Tito 1:8 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁸ ĩpa wĩĩ musũgamĩĩlia agenda, muloogua wa uuza, nusũũmile kukĩtema, munakulukuuluu, muelu, mukola kĩsiitĩlia namabĩĩ;

Tito 1:8 ပူးပေါင်းရင်းမြစ်များ

Luka 2:25

Laaa, alukoolĩ muntu mũYelusalemũ ĩliina liakue Simoni, nduyo alĩ muntu wa kulukuuluu mukulia-Nzua nulaaĩlĩĩle uupumbuligua wa Ĩsilaeli, nuMuau Muelu alukoolĩ mumuakue.

Utendi 24:25

Pĩna nulondoosia impola za kulukuuluu nukukĩgilia nuulamuli naukiiza, uPeliki nũingĩĩlua nuooa, nuũga, “Longola ĩpaino, pĩna nikiligia ĩlioma nĩkakukuĩta.”

1 Atesaloniki 2:10

Inie mwĩakuĩli, nuNzua gaa, kĩna kumiani inie namusuĩlĩĩle alĩ kwikyalile kuweelu nukukulukuuluu, nulugendo luĩtu alĩ lugila kishokio.

1 Timoteo 3:2

Luulo gua, ijĩpĩĩle mulĩnguli wĩĩ utĩĩte lukũmo naluuza, mugoosia wa musungu umuĩ, kangĩ nasikukugaalaa, munamasala muntu wa kĩĩsa-kĩĩsa, musũgamĩĩlia agenda, numanile kwilanga;

1 Timoteo 4:12

Muntu wensi waleke kuumela uugalimanga waako, ĩpa wĩĩ mpiani kumiao naasuĩlĩĩle, muutambuli numulugendo, muuloogua muusuĩĩli numuweelu.

1 Timoteo 6:11

Ĩpa ue, nwĩmuntu wa kĩNzua, uzitalame ĩzaasio; utiate ĩkulukuuluu nuukulia uNzua, usuĩĩli, uloogua, ukamatĩkũ nuupolo.

2 Timoteo 2:22

Uzitalame inshula za usumbatĩ; ĩwĩtiata ĩkulukuuluu, nuusuĩĩli, nuuloogua, nĩmatiliga, palumuĩ nĩaasio naakumuĩtaa ũShekulu kunkolo nanzelu.

2 Timoteo 3:3

nasika aaloilue ĩĩa, nasika agombile kwikamantanigua, naaloe uteketi wa usingisĩĩlia, nasika akĩgilagiaa, ataki asuukĩlua namaaza,

Tito 2:7

ĩukĩlagĩĩla uuue muene mumpola tũlũ zĩ mpiani ya utendi nauuza, sunga muumanigua waako wĩlagĩĩle uukamĩnkĩĩlũ nuwijĩpĩli,

1 Yohana 3:14

Ishie kumanile kĩna kwakĩlile kwipũna muukiu sunga kuupanga, kunsooko kualoogilue ĩanũna. uNuasio nasikukuloogaguaa, ukikyalaa muukiu.

1 Yohana 5:1

Tũlũ wensi nukusuĩĩla kĩna ũYesu ingĩ Kilisito mulelue nuNzua. Tũlũ wensi nukumuloogaguaa umukola kulela, ukumuloogaguaa ninduzo namulelue nduyo.