Matayo 7:13 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹³ “Ingĩlĩlĩ kumulango namupinĩ; kuitĩ umulango ingĩ mugalĩ nĩnzĩla ngalĩ nĩlunziĩ kuulimĩĩli, nĩaasio naakuingĩlĩlaa muasio akoolĩ iingĩ.

Matayo 7:13 ပူးပေါင်းရင်းမြစ်များ

Matayo 23:13

“Ukĩa kumuani alangi ĩApalisayo, anamampĩlu! Kunsooko mukuadadĩĩla ĩantu uutemi wa kwigyulu; inie uniinie sika mũingĩla, sunga naiingĩla sika mukualegela ingĩle.

Matayo 25:41

“Paapo ukakuaĩĩla naĩĩlĩ pamukono wa kĩkĩĩma, ‘Legĩ kumuane namwazũmilue; ingĩlĩ mumooto wa kalĩ nakalĩ, naalĩ mukoleleligue ũShetani nĩamalaĩka aakue.

Matayo 25:46

Ĩa ikilega ingĩle muukasigua wa kalĩ nakalĩ, ĩpa ĩakola kulukuuluu muupanga wa kalĩ nakalĩ.”

Matayo 3:2

“Pelĩ, kunsooko uutemi wa kwigyulu wasũgamĩlaa.”

Matayo 3:8

Pĩĩ gua ĩnkali nizĩjĩpĩĩle uupeli!

Matayo 7:14

Kuitĩ umulango ingĩ mupinĩ nĩnzĩla ĩtunĩnkĩĩle nĩlunziĩ kuupanga, nĩaasio naakumĩonaa akoolĩ akeei.”

Luka 14:33

Itĩ yoi, wensi mumiani nasikukulekaa tũlũ nutĩĩte sikusũũmile kwitũla mumanigua waane.

Luka 9:33

ĩAasio pĩna naalekanuka ninduyo, uPetelo numuĩĩla ũYesu, “Shekulu, iiza ishie nakwĩĩpa, kuzenge pigyũnda pitatu, kamuĩ kaako, kamuĩ ka kĩMusa, kamuĩ ka kĩElia;” sika numanile nĩkĩna witambula.

Yohana 10:9

Ine neene numulango; tũlũ wensi kanga wingĩlĩle pamuane ukigũnĩka; ukiingĩla nukwipũna, ukiligia udĩĩmo.

Yohana 14:6

ũYesu numuĩĩla, “Ĩne neene nzĩla nĩtai nuupanga; ukutilĩ nũjile kwa kĩTata isiititũla kunzĩla ya ĩne.

Utendi 3:19

Pelĩ gua, mupĩluke, ĩmĩlandu yaani ĩlimansĩĩligue, koona maaze ĩmatũngo ma usepeeleki namapũnile kwa kĩShekulu;

Alumĩ 9:22

Mbii gua, kanga uNzua ĩusiile kũlagĩĩla uutaki waakue nukukigyelelia ingũlũ zaakue kuupolo wingĩ, nuagigimĩlia ĩaasio naalĩ isheme ya utaki naalĩ ijĩpĩĩligue kuoononeki,

2 Akolinto 4:4

Ingĩ mumuao unzua wa unkũmbigyulu uu naalupokũilie ĩmasĩĩgo maao nasika asuĩlĩĩle, alekimĩlĩkĩlua nuweelu wa Mpola na Nziiza za ukulu wa kĩKilisito nampiani ya kĩNzua.

2 Akolinto 6:17

kuluulo, pũnĩ pakatĩ yaao Mutemanuke ndĩo, uũgile ũShekulu, Mulekipaatia ĩmadobũ, Nineene nĩkakumusũgamĩĩlia.

Agalatia 5:24

Nĩaasio a kĩKilisito Yesu aukoonontelĩĩle umuĩlĩ mumusalaba palumuĩ nĩmasĩĩgo namabĩĩ ninshula nambĩĩ.

Apilipi 3:19

ĩMpelo yaao ingĩ oononeki, unzua waao ingĩ ĩndaa, uukulu waao wĩĩlĩ munsoni zaao, naakusĩĩgaa impola za muna nsĩĩ.

1 Yohana 5:19

Kumanile ya kĩna ishie ingĩ kwa kĩNzua; nuunkũmbigyulu tũlũ ukoolĩ mungũlũ za mubĩĩ.

Ukũnukulua 12:9

iJoka nikyulu nalĩtaagua, ĩnzoka ya kalĩ nukuĩtaguaa, Mupembeelia kangĩ Shetani, nukulimĩĩlagiaa uunkũmbigyulu tũlũ; nutaagua sunga munsĩĩ, nĩamalaĩka aakue naataagua palumuĩ nduyo.

Ukũnukulua 13:8

Tũlũ naakikyalaa muna nsĩĩ ĩkakumĩtekela, muntu wensi kanga ĩliina liakue ĩsika liandĩkue mukĩtabũ ĩkya upanga kya Muana-nkolo naalĩ muulague pĩna alĩ ikĩĩlĩ kwiĩĩkua umukulĩla wa nsĩĩ.

Ukũnukulua 20:15

kanga wensi wasiite kigyela muandĩkua mukĩtabũ kya upanga, nutaagua munanza ya mooto.

Ukũnukulua 20:3

numutaaga mululungu nalusimu lwa kuulungu, numutũnga, nuĩĩka umuntoozo pakiania, waleke kuzilimĩĩlia indugu kangĩ, sunga ĩmiaka nigyana lya nzogũ ĩtimĩĩligue. Pĩna yakonda yaasio, ijĩpĩĩle watũnguĩlue kũtyũngo niino.