Matayo 9:2 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

² Paapo naamuleetela muluĩle wigyandi, ugonile muulĩlĩ. ũYesu pĩna nuona uusuĩĩli waao, numuĩĩla umukiigyandi, Kamia nkolo muanuane; “ĩmĩlandu yaako yalegagiguaa.”

Matayo 9:2 ပူးပေါင်းရင်းမြစ်များ

Matayo 14:27

Ĩkamuĩ nuatambulia, nuũga, “Kamiĩ nkolo ingĩ neene, lekioopokĩ!”

Matayo 4:24

Nulukũmo luakue nalukũmuuka mũSilia yensi, naamuleetela tũlũ naalĩ alemekigue nuuluĩle ninjago ningĩ, ĩanalĩsĩĩmuĩ, ĩaguankolo niakiigyandi, nuakamia.

Matayo 6:12

Ukuleegelie ĩmĩlandu yĩĩtu, kĩna ndiishie kualeegelia naakutimulĩĩle,

Matayo 8:10

ũYesu pĩna nũigia izi, nukulĩlua, nuaĩĩla naalĩ amutiatile, “Tai, namuĩĩla, sunga muĩSilaeli sika nalaona usuĩĩli naukulu kĩna uu.

Matayo 8:16

Pĩna niĩ mpĩndĩ, namuleetela, anamasĩĩmuĩ iingĩ; numaĩnga ĩmasĩĩmuĩ kulukani, nduyo nuakamia tũlũ naalĩ alemue,

Matayo 9:22

ũYesu nupĩluka, numuona, numuĩĩla, “Kamia nkolo muanuane, uusuĩĩli waako wakukamagiaa.” Numusungu nukamia lĩĩlo tyũngo.

Matayo 9:5

Yaani naipeelũ, kwiũga, ‘ĩMĩlandu yaako yaleegagiguaa,’ katia kwiũga, ‘Uuka, longola.’

Matayo 9:6

Ĩpa mumane gua, kĩna uMuana muntu utĩĩte usũũmi muna nsĩĩ kwileegelania ĩmĩlandu.” Paapo numuĩĩla umukiigyandi, “Uuka, ĩtuĩke ulĩlĩ waako, wende kumuako.”

Maliko 1:32

Pĩna niĩ mpĩndĩ ĩmpasu pĩna nĩsaalĩĩla, naĩĩ kumuleetela tũlũ naalĩ alemue, nĩanamasĩĩmuĩ.

Maliko 10:49

ũYesu nuĩma, nuũga, muĩti! Naamuĩta umupokũ, naamuĩĩla, kamia nkolo; uuka, ukukuĩta.

Maliko 5:34

Nduyo numuĩĩla, “Maau, uusuĩĩli waako wakukamagiaa, lenda nĩmatiliga, wĩĩ mupanga kwipũna muluago luako.”

Maliko 6:50

kunsooko tũlũ alĩ amuoonie, naakankanala. Ĩkamuĩ nwĩtambuĩla nĩndĩo, nuaĩĩla, kamiĩ nkolo, ingĩ neene, lekioopokĩ!

Yohana 16:33

Izi alĩ numuĩĩlĩĩle muĩ nĩmatiliga mumuane. Muna unkũmbigyulu mutĩĩte luago ĩpa kamiĩ nkolo; ĩne naudulile uunkũmbigyulu.”

Yohana 2:25

Luulo gua, sika alusiiile tũlũ wensi wakuĩle impola za muntu, kunsooko umuene alulĩngile nazĩĩlĩ mumuntu.

Yohana 21:5

Paapo ũYesu nuaĩĩla, “Aana aane, mutĩĩtene inani?” Naamushookeelia, “Zũi.”

Utendi 14:9

Uyu alumũigilie uPaulo pĩna alĩ witambula; uPaulo numutuupĩĩla, nuona kĩna utĩĩte usuĩĩli wa kukamigua,

Utendi 19:12

sunga iideeo nintiila nazipũnile mumuĩlĩ waakue nazileetua kualuĩle, paapo ĩmauluĩle namalega nĩmasĩĩmuĩ namapũnigua mumiao.

Utendi 23:11

uUtiku waasio ũShekulu nuĩmĩka piipĩ ninduyo nuũga, “Kamia nkolo Paulo, kuitĩ kĩna iio naalunkuĩlĩĩle mumpola zaane kũYelusalemũ, iio-iioo yukũjĩpĩĩle unkuĩle sunga kuLumĩ.”

Alumĩ 5:11

Ĩpa sika iio udũũ, sunga kukĩlumbĩĩlia kwa kĩNzua kunzĩla ya kĩShekulu wĩĩtu Yesu Kilisito; kwa kĩuyo alĩ kuanũnkuĩle uukamantanigua wĩĩtu.

Yakobo 2:18

Ĩpa wensi nukiũga, “Ue utĩĩte usuĩĩli, ĩne ntĩĩte utendi.” Ndagĩĩla uusuĩĩli waako pĩna kutilĩ kautendi waako, nineene nĩkakukulagĩĩla uusuĩĩli waane kuutendi waane.