĩlĩ nsĩlĩlĩ igyulu Nineene Paulo nantũla mwĩtumi waakue.

Akolosai 1:6

naalĩ zipikile kunsiani, kĩna muna unkũmbigyulu poo nazipĩa inkali nukwikula, kĩna iio nukunsiani, kwipũna ulutondo pĩna alĩ mũigilie namulĩngĩkia uukende wa kĩNzua mutai.

2 Atesaloniki 2:16

NũShekulu wĩĩtu Yesu Kilisito umuene, nuNzua Tata wĩĩtu naalukuloogilue nukupeela ishie ipyumbulio lya kalĩ nakalĩ nuulaaĩĩli nauuza muukende,

1 Timoteo 1:14

Ĩpa itĩ uukende wa kĩShekulu wĩĩtu nawĩongeelekia palumuĩ nuusuĩĩli nuuloogua nawĩĩlĩ mwa kĩKilisito Yesu.

1 Timoteo 2:4

nukusiiaa ĩantu tũlũ agũnue nukwilĩnga ĩza tai.

2 Timoteo 1:10

ĩpa itĩ intondo izi yakũnukuĩlue kunzĩla ya wigyeleli wa Mugũni wĩĩtu Kilisito Yesu naaluuleegilie uukiu, nuũgyelelia muweelu uupanga nuusiitioononeka, kunzĩla ya Mpola na Nziiza.

2 Timoteo 4:17

Ĩpa itĩ ũShekulu nuĩmĩka paluandĩ luane, numpeela ingũlũ kwitanantia uLukaani kuukamatĩkũ, indugu nazĩngĩ alũigie. Itĩ yoi nangũnua kwipũna mumulomo wa nsimba.

Aebulania 12:15

Mwĩlaaĩkie sunga kaumuĩ walekiulia uukende wa kĩNzua; itina lya usungu lĩleke kigyelela nukukumuagia, nukunzĩla ĩĩ antu iingĩ adobigue munkolo.

Aebulania 2:9

ĩpa kwamuona ũYesu, uyo kwityũngo niino alĩ mutendue muniino kwikĩla ĩamalaĩka. Muene kunsooko ya ualaalĩki wa ukiu, wajialilue ĩngala ya ukulu nikyulio, koona kuukende wa kĩNzua waulũle uukiu kunsooko ya muntu wensi.