Matayo 5:22 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²² Ĩne gua, namuĩĩla. Wensi nukumutakĩĩlaa umunũna waakue yumũjĩpĩĩle ulamulua. Nukumushoonelagia umunũna waakwe yumũjĩpĩĩle watualue kwilindi; numuntu wensi kanga wamumele, yumũjĩpĩĩle ĩGehena, ya mooto.

Matayo 5:22 ပူးပေါင်းရင်းမြစ်များ

Matayo 10:17

Ĩsukukĩ nĩantu; kuitĩ ĩkakumutuala kumalindĩ, numumasũnagogi maao ĩkakumukua;

Matayo 10:28

Muleke kĩoopooka naakuulagaa umuĩlĩ, nasika asũũmile kukumĩulaga ĩnkolo; taazu mumoopoke nusũũmile kwioonoona ĩnkolo numuĩlĩ gaa muGehena.

Matayo 12:24

Ĩpa ĩApalisayo pĩna naiigia, naaũga, “Uu usũũmi wa kĩBelizebuli udũũ umukulu wa masĩĩmuĩ, umuntu uyu wiĩnga ĩmasĩĩmuĩ.”

Matayo 17:5

Pĩna alĩ kĩlĩ witambula, ilyũnde lielu nalĩakũnĩkĩla; laaa, luli nalupũna mwilyũnde naluũga, “Uyu wayu Muana waane muloogua, nanumuloeeligue ninduyo; mũigiĩ umuene.”

Matayo 18:21

Paapo uPetelo pĩna numuagaana, numuĩĩla, “Shekulu, umunũna waane wantimulĩĩle kanga, numulekele; sunga nkua mupũngatĩne?”

Matayo 18:35

Iio-iioo nuTata waane nwa kwigyulu ukakumutendela inie, malĩĩ ĩsika mulekĩĩle kunkolo zaani muntu wensi umunũna waakue.”

Matayo 23:15

Ukĩa kumuani alangi nĩApalisayo, anamampĩlu! Kunsooko mukupilimaa munanza numuna nsĩĩ koona muligie mumanigua umuĩ, nĩpĩna mwamuligia, namumutenda wĩĩ muana wa Gehena nkua zibĩlĩ kwikĩla inie.

Matayo 23:33

Inie nzoka, luuli lwa mũilu, muukakuutalama mbii ulamulua wa muGehena?

Matayo 25:41

“Paapo ukakuaĩĩla naĩĩlĩ pamukono wa kĩkĩĩma, ‘Legĩ kumuane namwazũmilue; ingĩlĩ mumooto wa kalĩ nakalĩ, naalĩ mukoleleligue ũShetani nĩamalaĩka aakue.

Matayo 26:59

iApolia naakulu nilindĩ liensi naaidũũma uukuĩli wa ulongo kwa kĩYesu, itĩ amuulage.

Matayo 3:17

Luli kwipũna kwigyulu naluũga, “Uyu wayu Muana waane muloogua, nanumuloeeligue ninduyo.”

Matayo 5:34

Ĩne gua, namuĩĩla. Ulekiiila ityunu kainiino; sunga kwilapĩla igyulu, kuitĩ lĩĩlo tyengu lya kĩtemi lya kĩNzua;

Matayo 5:44

Ĩne gua, namuĩĩla; Alooguĩ ĩalugu aani, alompeelĩ naakumuagagiaa,

Maliko 14:55

ĩApolia naakulu nilindĩ liensi naiidũũma ukuĩli kwa kĩYesu koona amuulage; sika naaona.

Maliko 15:1

Ĩkamuĩ pĩna naweela ĩapolia naakulu palumuĩ nĩanampala nĩalangi nilindĩ liensi naakoomia ĩkialo, naamutũnga ũYesu, naamutuala naamuĩĩka mumikono ya kĩPilatu.

Luka 12:5

Ĩpa nĩkakumusugula namukakumoopooka; moopooke uyo nutĩĩte usũũmi wa kwiulaga, kangĩ utĩĩte usũũmi wa kutaaga muGehena eeze namuĩĩla, moopookĩ unuasio!

Luka 22:66

Pĩna naweela, naĩlundĩĩla ĩanampala a antu nĩapolia naakulu nĩalangi, naamutuala kũlindĩ liao, naaũga;

Yohana 11:47

Iio, ĩapolia naakulu nĩApalisayo naaĩĩka ilindĩ, naaũga, “Kutendeeii? Kunsooko umuntu uyu witenda ilĩngasĩĩlio iingĩ.

Yohana 15:25

Ĩpa lutimĩĩligue ulukaani naalĩ luandĩkue muUlagĩĩlio waao, Alĩ ansuukĩlue nakanda.

Yohana 7:20

iYũmbĩ nalĩshookeelia, “Ue umunalĩsĩĩmuĩ! Waani nwidũũma kukukuulaga?”

Yohana 8:48

ĩAyahũdi naashookeelia naamuĩĩla, “Sika kwitambula iizane kĩna ue uMusamalia, kangĩ umunalĩsĩĩmuĩ?”

Utendi 17:18

Nityũmpĩ lya Aepukuleo nĩAstoiko, ĩakola masala naataagana nduyo. ĩĩĩa naaũga; “uMusolia umbodele uyu, muloe kwitambula yaani gile.” ĩĩa naaũga; “Wigyelĩĩle zĩ mutanantia wa anzua a kĩgenda.” Kunsooko alukumutanantia ũYesu nuwiiuki.

Utendi 22:30

Lutondo lwa kabĩlĩ pĩna nusiia kwimana kutai kunsooko kĩ alĩ wishookigua nĩAyahũdi, numutũnguĩla, nulagĩĩlia ĩapolia naakulu nilindĩ liensi lyĩlunde. Numuleeta uPaulo pansĩ numuĩmĩkia ntongela yaao.

Utendi 23:1

uPaulo nuatuupĩĩla ĩakulu ilindĩ, nuũga; “Agoosia anũna aane, ine kumoo namuelu nikyalile ntongela ya kĩNzua sunga nantende.”

Utendi 24:20

Katia ĩeene atambule utimu kĩ naalĩ auoonie pĩna alĩ nĩĩmĩkile ntongela ilindĩ,

Utendi 4:15

Pĩna naaalagĩĩlia apũne mũlindi, naalonga ĩkialo eene kuene,

Utendi 5:21

Pĩna naiigia izi, naiingĩla munumba ya kĩNzua kĩlĩ daau naiimania. Nuuza umupolia namukulu nĩndĩo naalĩ ĩensi ninduyo, naaailingĩĩla ĩanilindĩ nĩanampala ensi aĨsilaeli, naatuma ĩantu kukĩtũngo koona aaleete.

Utendi 5:27

Pĩna naaaleeta, naaĩĩmĩkia pakatĩ ilindĩ. uMupolia namukulu nuakolekeelia.

Utendi 6:12

Naaalũangĩla ĩantu nĩanampala nĩalangi; naamuagaana, naamuguĩla, naaamutuala kuntongela ilindĩ,

Utendi 6:15

Tũlũ ensi naalĩ ikyalansile pilindĩ naamutuupĩĩla naamuona uusiu waakue zĩ usiu wa kĩmalaĩka.

Utendi 7:37

Uuyo Musa naalĩ waaĩĩlĩĩle ĩaana a Ĩsilaeli, uNzua ukakumunansulĩlia munakĩdagu muanũna aani, kĩna alunansuĩle ĩne.

Alumĩ 12:10

Kuuloogua wa kĩnũna, mwĩloogue niinie kuniinie; kwikyulio, ĩmuatongelĩĩle ĩaani.

1 Akolinto 6:10

nĩiii, nĩaawa, nĩnaakugaalaa, nĩatukani, nĩatũlani, sikaijile kuusaala uutemi wa kĩNzua.

1 Akolinto 6:6

Ĩpa mukĩsokia kĩnũna kukĩnũna, kangĩ ntongela yaao nasika asuĩlĩĩle?

1 Atesaloniki 4:6

muntu waleke kumutimulĩla nukumupembeelia umunũna waakue mulukaani luasio; kunsooko ũShekulu ingĩ muene ukukaasagiaa munkaani izi tũlũ, kĩna iio naalĩ kumuĩĩlĩĩle kualie ĩmuandio.

Tito 3:2

aleke kumutukĩla kamuntu, alekitũla aleei, atũle aaza, ĩilagĩĩla uupolo tũlũ kuantu ensi.

Aebulania 12:25

Mwĩkendegeele muleke kumusiita uzo nukutambulaa. Kuitĩ iaasio naalĩ amusiitile uyo naalĩ waasuguĩle muna nsĩĩ, sika naasũũma kwitalama, nangũlũ gua ishie sika kukishũũma kwitalama kanga kumusiite uyo nukukusugulaa kwipũna kwigyulu.

Aebulania 5:9

nduyo paasio pĩna nutũla mukamĩnkĩĩlũ nutũla muandio wa ugũnua wa kalĩ nakalĩ kuasio tũlũ naakumugombaa,

Yakobo 2:20

Ĩpa ue muntu wa lukeemo, usiilene kwimana ya kĩna uusuĩĩli pĩna ugila kautendi ingĩ nakanda?

Yakobo 3:6

Nululĩmĩ ndulo luene mooto; luene unkũmbigyulu wa uleki. Mumatũmpĩ mĩĩtu ma muĩlĩ, ululĩmĩ luene lukudobagiaa umuĩlĩ tũlũ wensi, kangĩ lukuishonsa tũlũ naalĩ iumbue, ndulo lukuakĩlagiguaa numooto wa Gehena

1 Petelo 2:23

Uzo pĩna alĩ witukua sika alushookelĩĩlie kaituki; pĩna alĩ wiaagigua sika aluopokilie, ĩpa alĩ wĩĩĩkile kumuakue uyo nukulamulaa kukulukuuluu.

1 Petelo 3:9

Mulekishookeelia ubĩĩ kuubĩĩ katia ituki kuituki; taazu mukembete, kunsooko iio alĩ muĩĩtĩlue, koona muusaale uukembetua.

1 Yohana 2:9

Uzo nukuũgaa kĩna wĩĩlĩ muweelu, ninduyo umusuukĩĩlue umunũna waakue, wĩĩlĩ muwiilu sunga nunzuauu.

1 Yohana 3:10

Kunzĩla ĩĩ ĩaana a kĩNzua igyelĩĩle, sunga ĩaana a kĩShetani gaa. Tũlũ wensi nasikukutendaa ĩkulukuuluu sika wa kĩNzua, sunga uuyo nasikumuloilue umunũna waakue.

1 Yohana 5:16

Wensi kanga wamuone umunũna waakue witenda umulandu nasika wa ukiu, ukilompa, nuNzua ukakumupeela upanga kunsooko ya aasio naatendile umulandu nasika wa ukiu. Ukoolĩ mulandu wa ukiu, sika mbũgile walompe kunsooko ya waasio.

Yuda 1:9

Ĩpa uMikaeli, umalaĩka namukulu, pĩna alĩ akĩsinka nũShetani nukukĩguma nduyo kunsooko ya muĩlĩ wa kĩMusa, sika nugimia wamusokie kukumutuka, ĩpa nuũga, “ũShekulu nwakutakĩle ue.”

Ukũnukulua 20:14

uUkiu nuUlungu nautaagua munanza ya mooto. Uu wau ukiu wa kabĩlĩ, ndĩo ingĩ ĩnanza ya mooto;