Matayo 8:3 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³ Nunansula umukono waakue numuamba, nuũga, “Numuloe, eela!” Ĩkamuĩ ĩmatana maakue nameela.

Matayo 8:3 ပူးပေါင်းရင်းမြစ်များ

Matayo 12:13

Paapo numuĩĩla umuntu nuasio, “Golola umukono waako!” Nuugolola, naukamigua, naulĩganĩĩla numuua.

Maliko 1:41

ũYesu numuonela kĩsuusu, nunansula umukono waakue, numuamba, numuĩĩla, “Numuloe, eela!”

Maliko 4:39

Nulaĩla, numĩtakĩla ĩnzega, numĩĩila ĩnanza, “Tuulia, tuula!” ĩNzega nĩtuula nayĩĩ ituulũ dũũ.

Maliko 5:41

Numũtyapa umukono umuana, numuĩĩla, “Talita kumi; ĩndogolelio yaakue, Munansoo nakuĩĩla, uuka!”

Maliko 7:34

nulangamĩla kwigyulu, nwĩsũsũma, numuĩĩla, “Epata,” ĩndogolelio yaakue, “Lĩmbuuka!”

Maliko 9:25

ũYesu pĩna nulĩona iyũmbĩ lĩkĩlundĩkĩĩlanga, nulĩtakĩla ĩlĩsĩĩmuĩ, nulĩĩĩla, ue lĩsĩĩmuĩ munakĩmũũmĩ numunakĩlĩmba, ĩne nakulagĩĩlia, pũna mumuakue; uleke kumũingĩla kangĩ.

Luka 4:27

Kangĩ alĩ akoolĩanamatana iingĩ muĨsilaeli pantondo za munakĩdagu Elisha, sunga kutilĩ naalĩ mueligue isiititũla uNamani wa kuSilia.”

Luka 5:13

Paapo nuunansula umukono numuamba, nuũga, “Numuloe, eela!” Ĩkamuĩ ĩmatana namamulegela.

Luka 7:14

Nusũgamĩĩla nulĩamba ikyenkelo, ĩaasio naalĩ alĩkenkile naĩĩmĩka. Nuũga, “Musumbatĩ nakuĩĩla, Uuka!”

Yohana 11:43

Pĩna nutambula izi nwĩtunta ululi, “Lazalo pũna, nzuu kunu.”

Yohana 15:24

Kanga alĩ nsiite kukĩtuma ĩmĩlĩmo kumiao nasika alĩ witumile nuĩngĩ, sika alĩ ijilitũla numulandu, ĩpa akuonaa nukukukusuukĩlua ĩne nuTata waane gaa.

Yohana 5:21

Kuitĩ kĩna uTata ukũiukagiaa ĩakiu nukukuapangatia, iio-iioo nuMuana ukuapangatagiaa nualoilue.