Matayo 7:22 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²² Iingĩ ijilimbuĩla palutondo luasio, ‘Shekulu, Shekulu sika alĩ kukupũnagiaane uunakĩdagu kuliina liako, nukuliina liako kwiĩnga ĩmasĩĩmuĩ, nukuliina liako kwitenda ĩmakula mingĩ!’

Matayo 7:22 ပူးပေါင်းရင်းမြစ်များ

Matayo 10:15

Tai namuĩĩla, ikitũla itontũ ĩnsĩĩ ya Sodomũ nĩGomola kwigigimĩlĩa palutondo lwa ulamulua kwikĩla ĩkaa niasio.

Matayo 24:36

Ĩpa impola za ntondo zaasio nityũngo liasio kutilĩ numanile; sunga ĩamalaĩka a kwigyulu, nu Muana gaa, ĩpa uTata udũũ.

Matayo 25:11

Pembele naaaza ĩananso naĩngĩ, naaũga, ‘Shekulu, Shekulu, kũgyuĩle!’

Matayo 7:21

“Sika wensi nukumbuĩla, ‘Shekulu, Shekulu,’ nũjiliingĩla muutemi wa kwigyulu; ĩpa wayu dũũ nukuutendaa uulooa wa kĩTata waane nwa kwigyulu.

Luka 10:12

Namuĩĩla ya Kĩna ikitũla itontũ kuSodomũ kwigigimĩĩlia palutondo luasio kwikĩla kukaa ĩyo.

Yohana 11:51

Sika alĩ wĩtambulĩĩle umuene, ĩpa kunsooko alĩ mupolia namukulu umuaka nuasio, nupũnia unakĩdagu kĩna ũYesu ukikia kunsooko ya ndugu;

1 Atesaloniki 5:4

Ĩpa inie anũna aane sika muĩlĩ mukiiti, ulutondo luasio lumuagaane kĩna mũii.

2 Atesaloniki 1:10

Pĩna ũjiliiiiza kwikuligua pakatĩ ya eelu aakue, kangĩ wĩĩ ukulĩlua pakatĩ ya antu tũlũ naasuĩlĩĩle palutondo luasio, kunsooko uukuĩli wĩĩtu alĩ wagombagiguaa kumiani.

2 Timoteo 1:12

Kunsooko ĩĩ niligia uwaagigua uu, sunga sika nikolua kansoni, kuitĩ numumanile uyo nanumusuĩlile kangĩ ntite ishanio ya kina uzo usumile kukumĩlindĩĩla ĩmbĩĩka yaane nanĩmĩĩĩkile kumuakue sunga kuLutondo luulo.

2 Timoteo 1:18

ũShekulu nwamupeele kwiona ĩkĩnishungu kwa kĩShekulu paLutondo luasio. Nĩkĩna alĩ wĩtumĩĩle kuEfeso, ue umanikilie.

2 Timoteo 4:8

Naishaagile numuĩĩkĩlĩgue ngala ya kulukuuluu, ĩniasio ũShekulu mulamuli nwa kulukuuluu nukimpeela paLutondo luasio; kangĩ sika uneene dũũ, ĩpa nĩaasio gaa naauloogilue uwigyeleli waakue.